Matyu 1:11 - Nobonob Baibel

¹¹ Josaia bekkod am Jekonia, nug awag amakkuɗ ele. Ahilag haenppa, ahilag tappe naknu Israel ag diia ukka laih me dayak danab ah Babilon appa gona daappig.

Matyu 1:11 ပူးပေါင်းရင်းမြစ်များ

2 King 23:31

Jehoahas nug maɗ 23 dayaya, nug king ba dayom. Nug king ba, nug kalam ewamib Jerusalem appa king dayom. Nug anig am Jeremaia aɗeg Hamutal. Nug am Lipna aabppanu ah.

2 King 24:14

King Nebukatnesar nug Jerusalem danab ah 10,000 diia, Babilon ukkom. Amu oolagppa am anuqak danab oh, ban danab enanag, danab keeke laala haknu doyak okkai ele, amu ele. Nug ag oh diia, Babilon ukkom. Nug anam heum amu, danab keeke ohnu tutunab daappig ele, amuib uuatte, Juda wanppa daappig.

2 King 25:11

Am Nebusaradan, nug daup Nebukatnesar gumappig dilag okkai amu, nug danab ah haen amuppa Jerusalem appa daappig, am laa ag akka ahan gona, ag beɗulag Babilon dilag daup eppelagppa meppig ele, amu danab ah laa oh ele, nug ag oh diia, Babilon appa ag diia ukka laih me dayak danab ah daaglagnu ukkom.

2 Stori 36:10

Jehoiakin nug king ba daye ukke, aam haen digmeumppa Babilon dilag king Nebukatnesar nug he, nuhikkud daup ag gona, Jehoiakin omalna, Babilon goppig. Ag nug omalna gonana, ag Yawenu mettid lagppan keeke daden maknu am men doɗo okkai ele, ag amu ele aon goppig. Ag amu heeg, Nebukatnesar he, Jehoiakin mameg nakok Sedekaia nug Juda oh dilag king ba dayom.

2 Stori 36:20

Nebukatnesar nug anam ha, nug Juda danab ah oɗo yaak daappig ele diia, Babilon, ag appa diia ukka laih me dayak danab ah daaglagnu ukkom. Nug danab ah aun aɗi ag qep elabppa ii mauhppig diia ukkom. Nug diia ukke, ag nug, amu nug bekkod ele dilag maɗi nid daappig. Ag anam daaeg ukke ukke, Persia danab ag ahan, Babilon eɗadppig, haen amuppa ag ahilkad maɗi nid baula ii daappig.

Aisaia 13:1

Nai meunab ele Babilon wanppanu Yawe he, Amos bekka Aisaia doyom ele am iikku.

Jeremaia 39:9

Babilonnu daup laa onig Nebusaradan, nug daup Nebukatnesar gumappig dilag okkai amu, ⌊nug appa uɗat gumappig amu⌋, nug a, daup ag Juda danab ah Jerusalem daappig, ag oh, amu Juda danab ah laa ag matu gona, ag akka ag beɗulag Babilon daup eppelagppa meppig ele, ag amu ele oh diin ukkaeg, ag Babilon wanppa diia ukka laih me dayak danab ah daappig.

Daniel 1:2

Nebukatnesar, nuhikkud daup ele ag anam heeg, Naɗi Nug he, ag Juda dilag king Jehoiakim aoeg, nug Nebukatnesar eppegppa daye, Nebukatnesar nug Kayaknu mettid lagppan keeke laala ele diiom. Keeke amu nug awa ukka, nuhig kayaknu mettid lag Babilon wanppa daatte, amuppa, en maknu oo, nug appa meum. ⌊Nug keeke awa Babilon ukka, Nug Jehoiakim, Juda laala ele diia, ag Babilon wanppa diia ukka laih me dayak danab ah daaglagnu ukkom.⌋

Matyu 1:12

Israel ag Babilon appa diia ukka laih me dayak danab ah daaegeg, ag oolagppan laa Jekonia, nug Sailtiel menuom. Sailtiel bekka am Serubabel.

Matyu 1:17

Anam aakku amunu, Abraham buɗub buɗub uɗiak Dawit batak, amuam ebqak 14. Aria, Dawit uɗiak Babilon appa diia ukka laih me dayak batak, amu ele buɗub buɗub uɗiak ebqak 14. Aria, Israel ag diia ukka laih me dayak danab ah Babilon appa gona daappig uɗiak, Kristus doum batak, amu ele buɗub buɗub uɗiak ebqak 14.