Matyu 11:21 - Nobonob Baibel

²¹ “O gadonnab gadon aab Korasin, o gadonnab gadon aab Betsaida ele. Da ahilah danab oolagppa oiyeye, kobol digdig danab hekkunu elele iitta hemi amu, danab laa nug Tair Saidon ele, danab appa daatteb ag am iitta aɗi danab amu, nug danab amu ahilagppa kobol amubia helo, Tair Saidon ele dilah danab ag anukkanab lamen heɗiag ele takkan, uhuɗppa daanna, ag oolag eɗulo.

Matyu 11:21 ပူးပေါင်းရင်းမြစ်များ

Job 42:6

Anam amunu, da gemu da dakka, da dahilnu, da ena iinab doottem. Da anam doyeye, da wan gappudppa, uhuɗppa ele dayeye, da ool eɗue aute autenab aottem,” awa aum.

Jeremaia 13:27

Ag Juda ⌊ag kayak hambuppuak dim lamadnana, ag noolagppa dup nona binalag meegeg uɗie, gemu ele hetteb amu, haen ag amu henana, kayak hambuppuak amu dilag kobolppa ag⌋ danab ah ewau matulak ii awak ele, ag laa ele mauhnoak niiglagnu duttunak eheɗ doon, hos hetteb bia uɗa nak iitta ele henana, ag ib baag ah hetteb bia aakku heegeg uɗie, gemu ele hetteb. Ag amu heegeg, uɗie gemu ele hetteb amunu, da heppi, laa ag amu anidna dooppeg, ag Juda, ag uɗalag eheɗ nekku. Laa ag haen amuppa anadkkulag, amge da ahilag eheɗ hak nau, da hak amunu oolppa uuaknab doottem, da hak ahilag amu aakku antten malami. Ag qauko nakok igippa, dadppa ele ⌊kayak hambuppuak noolagppa dup nona binalag menana,⌋ eheɗ hak amu oh heppig, gemu ele hetteb. O gadon, Juda danab ah, ahilagnu gadonnab gadon. Ag heegeg, oolagppa dubuttid daatte; amu haen gane laa ele ukkeb, ag anamib daaglagnu uuglag.” Yawe Nug anam atte.

Joel 3:4

Ag Tair, Saidon amu Pilistia danab ah ele, ag dahilnu aɗi nai laal elete? Ag da keeke laanu nob nau meɗaglagnu hettebte? Ag anam hekkulagnu hetteb dayeb amu, ag dabmeig! Da pahanab ahilag hak nau dahilppa heppig amu, da amunu nob nau ag madakkul.

Amos 1:9

Yawe Nug inam atte. “Tair danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil amu heppi, iitta ii mema. Hipunin laa ag heppig am, ag dahilad danab ah ele layam batan, nug tituanna nai qagappig, amge ag nai amu lopaɗna, ag dahilad danab ah dilag aab kuɗum eɗadna, aab amunu danab, ah, nid ele oh aɗualadna, diin gona, Edom danab ah dilag maɗi nid daaglagnu maatteg, Edom danab ag daden maadppig.

Matyu 11:22

Da ag amelagppa attem; epeɗiak haen okkaippa Tair, Saidon ele aa nob nau aoglah, amge aa Korasin, Betsaida ele, aa nob nau amu eɗittak aoglah.

Matyu 15:21

Jesus Nug anam ana, Nug aab amu uua aha ukka, Tair Saidon dilah wan atu, appa ukkom.

Matyu 18:7

Wan imuppan danab ag laala hipunin hekkulagnu eeɗadtteb amu, ahilagnu gadonnab gadon. Kobol amuam genabnab daatte, amge danab nug anam hette, nuhignu am gadonnab gadon.

Matyu 26:24

Danab Bekkalag da, Kayak nai atte amubianab da mauhkkul, amge danab nug Danab Bekkalag da, kekeɗ eppelagppa meiɗkku amu, nuhignu gadonnab gadon. Nug anig nug ii menulo am ena,” awa aum.

Mak 3:8

Judanu, Jerusalemnu, Idumeanu, Jodan le laihnu wan atuppanu, aria Tair, Saidon ele dilah wan atu eleppanu, ag oh Jesus kobol hettom dooppig amunu, ag Nug anidkkulagnu dim lamidna goppig.

