Matyu 10:25 - Nobonob Baibel

²⁵ Amu danab ag ippunittak danab, nuhigppa aɗi hekkulag amu, ag nuhikkud ippunittak awak danab, ag amu dilagppa ele anamib hekkulag. Aria, danab ag gumak danab, nuhigppa aɗi hekkulag amu, ag nuhikkud maɗi nid, amu dilagppa ele anamib hekkulag. Danab ag lag mamegnu, ‘Nug am ouɗi nau ikkilag,’ appig dayeb amu, geha nuhikkud lag laippu amu, ag ahilagnu onig amunu nau eɗittak, onilkad naunab akkulag.

Matyu 10:25 ပူးပေါင်းရင်းမြစ်များ

2 King 1:2

Amu deɗ laappa Samaria appa King Ahasia nug laug oo attan amuppa ta dayom. Dayaya, nug gililppa ulah ibuppa daya, ad naunau, keeke laa oɗe amuppanu na qemanu lo akkak bia oɗe amuppa daappig amu, keeke amu qiie, nug attannu na qa ukka wanppa noa o, beɗu guittak awom. Anam amunu, nug eɗua ena daakkutai, o iittatai, amu dabmaama dookkunu, nug danab laala maatte, Pilistia wanppa Ekron aabppa gokkulagnu onilagppa eppig. Nug e uɗin daaegeg, nug amelagppa aum. “Ag gona, Ekron dilag kayak Balsebup, da eɗuen ena daakkulte amu oɗ metteg!” awa aum. Nug anam ana, nug he goppig.

Matyu 12:24

Amge haen ɗo gumak danab-Parasia ag amu doon, ag inam appig. “Umu Nug ouɗi nau ikkilag Belsebub, Nug nuhig ɠagattagppa aakkuib ouɗi nau lamadtte,” aon appig.

Matyu 12:27

Da genab Belsebubnu ɠagattagppa ouɗi nau lamadttem dayeb amu, ag ahilkad laala ag uɗat imu ele hetteb ele, ag aunnu ɠagattagppa hetteb? Anam amunu ag ag epeɗiadna, ⌊ag eheɗ maditteb ippunadkkulag⌋.

Matyu 9:34

Ag anam appig, amge ɗo gumak danab-Parasia ag, “Nug ouɗi nau ikkilagnu ɠagattagppa ouɗi nau lamadtte,” aon appig.

Mak 10:39

Nug anam a amu, aa Nug amegppa apiɗ. “I am elele,” aoya apiɗ. Aa anam aeh amu Jesus Nug aum. “Genab, le mua ele da lakkul amu, aa lakkulah. Layattak uug nau ele da aokkul amu, aa layattak amu ele aoglah,

Mak 3:22

Anam appig amge, ɗo mehuqak danab ag matu Jerusalemnu neppig, ag Nug heumnu inam appig. “Ouɗi nau ikkilag Belsebub nug danab imu beɗuppa daatte amunu, Nug ɠagattag amuppa ouɗi nau lamadtte,” aon appig.

Luk 11:15

Amge danab laala ag appig. “Nug ouɗi nau ikkilag Belsebub, Nug nuhig ɠagattagppa ouɗi nau lamadtte,” aon appig.

Luk 11:18

Amubia Satannu daup ag oppatna, ameg aɗit bena akka akka nug qetteb amu, Satannu ɗo amu attem ha ɠagattag daakku? Ag dahilnu atteb. ‘Nug ouɗi nau lamadtte amu, Nug Belsebubnu ɠagattagppa hette,’ aon atteb.

Luk 11:19

Da genab Belsebubnu ɠagattagppa ouɗi nau lamadttem dayeb amu, ag ahilkad laala ag uɗat imu ele hetteb ele, ag aunnu ɠagattagppa hetteb? Anam amunu ag ag epeɗiadna, ⌊ag eheɗ maditteb ippunadkkulag⌋.

Jon 10:20

Anam daanna, kuɗum laa ag appig. “Ouɗi nau nuhigppa daatte amunu, Nug kaaka qette. Ag aɗinu Nug oɗe dootteb?” aon appig.

Jon 7:20

Nug anam a amu, danab ah ag Nug amegppa appig. “Ouɗi nau laa na beɗunppa daatte. Aun nug na nitteb mauhkkutnu hette?” aon appig.

Jon 8:48

Awa a amu Juda ag Jesus oɗeppa aon appig. “Ig nahipnu genab attem. Na Samaria ted, ootppa hahail ele,” aon appig.

Jon 8:52

Awa a amu ag Nug amegppa appig. “Gemu ig genab doottem, na ootppa hahail ele! Abraham nug mauhom, amu propet ele mauhppig, amge na attem, ‘Laa nug nahip nai awa dim lamidkku dayeb, nug am iinab mauhma.’