Matyu 11:29 - Nobonob Baibel

²⁹ Ag gugappan tuqai dahil aon gukkalagppa mewona, ag dahilppa dabmak aweg! Aɗinu? Da am wagai mak danab iitta, amu da am oo doyak ele. Ag anam henana, ag oolagppa uug iitta oiglag.

Matyu 11:29 ပူးပေါင်းရင်းမြစ်များ

2 Stori 10:11

Genab, da mamel nug ag uɗatnu uug okkai, ɠagattagnab mattom, amge da amu, geha da ag amu eɗittak, okkainab madakkul. Da mamel nug ag bu qaun eleppa mataɗattom, amge da amu geha bu laa noobppa aeg ele awe, ag huan mataɗadkkul.’ Na anam appe doyeg!” aon appig.

Sam 116:7

Nug anam he, da dakka da amelppa, da dahilnu inam ami. “Yawe Nug nahip-ppa ena heum amunu, na baula maɗoɗ daye!” Da anam ami.

Sam 131:1

O Yawe, da oolppa da dada hak danab ag akka ahilagnu attem attem dabmetteb amu, da amubia dahilnu ii dabmettem. Ao, da laa neekkatten, da dada hein laa amu eɗattaknu dabmak ii aottem. Da keeke okkai okkai, da keeke amunu dab-ii-mettem. Ao, keeke dabmak dahil eɗidtte, da keeke amunu dab-ii-mettem.

Prowerb 3:17

Doyak dabmak ena ele ippu amu enaib. Ge, nug ib atten attenppa danab ah diiadtte amu, danab ah ag maɗoɗib doon oitteb.

Aisaia 28:12

Kayak Nug matu wan imu ag mattowa, Nug ag amelagppa inam aum. “Imuam hik awa, oo maɗoɗ ele dayaknu aben laa. Danab ah ag uug dootteb ele, ag uɗin, ippa hik aweg! Imuam oo maɗoɗ ele dayaknu aben.” Nug anam aum, amge Israel danab ah ag nai amu doon dabmekkulagnu uuppig.

Aisaia 29:19

Haen amu uɗieb amu, danab ag akka ag onilag qeeg nette ele, ag Yawe, nuhig ehanittaknu oolag gamag ahakku. Ao, danab ag keeke iitta ele, ag Yawe, Nug Israel dilag Kayak Oppiaawak Ele, ag nuhig ehanittaknu oolag gamag ahakku.

Jeremaia 6:16

Yawe Nug inam atte. “Da ami. ‘Ag ib oɗatleppa daanna, ag pehettan neegna antteg! Ag, “Ig alankad ib attenppa oippig? Ib atten am ib ena?” ag oɗmak amu heig! Ag oɗ mattan, ib atten am ib ena doon, ag amuppa oinna, ag maɗoɗ aoglag,’ ami. Da anam ami, amge ag uuppig. Ag, ‘Ig ib amuppa ii oimta,’ appig.

Sekaraia 9:9

Danab ah ag Sion appa daatteb, ag oolag huana gamag ahaɗ! Yo, danab ah ag Jerusalem daatteb, ag oolag gamag aheb, huana eig! Antteg! King ahilag Nug ahilagppa aakku uɗitte. Nug genab tutukku hak kobol haaha, nug danab ah ehanatteb, padal ii memananu kobol ele dim lamitta haaha uɗitte. Nug nukka Nug onig qe ne, ⌊Nug danab onig iitta bia,⌋ Nug donki laa attan dayaya uɗitte. Yo, Nug donki nag laa ⌊nakok okkai meum⌋ attan dayaya uɗitte.

Namba 12:3

Aa anam apiɗ, amge Moses nug nukka nug onig qe nettom. Nug, nukka onig nakok laa ii humattom. Danab ah laala ag onilag qeeg neum, amge Moses nug onig qe na auta autanab awom.

