Matyu 10:13 - Nobonob Baibel

¹³ Ag itadna, lag amuppan danab itittak ena amu aoglagnu elele daatteb dayeb, ag itittak ena ahilagppa uuppeg dayaɗ! Amge ag amu aoglagnu elele iitta daatteb dayeb, ag eɗun aweg!

Matyu 10:13 ပူးပေါင်းရင်းမြစ်များ

Sam 35:13

Haen ag oɗe mena daaegeg, da ahilagnu mahimi. Ao, da dakka, da onil qei ne, da ele ee ohnu kud mein daami. Ge, da dup noin aute awen, da ahilagnu unuqidmi.

Matyu 10:12

Ag lag ooppa nona amu, ag lag amunu danab ah itittak ena matteg!

Matyu 10:14

Amu laa ag ag ele laippu dayaknu oolagppa eleleib ii dootteb dayeb, nai ahilag ele ii dooppeg, haen ag ahan lag o aab amu uunna amu, ag baelkadppanu gappud amu heppeg naɗ!

Luk 10:6

Amu lag amuppan danab ag ag am danab ah maɗoɗ ele daatteb dayeb, nahip itittak ena amuam ahilagppa daakku. Iitta dayeb amu, ahilag itittak ena am ahilagppa eɗua dokku.

2 Korint 2:16

Danab laala ag Kayaknu oolagppa genab ii dootteb, padal mekkulagnu oitteb ele amu, ag am muttuɗig ena otte amubia ii dootteb; ag eheɗ, mauhak beɗak uɗig otte anam bia dootteb, amge danab ag oolagppa genab doona, padal ii memananu oitteb amu, ag am muttuɗig ena otte amubia dootteb; ag am bau dayak muttuɗig dootteb. Ig anam bia daattem amge aun nug uɗat anam hekkunu elele? Ig oh am elele iitta.