Matyu 1:21 - Nobonob Baibel

²¹ Nug geha nid danab aokku, amu na Nug onig Jesus ataɗkkut. Aɗinu? Nug nuhikkud danab ah, ag ahilag hipuninnu padal ii memananu ehanadkku,” awa aum.

Matyu 1:21 ပူးပေါင်းရင်းမြစ်များ

Genesis 17:19

Abraham anam a, amu Kayak Nug aum. “Ao, amge na waat Sarah nug na bekkat menukku. Menueb, na nug onig Aisak ataɗkkut. Anam amu, nug tituana nai qakkak nai dahil am nug, nug buɗub dim dokkulag ele, am ag oh ele haen oh daakku.

Genesis 17:21

Amge Sarah dimppa maɗ imu uueb, maɗ laa amuppa haen inamppa, nug nid nahip Aisak menukku; amu nug tituana nai qakkak nai dahil am nuhigppa daakku,” awa aum.

Genesis 18:10

Abraham anam a amu, ag oolagppan laa nug aum. “Maɗ imu uueb, maɗ laa amuppa, haen inamppa da geha eɗue uɗippi, amu haen gamag amuppa nahip ah Sarah nug nid danab aweb daakku,” awa aum. Nug anam aawo amu, Sarah nug danab amu dimugppa peh lag ooppa dayaya nai amu doyom.

Jeremaia 23:6

Haen nug king dayebeb amu, Juda ag geha padal memananu ehanittak aon daaglag. Ao, Israel danab ah ag baɗak iittappa daaglag. Geha ag king amu onig am inam ataɗkkulag. ‘Yawe Nug Kobol Genab Tutukku, Nug Amunu Diig Daatte.’ ” Yawe Nug anam atte.

Jeremaia 33:16

Aria, haen amuppa da Juda danab ah ehanadppi, ag padal ii memana. Ao, haen amuppa da heppi, Jerusalem danab ah ag baɗak iittappa daanna oiglag. Ag anam daan oippeppeg, danab ah wan ohppanu ag Jerusalem onig laa ele ataɗkkulag. Onig amuam, ‘Yawe Nug am Ihinig Kobol Genab Tutukkunu Diig Daatte,’ akkulag.

Daniel 9:24

Kayak Nug nahipad danab ah Israel, ag daanna anidkkulagnu, nahip aab okkai Kayaknu tituanak daatte, Jerusalem, amu tonakkunu, Nug haen maha 70 ba gokkunu ɗo laa aakku meum. Haen maha 70 amu bekkunu diig anen anen am inam: Haen maha amuppa Kayak Nug heeb, danab ah ag nai tappe nak kobol uuglag. Nug heeb, ag tuɗidna hipunin ii hemana. Nug eheɗ haknu nob nau nuhig ehanittak okkaippa iitta mekkunu heeb elele medakku. Nug heeb, kobol genab tutukku hanhannu bekku. Nug heeb, nuhikkud danab ag tulegleg genabppa aɗi aɗi keeke anidppig, propet ag dimppa bekkunu nai madippig ele amu, keeke amu oh meu okku. Amu Nug heeb, aben laa tituanaknab daakku.

Sekaraia 9:9

Danab ah ag Sion appa daatteb, ag oolag huana gamag ahaɗ! Yo, danab ah ag Jerusalem daatteb, ag oolag gamag aheb, huana eig! Antteg! King ahilag Nug ahilagppa aakku uɗitte. Nug genab tutukku hak kobol haaha, nug danab ah ehanatteb, padal ii memananu kobol ele dim lamitta haaha uɗitte. Nug nukka Nug onig qe ne, ⌊Nug danab onig iitta bia,⌋ Nug donki laa attan dayaya uɗitte. Yo, Nug donki nag laa ⌊nakok okkai meum⌋ attan dayaya uɗitte.

Matyu 1:25

Awe, nug ele nakok laa ii niipiɗ ukke ukke, nid danab awom. Awe amu, Josep nug nid onig Jesus ataɗom.

