Matyu 12:10 - Nobonob Baibel

¹⁰ Am danab laa nug appa dayom, nug eppeg mauhak ele amunu, danab laala ag Jesus Nug aɗi heeb anidkkulagnu meidna, ag Jesus oɗ mettan appig. “Ig danab Sabat deɗppa bappaidkkunignu am enate?” aon appig.

Matyu 12:10 ပူးပေါင်းရင်းမြစ်များ

Aisaia 32:6

Aɗinu? ⌊Ag inam dooglag.⌋ Danab nug Kayaknu dab-ii-maama ii dim lamidtte ele, danab amu nug nuhig nai mattiak am Kayak dab-ii-maama hakppa gotte. Ao, danab Kayak dab-ii-maama, Nug dim ii lamidtte ele, nug nau hekkunu dabmaama daatte. Danab nug Kayak dab-ii-maama, Nug dim ii lamidtte ele, nug Kayaknu, nuhig haknu ele uutte. Ao, danab nug Kayak dab-ii-maama, Nug dim ii lamidtte ele, nug Yawenu hambuppuak nai maditte. Danab anam nug danab ee iitta ele ehanitta, ee metteb lakkunu uua heehe, danab amu ee iitta daatte. Ge, nug danab le baag diitte ele, nug nug ehanitta, le oug metteb lakkunu uua heehe, danab amu nug le iitta daatte.

Aisaia 59:13

Hipunin ig hemut am, Ig Yawe waappa daagnignu uut, ig nuhig nai tappaut neum. Ig Nug dim lamidkkunignu amut, amge ig uut, ib laappa gomut. Ig ihinig Kayak dimettamut. Ig danab ah laa ele eheɗ hadata, uug kuɗum mattata, ig laa ag ele amu hekkulagnu eeɗadmut. Ig Kayak waappa daagnignu uut, ig laa ag ig gumigkkulagnu maattom ele amu, ig ag lamadtata, ig laa ag anam hekkulagnu eeɗadmut. Ig oonigppa hambuppuak nai dabmetat, ig amu oɗenigib mattimut.

Aisaia 59:4

Hettoɗiakppa ag oolagppan laa nug nai tutukku ii maditte. Ge, hettoɗiakppa ag oolagppan laa nug nai genabib ii maditte. Juda danab ah ag oh nai meu iitta, nai hamu, ag nai amu hambuppuna mattinna, ag nai amu ehanadkkunu dabmetteb. Danab wau ele aa oiyya, ah nug nid ele daya, nid menutte, amubia ag uug bekkulagnu heeg beeg, kobol eheɗ ele betteb.

Sekaraia 11:17

O gadonnab gadon! Danab okkai amu, nug sipsip pehettak ii gumadtte, nug genab bu okkai aokku. Qep elab nug eppeg okkuleb, nug ameg naɗiap ele yaakku. Ao, nug eppeg am aakku nauhak dayebeb, nug ameg naɗiap ele gaɗuak daakku.” Yawe Nug anam awa atte.

Matyu 12:2

Aon laegeg, ɗo gumak danab-Parasia ag amu anidna, ag Jesus amegppa appig. “Antte, nahipad ippunittak awak danab ag ɗo nug danab laa Sabat deɗppa ee dattanu ii aoma ippunigtte amu, ag Sabatnu ɗo amu tippalna, ee aon latteb,” aon appig.

Matyu 19:3

Nug bappalattette, ɗo gumak danab-Parasia laala ag Jesus ma anttak mettaglagnu Nug gumidna uɗin, inam oɗ medappig. “Ihinig ɗoppa danab nug oo uug ohppa ah nuhig lamitteb gokku am enate o ena iittate?” aon appig.

Mak 3:2

Ɗo gumak danab-Parasia ag ele appa daanna, Jesus Nug aɗi heeb anidkkulagnu meidppig. Nug Sabat deɗppa danab eppeg nau ele ehanitteb elele dayeb amu, ag Jesus hettoɗiak abenppa mekkulagnu oolag dayom.

Luk 11:54

Nug nai eheɗ laa ab, ag Nug dimug mekkulag, amunu heppig.

Luk 13:14

Amge Juda dilag nai doyak lagnu ikki danab nug Jesus Sabat deɗppa Nug ah amu he ena dayom, nug amunu oo nauhe, nug danab ah amelagppa aum. “Deɗ eblaih laippu ele am uɗat haknu daatteb amunu, ag danab nug oɗe ahilag heeb ena daaglagnu dayeb, aria ag uɗat deɗppaib uɗina, ehanittak amu aoglag. Amge Sabat deɗppa amunu aib uɗippig,” awa aum.

Luk 20:22

amunu, na keeke imu appe doognig. Na attem doottem? Ig takis Sisar mettagnig am kobol tutukku o kobol tutukku iitta?” aon oɗ medappig.

Luk 23:14

nug ag amelagppa aum. “Ag danab imu aon, da gumiɗna uɗin, ‘Nug danab ah ag gabman ele ban hekkulagnu maɗadatte,’ appig amu, da Nug ag amelagppa hettoɗimi, amge da nuhig eheɗ hak laa ii anidmi.

Luk 23:2

Ag gona, appa ahan, nug beɗuppa nai huanak yaan appig. “Ig danab imu anittutut, Nug ihinkad danab hambuppualadtte. Nug ig Sisarnu takis mematanu gun ma, Nug nugakka hume attan te, Nug atte. ‘Da Kristus, da king laa,’ awa aum,” aon appig.

Jon 5:10

amunu, Juda okkai ag danab qaɗaqaɗ mawom ele amegppa appig. “Gemu am Sabat, na qaɗaqaɗ maomnanu ɗo daatte. Na aib tippalme,” aon appig.

Jon 5:3

Lag amuppa oɗe danab kuɗumnab, ag amelag gaɗuak, baelag laih nauhak, beɗulag laih mauhak ele daappig.

Jon 7:23

Ag Mosesnu ɗo amu tippalmananu, ag Sabat deɗppa uɗat hemananu ɗo, ag ɗo amu tippalna, Sabat deɗppa uɗat henan, nid naunau gaɗalag otaɗtteb. Aria, ag anam hetteb amunu, da danab laa Sabat deɗppa beɗu babaitti, amu ag amunu aɗinu dahilnu oolag nauhtte?

Jon 8:6

Ag nai amuppa Jesus nai eheɗ laa ab amu ag heppeg, ɗo danab ag Nug aɗan aon, hettoɗiakppa mena, nai beɗuppa yaaglagnu ib madippig. Ag anam appig, amge Jesus Nug gomela, eppeg hiqalppa digma wanppa yaaya dayom.

Jon 9:16

Danab nug anam a amu, ɗo gumak danab-Parasia laa ag Jesusnu appig. “Danab amuam Kayak toppanu ii uɗiom. Aɗinu? Nug ihinig Sabat deɗnu ɗo ii dim lamidtte,” aon appig, amge laa ag appig. “Attemun ha, danab hipunin ele Nug Kayak dabmettaknu kobol danab haknu elele iitta amubia anam hekku?” aon appig. Ag anam anana oppatna, ameg aɗit daappig.