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

Matyu 21:5

Nai amuam inam. “Ag danab ah Sion daatteb amelagppa appeg doyeg! ‘Antteg! King ahilag Nug ahilagppa aakku uɗitte. Nug nukka nug onig qe ne, ⌊Nug danab onig iitta bia,⌋ Nug donki laa attan dayaya, aakku uɗitte. Yo, Nug donki nag laa ⌊nakok okkai meum⌋ attan dayaya, aakku uɗitte’ ”

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Matyu 7:24

Amunu danab nug nai dahil imu doya dim lamidtte amu, nug danab laa doyak dabmak ena ele, nug danab laa men qaɗeppa lag ukku aɗe, men aɗa dayeye, aria dimppa nug amu attan lag heum bia daatte.

Luk 8:35

Mattieg doona amu, danab ah ag keeke amu anidkkulagnu Jesus gumidna gona, ag danab ouɗi nau uuidppig amu anidppig. Nug lamen takka, dabmak ena ele Jesus baegppa heɗep na dayeye anidppig. Danab ah ag anam anidna, ag baɗappig.

Jon 13:15

Da antte oo maittak kobol imu ag ippunadmi; ag ele kobol da gemu ahilagppa hemi amubia heig!

Jon 13:17

Ag keeke imu aakku dooppig amunu, ag anam hekkulag dayeb, ag itittak ena aoglag.

Aposel 7:37

Amu Moses nugib aakku, nug nai imu Israel amelagppa aum. ‘Kayak Nug geha ahilagppanu danab laa da bia nug propet daakkunu epeɗia meeb, ahilagppa gokku,’ awa aum.

1 Korint 9:21

Aria da ukke, danab ⌊Juda dilag⌋ ɗo iitta ele, da ag diiadppi, ag Kristusnu oolagppa genab dooglagnu da ag gumatte ukke amu, ag amelagppa aniɗkkulagnu da danab ⌊Juda dilag⌋ ɗo iitta ele bia daami. Amge da Kayaknu ɗo amu ii qe-eɗidmi. Iitta. Da Kristusnu ɗo amu dim lamidmi.

2 Korint 10:1

Da am Pol. Am danab laala ag nai da beɗulppa yaan, inam aon maditteb. “Nug ig ele daattem haenppa amu, nug nukka onig qe ne, ig ele daattem, amge haen nug piɗe dayaya amu, nug nai ɠagattag ig megatte,” aon atteb. Amge da Pol, da am Kristusnu kobol, Nug nukka Nug binagnu ii dabmaama, Nug dagom kobol, oo bodoettak kobol ele danab dilagppa heum, amubia da ahilagppa hein, nai madippi, ag dahil nai dooglagnu unuqadttem.

2 Korint 10:5

Ig a ona a doak nau kobol, amu kobol laa oh ele ag Kayak oɗe ii dim lamidtteb amu, ig kobol amu oh loppaɗttem. Amu ig dabmak oh maniguadta, dabmak oh amu Kristusnu dabmak aakkuib dim lamidkkunu hettem.

Pilipai 2:5

Jesus Kristusnu dabmak bianab ahilagppa daakku am ena.

1 Tesalonaika 4:2

Aɗinu? Ig nai amuppa Naɗi Jesus aɗi aɗi ippuanadkkunignu aum amu, ig ag ippunattaut, ag ana dootteb.

2 Tesalonaika 1:8

Naɗi Nug danab ag Kayak ii dootteb, amu ag ihinig Naɗi Jesusnu Nai Ena ele dim ii lamidtteb amu, Nug ag nob nau tutukku madakku.

Hibru 5:9

Jesus Nug uug amu oh mawom amuppa Nug mana mettak ikki danab daakkunu elelenab mettom, amu Nug danab oh nuhig nai dim lamidtteb ele amu, Nug am ahilag ehanatta eɗua diiak hanhannu diig beum daatte.

1 Jon 2:6

Am aun laa nug, “Da nuhigppa daattem,” atte amu, nug Jesus oiyom bia oiyaɗ!