Matyu 10:5 - Nobonob Baibel

⁵ Jesus Nug totol danab 12 amu maatte, gokkulagnu daaegeg, Nug nai matta aum. “Ag gona, iitta aɗi dilagppa, amu Samaria dilagppa ele aib goppig.

Matyu 10:5 ပူးပေါင်းရင်းမြစ်များ

Matyu 22:3

Nug ee hewowa, nuhikkud maɗi nid laala maatte, ag king nug anukka ewau matulak hobulnu deɗ mattom ele amu, ag onilagppa eppeg, uɗin hobulppa daaglagnu goppig. Gona onilagppa eppig, amge ag hobulppa ukkaknu uuppig.

Matyu 4:15

Propet Aisaia nug inam aum. “Seblon wan, Naptali wan ele, aa ib laa yuppa ukkak amu, ib amuam aa oppatata gotte. Aa Jodan leppanu qaban uɗitteppanu daattep. Aa am Galili wan, aa oolahppa danab laihnu uɗiak kuɗum daatteb.

Mak 6:7

Nug anam oiyaya amu, Nug nuhikkud ippunittak awak danab 12 onilagppa e uɗieg, Nug aɗit aɗit maatte, ag aab laalappa gokkulagnu daaegeg, Jesus Nug ag ouɗi nau lamadkkulagnu ɠagattag matta,

Luk 10:1

Amu dimppa Naɗi Nug danab 72 laa, ag aɗit aɗit anuqna, aab okkai nakok ele ohppa, Nug gokkunu dabmeum ele, amuppa goppeg, dimppa Nug nukka ele amuppa dim lamatta gokkunu otiattom.

Luk 10:33

Amge Samaria danab laa, ⌊Samaria Israel ele ag layam ena iitta amu,⌋ nug ib amuppa uɗia, danab amu gumitta doa, danab amu antta, nug oo bodoetta le meum.

Luk 17:16

Nug ukka, Jesus baegppa laippun gateg qaun o, gomela, iɗu wanppa ma, “Na ena heme,” aum. Danab amu nug am Samaria danab. ⌊Samaria Juda ele ag am layam iitta.⌋

Luk 9:1

Jesus Nug ippunittak awak danab 12 onilagppa e uɗieg, Nug ag ouɗi nau oh lamadna, oɗe digdignu ele heppeg iitta mekkulagnu ɠagattag matta,

Luk 9:2

ag gona, Kayaknu ɗo maɗoɗnu nai mehuqnana, danab oɗe ele heppeg ena daaglagnu maatte goppig.

Jon 17:18

Na wan imuppa meiɗe uɗie, wanppan danab ah oolagppa dayeye oimi, amubia da ag maatti, ag ele wanppan danab ah oolagppa daan oiglagnu gotteb.

Jon 20:21

Ag anam doyeg amu, Jesus baula amelagppa aum. “Ag maɗoɗ ele dayeg! Mame Nug da meiɗe uɗimi, amubia da ele ag maatti gotteb,” awa aum.

Jon 4:20

na appe doyei! Ig mamenkad amu, ag qauko imuppa dup noa binag mak kobol heppig, amge ag Juda, ag ig danab ah oh Jerusalem appa dup noa binag mak kobol hekkunignunab daatte atteb. ⌊Anam amu ig attem hekkunig?⌋” awa aum.

Jon 4:5

Nug Samaria aab laa onig Saika, appa teum. Aab amuam Jakop nug bekka Josep wan mettom, amu guguittak.

Jon 4:9

Nug anam a amu, Samaria ah nug aum. “Na amu Juda danab, da am Samaria ah. Amu attemun na, ‘Le aon doppe lai!’ aon attem? Da am Samaria ah, Juda ag Samaria ele ouqak ii oitteb,” awa aum.

Jon 7:35

Anam a amu Juda ag akka akka nai mattinna appig. “Nug adeppa ukkeb, ig Nug ii anidmata? Nug Juda laala Grik wanppa daatteb, ahilagppa ukka Grik danab ippunadkkutai.

Jon 8:48

Awa a amu Juda ag Jesus oɗeppa aon appig. “Ig nahipnu genab attem. Na Samaria ted, ootppa hahail ele,” aon appig.

Aposel 1:8

Amge geha dimppa Kayak Ouɗi Nug ahilagppa neeb, ag ɠagattag aon, geha ag dahil aɗi heehe anttomnu mattiak danab daanna, ag dahilnu Jerusalem mehuqna, ag gona, Juda wan ohppa, Samaria appa ele mehuqna, ag wan atu ohppa ele gona mehuqkkulag,” awa aum.

Aposel 10:45

Am Juda danab ag Jesusnu oolagppa genab dooppig, ag Pita dim lamidna uɗippig ele, ag Kayak Nug Kornilius aɗi, ag iitta aɗi danab, Nug nuhig Ouɗi Juda danab mattom bianab, Nug iitta aɗi ag ele mattom anidna, ag ottaina dabmak kuɗum aoppig.

Aposel 8:1

Stiven menppa makkuɗeg mauhehe, Saul nug amunu oo ena dayom. Amu genab tutukku hak danab laala ag nug gaɗa aon gona boumna, mahiak okkai heppig. Aria, haen amuppa Juda dilag okkai ag ahan digmena, Kristen tamaniak Jerusalem dayom amu heeg nauha auta awom amunu, Kristen ag ahan, matatun gona, Judanu wan atu, Samarianu wan atu eleppa daappig. Kristen ag ahan goppig, amge totol danab 12 ag Jerusalem ii uuppig; ag daappig.

1 Tesalonaika 2:16

Danab amu ag Kayak Nug iitta aɗi eɗua diikkunu oolag ii daatte amunu ig Nai Ena, iitta aɗi amelagppa mehuqkkunignu ib oo nekkulagnu hetteb amunu amu, ag ahilag hipunin okkainab meegeg, Kayaknu oppoɗi bak miagnab ag qaɗelagppa daatte.