Matyu 10:33 - Nobonob Baibel

³³ Amge danab nug danab ah noolagppa da dimeɗatte amu, da ele danab amu Mama, Nug hab attan daatte, da Nug noobppa dimedakkul.

Matyu 10:33 ပူးပေါင်းရင်းမြစ်များ

Aisaia 59:13

Hipunin ig hemut am, Ig Yawe waappa daagnignu uut, ig nuhig nai tappaut neum. Ig Nug dim lamidkkunignu amut, amge ig uut, ib laappa gomut. Ig ihinig Kayak dimettamut. Ig danab ah laa ele eheɗ hadata, uug kuɗum mattata, ig laa ag ele amu hekkulagnu eeɗadmut. Ig Kayak waappa daagnignu uut, ig laa ag ig gumigkkulagnu maattom ele amu, ig ag lamadtata, ig laa ag anam hekkulagnu eeɗadmut. Ig oonigppa hambuppuak nai dabmetat, ig amu oɗenigib mattimut.

Mak 14:30

Pita nug anam a amu Jesus Nug oɗeppa awa aum. “Da genab na amenppa attem. Gemu tuqan imuppanab, matuk dawai haen ebqak aɗit ii gayeb, na dahilnu, ‘Da Nug ii doottem,’ aon, haen ewam batak akkut,” awa aum.

Mak 14:72

Pita nug anam a amu, matuk dawai nug paha haen ebqak aɗit gayom. Gaye amu Jesusnu nai, “Tuqan imuppa matuk dawai haen ebqak aɗit ii gayeb, na dahilnu, ‘Da Nug ii doottem,’ haen ewam batak akkut,” nai amu Pita daugppa doum. Nai amu Pita daugppa do, nug dabmaama gayom.

Mak 8:38

Aria, danab laa nug danab Kayak uuna, kobol eheɗ laala dim lamadtteb ele, ag hipunin kuɗum laa hetteb ele amu, nug ag oolagppa oiyaya, nug dahilnu, dahil nainu ele uɗa neeb, dimppa Danab Bekkalag da, da Kayaknu binag amahlak oppiaawak ele, amu nuhikkud engel oppiaawak ele eɗut uɗit, haen amuppa danab amunu da ele uɗal nekku,” awa aum.

Luk 12:9

Amge danab nug danab ah noolagppa da dimeɗatte, am geha da ele Kayaknu engel noolagppa danab amu dimedakkul.

Luk 22:57

Ah nug aum, amge Pita nug amegppa aum. “Ah, am iitta! Da Nug ii doottem,” awa aum,

Luk 9:26

Amu danab nug dahilnu, dahil nainu ele uɗa neeb, dimppa Danab Bekkalag da, da dahil binag amahlak oppiaawak ele, Kayaknu binag amahlak oppiaawak ele, amu nuhikkud engel oppiaawak ele dilag binag amahlak oppiaawak eleppa eɗue uɗikkul, haen amuppa danab amunu da ele uɗal nekku,” awa aum.

2 Timoti 2:12

Ig uug maognignu ɠagattag daattem dayeb; ig Nug ele keeke oh gumadkkunig. Ig Nug dimettagnig dayeb; Nug ig ele dimegakku.

2 Pita 2:1

Propet hambuppuak ag anukka danab oolagppa oidppig amubianab ippunittak danab hambuppuak ag geha ag gemu daatteb, ag oolagppa bena oiglag. Amu ag geha lokkumakppa hambuppualadppeg, kobol adekku dim lamidkkulagnu amu dabmekkulag. Hambuppuak kobol amu ag keeke heeg nauhtte. Amu ele, danab amu ag Naɗi Yawe, Nug ag hipuninnu qagaiettakppanu eɗua uhuqattom ele amu, ag Nug guhuɗidkkulag amunu, danab amu ag aakku akka padal mekkulagnu hetteb.

1 Jon 2:23

Am aun laa nug Mame Bekka guhuɗidtte amu, nug Mame ele laippu ii daattep. Am laa nug Mame Bekka nuhignu, “Nug am Kristus,” atte amu, nug Nug, Mame ele oh laippu daatteb.