Luk 1:13

Oo baɗom amge engel nug Sekaraia amegppa aum. “Na aib baɗame. Unuqittak nahip amu, Kayak Nug aakku doyom. Na waat Elisabet nug geha nid danab menueb, na nid onig Jon ataɗkkut.

Luk 1:31

Doye, geha na oot ele daanna, nid danab menuna, na Nug onig Jesus ataɗkkut.

Luk 2:11

Gemu deɗ imuppa Dawitnu aabppa, am Betlehem amu, appa ah laa nid awom. Nid amu Nug danab dilag Padal ii maknu ehanittak daatte; Nug amu Naɗi, Kristus.

Luk 2:21

Dimppa, deɗ eblaih ewamppa, amuam nid nakok gaɗa otaɗaknu deɗ amu, anig mameg ele aa Nug onig Jesus ataɗpiɗ. Nug anig ooppa ii dayeye, engel nug onig amu akkulagnu aum.

Jon 1:29

Wagɗe deɗ amuppa Jesus Nug Jon gumitta uɗieye, Jon Nug antta aum. “Antteg, Kayaknu Sipsip Nag, Nug wanppan danab ah dilag hipunin uhuqtte, Nug am uukku daatte.

Jon 4:42

Oolagppa genab doona amu, ag ah amu amegppa appig. “Ig na ame amuppa oonigppa genab ii doomut. Iitta. Ig ikka ele Nug oɗeppa a doomut, amuppa ig aakku doottem, Nug am genab ig wanppan danab ah oh eɗua awikkak danab,” aon appig.

Aposel 13:23

Amu Kayak Nug anukka nai qakka ana, Nug heeb, Dawit buɗubppan danab laa nug uɗia, Israel dilag eɗua awittak danab daakkunu aum. Eɗua awittak danab amuam Jesus aakkuib. Kayak he uɗiom.

Aposel 3:26

Anam amunu Israel danab, Kayak Nug heeb, ag oh anen anen ag hak nau ahilag uun, Nug dim lamidkkulagnu itittak amu madakkunu, Kayak Nug nuhig maɗi nid otia, ahilagppa tatam me uɗiom,” awa aum.

Aposel 4:12

Wan imuppan danab aun nug ig eɗua awikkeb, ig hipunin waappa ii daamta? Laa iitta! Jesus Nug nukkaib elele. Wan imu ohppa ig laa onigppa ehanitta padal ii mak aognignu iitta, Jesus nukka,” awa aum.

Aposel 5:31

Jesus Nug heeb, ig Israel ig oonig eɗueb, Kayak Nug ihinig hipunin uhuqa megakkunu Kayak he, Jesus Nug Kayak eppeg naɗiap, amuam aben onig okkainab ele, Nug appa ihinig Okkai, ihinig Eɗua Awikkak Danab ele daatte.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Hibru 7:25

amunu, Nug danab ag nuhigppa Kayak gukkuidna watteb ele, Nug ag eɗua diieb, bauklel hanhan daaglagnu elele. Aɗinu? Nug hanhan ahilagnu Kayak unuqidkkunu bauklel daatte.

1 Jon 1:7

Amge Nug nukka amahlakppa daatte, amubia ig amahlakppa oittem dayeb amu, ig oh nug oo laippu ele nug doya dayakppa daattem, amu Nug Bekka Jesus, Nug tiig ihinig hipunin oh mihehe, ig oppiak daattem.

1 Jon 3:5

Amu ag dootteb, Kristus Nug heeb, hipunin iitta mekkunu miag atiom. Nug ooppa hipunin laa ii daatte.

Revelesen 7:14

Oɗ meɗe, da nuhig oɗmak nob mein ami. “Naɗi, na doottem,” awe ami. Da ai amu, nug da amelppa aum. “Danab imu amu, ag eheɗ hattak okkainab, amuppa daappig, amge ag Kayak di-ii-medappig. Ag lamen elab ahilkad Sipsip Nag tiigppa ihalatteg hakkab ebappig

Ikki Danab 13:3

Aa anam daaeheh amu, Yawenu engel nug Manoa wau gumitta noa, nug aum. “Na ah mattoi, nid iitta ele daattem, amge na geha oot ele daan, nid danab laa aokkut