Matyu 11:22 - Nobonob Baibel

²² Da ag amelagppa attem; epeɗiak haen okkaippa Tair, Saidon ele aa nob nau aoglah, amge aa Korasin, Betsaida ele, aa nob nau amu eɗittak aoglah.

Matyu 11:22 ပူးပေါင်းရင်းမြစ်များ

Jeremaia 25:22

Aria, da Tair, Saidon dilag king anen anen matten, da wan laala yu hippeg laihppa daatteb ele amu, da ahilkad king ele mattami.

Jeremaia 27:3

Aria gemu amu, danab laala ag Edomnu, Moapnu, Amonnu, Tairnu, amu Saidonnu ele ag ahilkad king ag Juda dilag king Sedekaia ele nai mattiglagnu maatteg Jerusalem uɗippig daan, amu hetteb ele amu, na amu gumadna gona, dahil nai ag eɗun aon gona, ahilkad king amelagppa nai amu akkulagnu ag eppelagppa mekkut.

Esekiel 29:18

“Danab bekka, Babilon dilag king Nebukatnesar nug he, nuhikkud daup ag Tair aab eɗidkkulagnu uɗat ɠagattag, heɗiag ele heppig. Ag keeke digdig ikkilagppa maoegeg, ikkilag uɗug tataɗe ukke, iitta meum. Ag keeke gukkalagppa maoegeg, gukkalag ihi mettom. Anam, amge Nebukatnesar, nuhikkud daup ele ag aab Tair paha eɗidkkulagnu elele iitta. Anam daye, Nebukatnesar, nuhikkud daup ele ag Tair appanu keeke nobnu laa ii aoppig.” Yawe Nug anam awa atte.

Joel 3:4

Ag Tair, Saidon amu Pilistia danab ah ele, ag dahilnu aɗi nai laal elete? Ag da keeke laanu nob nau meɗaglagnu hettebte? Ag anam hekkulagnu hetteb dayeb amu, ag dabmeig! Da pahanab ahilag hak nau dahilppa heppig amu, da amunu nob nau ag madakkul.

Matyu 10:15

Da genab ag amelagppa attem; epeɗiak haen okkaippa Sodom, Gomora ele aa nob nau aoglah, amge aab amuam nob amu eɗittak aokku.

Matyu 11:21

“O gadonnab gadon aab Korasin, o gadonnab gadon aab Betsaida ele. Da ahilah danab oolagppa oiyeye, kobol digdig danab hekkunu elele iitta hemi amu, danab laa nug Tair Saidon ele, danab appa daatteb ag am iitta aɗi danab amu, nug danab amu ahilagppa kobol amubia helo, Tair Saidon ele dilah danab ag anukkanab lamen heɗiag ele takkan, uhuɗppa daanna, ag oolag eɗulo.

Matyu 11:24

Da ag amelagppa attem; epeɗiak haen Sodom am nob nau aokku, amge na Kaperneam, na am nob nau amu eɗittak aokkut,” awa aum.

Matyu 12:36

Amge da ag amelagppa attem. Epeɗiak haenppa Kayak Nug danab ah ag nai diig iitta madippig ele amu, Nug amunu epeɗiadkku.

Luk 10:14

Amunu da ag amelagppa attem; epeɗiak haen okkaippa Tair, Saidon ele aa nob nau aoglah, amge aa Korasin, Betsaida ele, aa nob nau amu eɗittak aoglah.

Hibru 2:3

Aria gemu amu Kayak Nug ig eɗua awigkkunu ib babaittom, uɗat naɗi nuhig aakku daatte amunu, ig Kayaknu uɗat amu dimettagnig dayeb, ig eheɗ hak ihinignu nob naunu dekkaɗta oolta gokkunignu elelete? Iitta! Ig elele iittanab. Naɗi Jesus Nug nukka, eɗua awikkak amunu amu Nug tatam a, danab ag Nug oɗeppa aawo dooppig ele ag ig amenigppa nai amunu am genabnab ippunigppig.

2 Pita 2:9

Aria, Kayak Nug amu oh ahilagnu anam heum amunu, Nug danab ag Nug noobppa genab tutukku hak danab daatteb amu, Naɗi Nug ag uug oh, ahilagppa betteb amu amuppanu diia atognoadkkunu doya auta awawa, Nug danab ag Nug noobppa genab tutukku hak danab iitta ele, Nug ag diia, nob nau awaknu hettoɗiak haen ameg mena daaglagnu maadkkunu ele doya auta aotte.

2 Pita 3:7

Amubia Kayak oɗeppa hab wan ele gemu daattep amu, aa geha aab ewakppa daaglahnu aum daattep. Hab wan gemu daattep amu daapeɗ ukkeb, deɗ laa Kayak Nug danab ag Kayaknu nuhig haknu ele uuak danab daatteb epeɗiatteb padal mekkulag, deɗ amuppa hab wan ele gemu daattep am aab ewakppa daaglah.

1 Jon 4:17

Ib amuppa amu, ig epeɗiak haenppa Kayak noobppa baɗak iitta ele daagnignu, oo mauhak kobol ig oonigppa elelenab mette. Ig epeɗiak haenppa Kayak noobppa baɗak iitta daagnignu diig am, ig wan imuppa daatta, Kristus Nug daatte amubia, ig ele daattem.

Revelesen 20:11

Da amu anttena amu, da imu ele anidmi. Da sia king okkainab, hakkab ele, amuppa Kayak Nug heɗep na dayeye anidmi. Wan imu, hab ele nug noobppanu ooleh, aben laa aa daaglahnu ii dayom.

Revelesen 20:12

Da aakku danab mauhadppig, okkai nakok ele oh, Nug noobppa hippaidna daaegeg anadmi. Nug buk laala kolattom amu buk laa, amuam buk onig Bauklel Awe Onig Yaaknu Buk, Nug buk amu ele kolom. Danab mauhadppig amu ag aɗi heppig, buk laalappa epeɗiaknu amu yaak niitte amuppa epeɗiattom. Amu oh ag aɗi heppig amuppa epeɗiattom.