Matyu 11:20 - Nobonob Baibel

²⁰ Aria, aab laalappa Jesus Nug appa kobol danab hekkunu elele iitta kuɗum heum, amge danab ag oolag ii eɗuom, diig amunu haen amuppa Jesus Nug ag alatta aum.

Matyu 11:20 ပူးပေါင်းရင်းမြစ်များ

Jeremaia 8:6

Da daul humen, nai dookkulnu daye autenab aottem, amge laa nug nai tutukku ii maditte. Laa nug nau hak nuhignu, “Da eheɗ hemi,” anana, oo ii eɗutte. Ag anen anen ohnab ag eheɗ hekkulagnu dabmetteb; ag dabmak amuib dim lamidtteb. Ag hos ag banppa qaiettan gotteb, ag amubia ahilag dabmak eheɗ dim lamidkkulagnu hetteb.

Matyu 12:41

Haen Kayak Nug danab ah epeɗiadkku amu Niniwe danab ah ag ahan, danab ah haen gemunu dilag eheɗ hak amu miag atiglag. Aɗinu? Niniwe danab ag Kayak nai Jona oɗeppa doona, ag oolag eɗuom, amge gemu laa Jona eɗittak am iikku daatte.

Mak 16:14

Dimppa amu Jesus Nug ippunittak awak danab 11 ag ee lanana daaegeg, Nug tula gumatta wana, Nug ag ooppa genab doyak iitta daanna, ag laa ag Nug eɗua hibaittom dimppa anidna, ag amelagppa appig, amge ag oolagppa genab dooglagnu uun, ahilag dabmak amu ɠagattag eppom, Nug amunu daulag batom.

Mak 9:19

Danab nug anam a amu, Jesus Nug oɗeppa awa aum. “Ag oh oolagppa genab doyak iitta. Da ag ele haen elab daamut, amge ag dahilnu oolagppa genab ii dootteb amunu, da ool uug ele. Ag haen ganeb ag dahilnu oolagppa genab dooglag? Ag nid omalna dahilppa doig!” awa aum.

Aposel 17:20

Ag anam anana, ag tuɗidna appig. “Nai na mattie doomut am nai baunab amunu, ig nai amu diig doognignu oonig daatte,” aon appig.

2 Korint 12:21

Am da eɗue ag gumatte goppi, Kayak Nug ag matu hipunin heppig, Nug hipunin amu ippuniɗeb, ag noolagppa da uɗal nekkunu ool ii daatte. Geha da danab ah kuɗum ag hipunin digdig, kobol dubuttid ele, gappai kobol, hipaɗu ahak kobol ele heppig, ag amunu oolag ii eɗuom ele anttena amu, da amunu gaakkul, amge da anam antten gaakkulnu ool ii daatte.

Jems 1:5

Ag oolagppa danab laippu laa nug doyak dabmak ena ele elele iitta daatte dayeb amu, nug amunu Kayak unuqittaɗ! Nug unuqitteb, Kayak Nug doyak dabmak ena ele medakku. Kayak Nug keeke danab madatte amu, Nug elelenab madatta, Nug mettaknu nai ii hette.

Revelesen 16:11

Ag guittak doona, ag Kayak, hab aabppa daatte amu, ag nuhignu dabittak nai appig. Aɗinu? Ag ihilag eheɗ guattom, amge ag ahilag hak nau, amunu oolag laa ii eɗuom. Iitta.

Revelesen 16:9

Danab ag gakkaɗak huanaknab amu anam ewatta auta awe, ag Kayak Nug keeke nau danab uug okkai madatteb amu oh gumattom ele, ag nuhignu dabittak nai anana, ag oolag ii eɗuom, Kayak binag amahlak oppiaawak ele ii medappig.

Revelesen 2:21

Da nug oo eɗukkunu haen mettami, amge iitta. Nug nuhig gappai kobol ii uuom, oo ii eɗuom.