Matyu 11:17 - Nobonob Baibel

¹⁷ ‘Ig ahilagnu dumuttum iwalmut, amge ag ahi ii edappig. Ig ahi oo doyak ele ettamut, amge ag ii gaappig,’ atteb amubia hetteb.

Matyu 11:17 ပူးပေါင်းရင်းမြစ်များ

Genesis 50:10

Ag gona, Atatnu ee aeg mumuɗaknu abenppa teppig. Aben amu le Jodan guguittak dayom. Haen ag appa tena amu, ag mahittak guittak ele heppig. Amu Josep nug mamegnu deɗ eblaih aɗit ele oo doyak doyaya, appa dayom.

1 King 1:40

Am danab ah oh ag anam enana, Solomon dim lamitteg, Jerusalem aab okkaippa wappig. Wanana, ag gamalag ahehe, baalag okkaippa enana, attug ele iwalppig. Eppig, baalag oqotti amu okkainab ahehe, wan uɗalom.

Aisaia 30:29

Kekeɗ dilagppa anam bekku, amge ag Yawenu danab ah ag danab ag qagmak gamag ahak ele Yawenu tituanak daatte, ag amu henana, ahi edatteb, amubia ag ahi ettaglag. Ao, danab ag dumuttum iwalnana, Yawenu qaukoppa tenana, oo gamag ahak dootteb, amubia ag oo gamag ahak dooglag. Ag Israel dilag ehanittak, Nug laugppa tenana, gamag ahak dootteb bia dooglag.

Jeremaia 31:4

Da ag Israel danab ah ehanadppi, ag eɗun, ɠagattag daaglag. Ag am ah makkun laa padal mekkunu haaha, eɗua ena daya aha, tambarin eppegppa aɗa, musik haaha, oo gamag ahak okkai ele ahi goɗatte, ag amubia hekkulag.

Matyu 11:16

Anam ana amu, Nug baula aum. “Da danab ah haen geha imunu da ahilagnu aɗi bia akkul? Ag am nid naunau ee oɗiak abenppa daanna, ameg laa amu ameg laa amelagppa enana,

Matyu 11:18

Aɗinu? Jon nug uɗia, nug ee digdig ii laum, wain ele ii laum amunu, danab ah ag nuhignu, ‘Nug beɗuppa ouɗi nau ele,’ aon atteb.

Matyu 9:15

Ag Jesus amegppa anam appig amu, Jesus Nug aum. “Da am danab nug ah aotte bia. Aria, dahil ippunittak awak danab, ag am da lailad. Amu ig doottem, ewau matulak haen am oo gamag ahak ele amunu, danab nug ah aotte, nug daatte haenppa, nug laikkud ag uug doonna, ee ohnu kud mena daaglagnu am iitta. Ag oolag gamag ahak ele amunu, ag ee ii uumna, ag lakkulag. Anam aakku daatte, amge deɗ laa dimppa ag lailag, ah awom ele amu, nug laih ukkeb, haen amuppa ag oolag uug ele amunu, haen amuppa ag ee ohnu kud mena daaglag. Amu da ami, amubia. Da am danab ah aotte bia. Dahil ippunittak awak danab ag am da lailad bia. Da gemu ag ele daattem amunu, ag ee ohnu kud mena daaglagnu elele iitta. Dimppa da goppi, ag anam hekkulag,” awa aum.

Matyu 9:23

Ena daye amu, haen Jesus Nug ukka, ikki danab laug ooppa noa, Nug laa dumuttum iwalppig, danab ah kuɗum laa mahittak kobol heegeg ele anattom.

Luk 15:25

Heegeg, nid tatamnu nug dad okkaippa dayaya, dimppa nug uɗia, nug lag guguitta ba amu, ag ahi ettak, goɗak ele heegeg doya,

Luk 23:27

Danab ah kuɗum ag Jesus dim lamidna gonana, ag oolagppanu ah kuɗum ag nuhignu oo doyak okkainab doonna gaappig.

Luk 7:32

Ag am nid naunau ee oɗiak abenppa daanna, ameg laa amu ameg laa amelagppa enana, ‘Ig ahilagnu dumuttum iwalmut, amge ag ahi ii edappig. Ig ahi oo doyak ele ettamut, amge ag ii gaappig,’ atteb amubia hetteb.