Matyu 10:21 - Nobonob Baibel

²¹ Nug nai amu ana amu, Nug nai baula tuɗitta aum. “Haen amuppa danab laa nug awag o nug amag mauhkkunu kekeɗ eppelagppa mekku. O danab laa nug bekka, nuhigppa anam hekku. Nid naunau ag ele eɗun anilkad mamelkad mauhkkulagnu geɗadna, kekeɗ eppelagppa maadkkulag.

Matyu 10:21 ပူးပေါင်းရင်းမြစ်များ

2 Samuel 16:11

Dawit nug anam anan, nug Abisai, nuhikkud ehanittak anuqak danab ele oh amelagppa nai tuɗitta aum. “Da bekkalnab, da nug menumi ele, nug da iweb mauhkkulnu hette. Danab imu nug Benyaminppanu danab, nug Saul ele tiig laippu, nug da eheɗ laa awaknu anak waappa daakkulnu dabmekkun elele amunu, uuppeg dayaɗ! Yawe Nug nug anam akkunu aumtai amunu, ig uupput haɗ!

Job 19:19

Da lailad, oiyak laippu, da ag ele ouqak daamut, ag oh dahilnu oolagppa uuaknab dootteb. Ao, laa da ahilagnu ool mauhtte amu, ag da geɗiltteb.

Sam 50:20

Na awante o iitta, na amapte, na nuhignu nai nauib hanhan madittem. Ao, na awante, o amapte, anilah laippuppan, na nug onig nauhkkunu na nai nau nuhignu madittem.

Aisaia 19:2

Yawe Nug inam atte. “Da heppi, geha Isip ag akka akka nug qekkulag; awag amag ag geha akka akka nug qekkulag, lailkad ele akka akka nug qebeppeg, aab okkai laa ag aab okkai laa ele nug qebeppeg, amu wan obatak laa, ag wan obatak laa ele nug qekkulag.

Sekaraia 13:3

Am inam bekku. Danab laa nug propet nai ⌊hambuppuak⌋ digma mattiebeb, nug mameg, anig ele aa ahaya, ‘Na, “Yawe ippuniɗom amunu, da nai imu madittem,” ame, amge nai amuam nai hambuppuak, Yawe oɗeppanu iitta amunu, na mauhkkutoitte,’ aoya akkulah. Aa bekkalah nug propet nai ⌊hambuppuak⌋ mattiebeb, aa, aanab nug menupiɗ, aa aya aa ahaiya, nug qep-ppa yaaglah.

Matyu 24:10

Am haen amuppa danab ah kuɗum ag dahilnu oolagppa genab doyak ele, ag amu uun, da dimeɗan, akka akka nug dimug mekkulag.