Mak 6:45

Ag ee lana malaeg amu, Jesus Nug nuhikkud ippunittak awak danab amelagppa aum. “Da danab ah kuɗum imu oh qatiglagnu abippi, ag ahan, uubppa tena, Galili le ameg mataɗna, laih Betsaida ukkeg!” awa aum.

Mak 7:24

Aria, dimppa Jesus Nug aab amu uua aha ukka, aab okkai onig Tair guguittak, appa lag laappa ta, appa lokkuma daakkunu ha dayom. Amge danab laala ag Jesus uɗiom daatte dooppig amunu, Jesus Nug lokkuma ii dayom.

Mak 7:31

Dimppa Jesus Nug Tair guguittak dayom, Nug appanu aha ukka, aab okkai Saidonnu wanppa ukkowa, Nug le ameg Galili appa noa, Nug Dekapolis wan atu, Nug amuppa ukkom.

Mak 8:22

Aria, ag gona, Betsaida teeg, appan danab laa ag danab laa ameg nauhak ele omalna, Jesus gumidna gona, Nug eppeg danab amu qaɗeppa ma bappaidkkunu unuqppig.

Luk 4:26

amge Kayak he, Elaiya nug Israel dilagppa ah qab gumatta ii ukkom. Iitta. Nug he, Saidon guguittak aab laa onig Sarepat, appa ah qab laa dayeye, nug gumitta ukkom.

Luk 6:17

Amu Jesus Nug nuhikkud totol danab ele ag oh nona gona, Nug wan uɗem enappa hibaitta dayom. Nuhikkud ippunittak awak danab kuɗumnab, amu danab ah kuɗumnab laa, ag Judanu, Jerusalemnu amu, aab okkai aɗit Tair Saidon ele, amu dilah wanppanu ele oh uɗieg daappig.

Luk 9:10

Aria, deɗ laa totol danab 12 ag eɗun uɗin, Jesus amegppa, ag gona keeke oh heppig amunu aeg doya, Nug aha omalatte, aab laa Betsaida, amuppa akka goppig.

Jon 12:21

Grik danab amu ag Galilinu aab Betsaida ted Pilip gumidna gona amegppa appig. “Danab naɗi, ig Jesus anidkkunignu oonig daatte,” aon appig. Betsaida am Galili appa dayom.

Aposel 12:20

Aria, Herot Agripa nug Tair, Saidon ele dilah danab ah dilagnu oo aeg beum. Amu amun danab ag ee Judanu hanhan daden meppig amunu ag enug aqamanu, danab ah amu ag qagmena gumidna gona, ag Herot ele nai bappaidkkulagnu dabmeppig. Ag amu hena, ag nuhig ehanittak anuqak danab okkai laa onig Blastus gumidna gona, amegppa Herot nug oo aeg bak amu uukkunu, ag oh maɗoɗ ele daaglagnu aeg, nug ehanadkkunu aum.

Aposel 27:3

Aria deɗ amu uue, wagɗe deɗ amuppa ig gota Saidon eeɗmut. Julius nug Pol nuhigppa kobol enaib ha uuitte, Pol nug laikkud gumatta oiyebeb, ee keeke mettaglagnu aum.

Jut 1:11

Danab amunu am gadonnab gadon. Ag Kainnu kobol hena oitteb. Ag men doɗonuib dabmena, Balam kobol eheɗ heum bia hetteb. Ag anukka Kora tappe nak ha nauhom, amubia ag anam hena, padal metteb.

Revelesen 11:3

Anam amu, ⌊da Kayak,⌋ da appi, dahil laa aɗi heehe anttomnu mattiak danab aɗit, aa lamen heɗiag ele takkaya, deɗ 1,260 aa propet nai mehuqkkulah,” awa aum.

Revelesen 6:12

Kayak Nug anam he amu, Sipsip Nag Nug buk itoɗiakppa qataqak ebqak 6 tolele anidmi. Tole, mim okkai wanppa neum. Aam gatatu mane, wan gatatu manom. Gatatu mane amu kalam nug kokoɗ, tiig bia, dayom.