Matyu 10:1 - Nobonob Baibel

¹ Deɗ laa Jesus Nug nuhikkud ippunittak awak danab 12 onilagppa e, ag Nug gumidna uɗippig. Ag uɗieg, Nug ag ouɗi nau lamadkkulagnu, Nug oɗe oh, aria keeke nau danab ah beɗulag heeg nauhom ele bappaladkkulagnu ɠagattag mattom.

Matyu 10:1 ပူးပေါင်းရင်းမြစ်များ

Matyu 19:28

Nug anam a amu Jesus Nug eɗua, ag oh amelagppa aum. “Da genab ag amelagppa attem, keeke oh bau bak haenppa, Danab Bekkalag da, da sia king binag amahlak oppiaawak ele dahilppa daabppi, ag da dim lamiɗtteb ele ag sia king 12ppa daanna, Israel dilag huu okkai 12 amu gumadkkulag.

Matyu 26:20

Aria tueb me, Jesus amu nuhikkud ippunittak awak danab 12 ele ag balalppa daappig.

Matyu 26:47

Jesus anam nai mattieye amu, ippunittak awak danab 12 oolagppanu laa onig Judas, amu danab kuɗum ele, danab amu ag qep elab, daɗib ele aɗappig amu, ag uɗippig. Mana mettak danab okkai amu Juda dilag ikki danab ele ag heeg, danab amu, Judas ele uɗippig.

Matyu 4:23

Jesus Nug danab amu onilagppa ewowa, Nug Galili wan ohppa oiyaya, Nug Juda dilag nai doyak lakka nai ippuanatta, Kayaknu ɗo maɗoɗnu Nai Ena mehuqa, Nug oɗe oh, aria keeke nau danab ah beɗulag heeg nauhom, Nug amu oh danab ah aqappig ele bappalattom.

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Matyu 9:35

Aria, Jesus Nug ukka, aab nakok okkai ohppa, amu aab nakok ele ohppa oiyaya, Nug Juda dilag nai doyak lakka nai ippuanatta, Kayaknu ɗo maɗoɗnu Nai Ena mehuqa, Nug oɗe oh, aria keeke nau danab ah beɗulag heeg nauhom, Nug amu oh bappalattom.

Matyu 9:38

amunu, ag dad Mameg, Nug uɗat nid maatteb, ag gona ee nuhig qagmekkulagnu unuqitteg!” awa aum.

Luk 10:19

Amu doyeg! Da ag ɠagattag mattai, ag mat, apiap ele tappadna, kekeɗnu ɠagattag amu oh eɗadkkulagnu elele daatteb. Keeke laippu laa heeb, ag ii nauhmana.

Luk 21:15

Aɗinu? Da geha da dakka ag nai akkulagnu oɗelagppa mein, dabmak ena ele madakkul. Geha kekeɗ ahilkad ag da nai madakkul amu otaɗna tabappeg nokkunu ele iitta.

Luk 24:49

Jesus Nug anam ana, Nug baula tuɗitta aum. “Doyeg! Da Mamel Nug keeke amu anukka ag madakkunu nai qakka aum amu, da meppi nekku, amge ag aab okkaippa daappeg, hab attannu ɠagattag amu ahilagppa neeb, ag uɗat digmekkulag,” awa aum.

Luk 6:13

Wagɗe, aam be, nuhikkud ippunittak awak danab diikkunu oo daye, Nug ag onilagppa e, gumidna uɗieg, Nug danab 12 tituanatta, ag onilag totol danab ataɗom.

Jon 3:27

Anam aeg amu Jon oɗelagppa awa aum. “Kayak Nug hab aabppanu keeke laa danab eppegppa ii meeb amu, danab nug nukka nuhig dabmakppa keeke amu aokkunu elele iitta.

Jon 3:35

Mame Kayak Nug Bekkanu oo mauhtte amunu, keeke oh Nug eppegppa meum.

Jon 6:70

A amu Jesus Nug nuhikkud ippunittak awak danab amelagppa aum. “Da ag danab 12 tituanadmi, amge laippu laa ag oolagppanu amu, nug ouɗi nau,” awa aum.

Aposel 1:8

Amge geha dimppa Kayak Ouɗi Nug ahilagppa neeb, ag ɠagattag aon, geha ag dahil aɗi heehe anttomnu mattiak danab daanna, ag dahilnu Jerusalem mehuqna, ag gona, Juda wan ohppa, Samaria appa ele mehuqna, ag wan atu ohppa ele gona mehuqkkulag,” awa aum.

Aposel 19:15

Ag anam hena, deɗ laa ag ouɗi nau laa amegppa anam appig, amge ouɗi nau amu eɗua amelagppa inam aum. “Jesus amu da doottem, Polnu nai maditteb ele da doottem, amge ag am aun?” awa aum.

Revelesen 12:1

Epponak keeke okkai laa habppa tula be, danab ah anidna dabmak okkai aoppig; amuam ah laa, nug nuhig lamen am aam daye, kalam nug baeg waappa dayom. Nuhig haɗ, amuppa hoɗopai 12 daatteb amu, haɗ amu nug igippa dayom.