Matyu 1:1 - Nobonob Baibel

¹ Imuam Jesus Kristus memetappud buɗulkad dilag nai. Jesus Nug am Dawit buɗub, Dawit nug Abraham buɗub.

Matyu 1:1 ပူးပေါင်းရင်းမြစ်များ

Genesis 12:3

Danab aun laa na itittak ena medakku, da nug itittak ena medakkul, amge danab aun laa na eheɗ laa awaknu anak waappa daakkutnu akku amu, da nug eheɗ laa awaknu anak waappa daakkunu akkul. Wanppanu huu oh ag nahip-ppa itittak ena aoglag,” awa aum.

Genesis 2:4

Digmakppa Yawe Kayak Nug hab wan ele haate, amu dimppa aɗi beumnu kaya am iikku. Yawe Kayak Nug hab, wan ele haatom, haen amuppa amu, wanppa keeke laa ba ii dayom. Aɗinu? Gu nekkunu amu, Yawe Kayak Nug he ii neum, amu danab laa ele wan bappaidkkunu ii dayom. Amge le wan ooppanu baaba, wan leppu medattom.

Genesis 22:18

amu da heppi, na buɗunppa wan ohppan danab ag itittak ena aoglag. Aɗinu? Na nai dahil dim lamidme.’ Yawe Nug anam awa atte,” awa aum.

Genesis 5:1

Adam buɗubppan danab onilag bukppa yaappig am inam. Tatam Kayak Nug Adam heum amu, Nug Nug bia heum.

Sam 132:11

Dawitnu amu, Yawe Nug keeke laa genabnab hekkunu nai ɠagattag qetta aum. Nug Dawit amegppa aum amu, Nug hekkunu nai ɠagattag qetta anak amu tuqa ii aoma, hanhan daakku. Nug inam iikku aum. “Da heppi, na buɗunppan laa nug nahip sia kingppa daakku.

Sam 89:3

Na ame. “Da danab laa epeɗimi ele amu, da hei, da nug ele nug tituanɗa, nai qakkamuɗ. Yo, da dahil maɗi nid Dawit, da nug amegppa keeke laa hekkulnu dahil nai ɠagattag qetten ami.

Sam 89:36

Da inam ami. ‘Da geha heppi, nug buɗub oolagppanu laala ag ahilag haen anen anenppa, ag Israel dilag king hanhan bena daaglag. Yo, da geha heppi, aam dayebeb amu, king dayaknu ehah am nug buɗuppudppa hanhan daakku.

Aisaia 11:1

Danab ag ad oeg qiia, dimppa ad amu ita bette, amubia Jesi buɗub ooppanu laa geha ba, nug king daakku. Ao, ad bunaɗom, diɗi ita qa ba meu otte, amubia Jesi buɗub laa dimppa ba, king dayaya, meu okku.

Aisaia 53:8

Ag ɠagattagppa aɗan, nai tutukku iittappa, “Nug mauhkkun daatte,” anan, qeppeg mauhkkunu aon goppig. Ag anam heppig, amu laa nug nug buɗubnu akkunu elele iitta. Aɗinu? Ag nug qeeg mauhom. Ao, ag dahilad danab ah dilag hipuninnu, nug qeppig.

Jeremaia 23:5

Da Yawe, da inam attem. “Haen laa dimppa amu, da geha heppi, danab laa Dawit buɗubppanu bekku; ad diigppa ita bau bette, amubia bekku. Danab amu nug genab tutukku hak danab, amu nug geha king dayaya, nug geha doyak dabmak ena ele dim lamitta, nai doya mala hettoɗia epeɗia elele mettak kobol, kobol genab tutukku ele dim lamitta, nug danab ah gumadkku.

Jeremaia 33:26

da Jakop buɗub geɗatten, da dahil maɗi nid Dawit buɗub laa nug Abraham, Aisak, amu Jakop ele buɗulkad gumadkkunu ele ii tituanpa. Amge anam iitta. Da nai amu qakkami, ɗo ele amu memi amunu, da gumadkkunu tituankkul. Aɗinu da amu hekkul? Da Israel, Juda ele dilah danab ah dilag ool gai-iitta doye, ool matten ehanadppi, ag eɗun, wan imuppa uɗin, enaib daaglag.”

Amos 9:11

Yawe Nug atte. “Ag Israel, ag Edom danab oɗo yaak daaglag gumaglagnu, ag wan atu laa oh danab ag anukka da onil waappa daappig ele, ag ag ele gumaglagnu da danab lag na qeum bappaitte, eɗua enanag daatte, laih atten nauhak daatte bappaitte, dayom bia eɗua daatte, da amubia ag Israel, da ahilagppa hekkul.” Yawe, Nug keeke amu oh heeb bekku amu, Nug anam awa atte.

Sekaraia 12:8

Yawe Nug Jerusalem danab ehanatteb, kekeɗ eɗaɗkkulag, deɗ amuppa amu Nug aun aɗi Jerusalem daatteb, Nug amu dilag guppiɗ daakku. Nug ehanatteb, aun laa nug ɠagattag iittanab ele ag oolagppa daatteb, ag ɠagattag ahilag am Dawitnu bia oiglag. Amu Dawit buɗub ag Jerusalem danab ah gumadkkulag. Ahilag gumak, amuam tatam Yawenu engel laa ag omalatta gumattom, ag amubia gumadkkulag; