Matyu 11:24 - Nobonob Baibel

²⁴ Da ag amelagppa attem; epeɗiak haen Sodom am nob nau aokku, amge na Kaperneam, na am nob nau amu eɗittak aokkut,” awa aum.

Matyu 11:24 ပူးပေါင်းရင်းမြစ်များ

Jeremaia 23:14

Ag anam heeg anidmi, amu propet Jerusalem daatteb, ag ele eheɗ nau heegeg anadttem. Ag ewau pakkuna gappai henana, ag danab ah amelagppa ena hak danab bia daatteb, amge oolagppa, lokkumakppa ele ag danab nau daatteb. Ag danab eheɗ hekkulagnu hetteb ele ehanadtteb amunu, laa nug eheɗ hak nuhig ii dimedatte. Dahil neekkakppa Jerusalem danab ah oh ag Sodomnu danab ah, o Gomora danab ah bia daatteb,” awa atte.

Gayak Nai 4:6

Yawe Nug dahilad huu bu mattom amu; bu mettak amuam Sodom dilag eɗittom. Yawe Nug Sodom pahanab he nauhom; danab heeg, Sodom danab ah uug ii dooppig.

Esekiel 16:48

Da genab bau daattem, genab amubia da na Jerusalem, da na amenppa attem. Na makkep Sodom, nug aɗekkud ele ag naunab nau, na, na aɗenad ele hetteb bia amu, ag anam ii heppig.” Naɗi Yawe Nug anam atte.

Matyu 10:15

Da genab ag amelagppa attem; epeɗiak haen okkaippa Sodom, Gomora ele aa nob nau aoglah, amge aab amuam nob amu eɗittak aokku.

Matyu 11:22

Da ag amelagppa attem; epeɗiak haen okkaippa Tair, Saidon ele aa nob nau aoglah, amge aa Korasin, Betsaida ele, aa nob nau amu eɗittak aoglah.

Matyu 23:14

((O gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag ah qab hambuppualadna, ag laulkad yab aotteb. Ag yab awona, ahilag hipunin amu danab ah amelagppa lokkumkkulagnu ag unuqittak elab hetteb amunu, epeɗiak haenppa geha ag uug okkainab aoglag.))

Mak 6:11

Amge deɗ laa ag aab laappa teppeg, aab amuppan danab ag ag ele laippu dayaknu oolagppa eleleib ii dootteb dayeb, nai ahilag ele ii dooppeg, haen ag ahan, aab amu uunna, ag aab amuppan danab ag eheɗ heppig dooglagnu, ag baelkadppanu gappud heppeg naɗ!” awa aum.

Luk 10:12

Anam aakku amu da ag amelagppa attem; epeɗiak haen okkaippa Sodom am nob nau aokku, amge aab amuam nob nau amu eɗittak aokku.