Matyu 1:18 - Nobonob Baibel

¹⁸ Anam amu, Jesus Kristus, nuhig menuaknu nai am inam. Josep nug Maria aokkunu baeg aɗaeg daye ukkom, amge aa ewau matulak ii aopiɗppa Maria nug Kayak Ouɗinu ɠagattagppa oo ele dayom.

Matyu 1:18 ပူးပေါင်းရင်းမြစ်များ

Genesis 3:15

Amu da heppi, na ah ele gamalahppa hanhan kekeɗ daakku. Ele amu, ah buɗub, amu na buɗun ele gamagppa kekeɗ daakku. Amu ah buɗub laa aha, na ikkin tappeb toɗeb, na danab amu baeg bittub heppe hinqekku,” awa aum.

Job 14:4

Danab laa nug heeb, keeke dubuttid ele eɗua, oppiak ele daakkun elelete? Iitta!

Job 15:14

⌊Na, ‘Da beɗulppa aab iitta,’ attem, amge⌋ danabnu amu, laa nug oppiak ele daakkunu elelete? Ge, laa ah oolkadppanu dotteb ele oolagppan laa nug genab tutukku ele hak daakkunu elelete?

Matyu 1:1

Imuam Jesus Kristus memetappud buɗulkad dilag nai. Jesus Nug am Dawit buɗub, Dawit nug Abraham buɗub.

Matyu 12:46

Jesus Nug danab ah kuɗum appa daappig nai anam madette, Nug anig, amakkud ele ag Nug anidppeg, Nug ele nai mattiglagnu uɗin, dimittim daappig.

Matyu 2:11

ag lag ooppa nona, nid nakok, amu Nug anig Maria ele anatppig. Anatna, ag nid nakok noobppa dup nona binag meppig. Binag mewona, ag ahilag battam hipana, gol, prankinsens, mir ele, ag amu nuhig daakkunu Nug medappig.

Luk 1:25

“Naɗi Nug dahilnu oo doye ehaniɗa, uɗa nak dahil danab oh amelagppa oppiom,” awa aum.

Luk 2:5

Nug nug onig bukppa yaak daakkunu appa ukke, Maria ele oh gopiɗ. Maria, Josep ele a layam daapiɗ, amu Maria nug oo ele dayom.

Duteronomi 22:23

Danab laa nug aab laa ooppa oiyaya, nug ah makkun laa antta, ah amu nug danab laa aokkun baeg aɗappig ele daatte, danab nug antte, aa gappai aoglah dayeb amu,

Hibru 10:5

Amunu haen Kristus Nug wanppa uɗia, Nug Kayak amegppa aum. “O Kayak, na ootppa keeke anuqak am, danab ah ag ofa iɗu iɗu na mettaglagnu ii daatte. Ao, danab ag nahip qaɗabppa manaknu ofa, ib etta hipunin haknu ofa ele na mettaglagnu amu, na amunu ootppa keeke anuqak ii doottem. Iitta. Na keeke amu ag abenlag aokkunu amu, na da beɗul imu bappaidna meɗame.

Hibru 7:26

Mana mettak ikki danab anam nug ig ehanigkkunu daakkunu am enanag. Nug am oppiaawak, ooppa kaliak laa iitta. Nug oppiak ele, hipunin danab bia ele iitta. Nug onig attannab tak daatte.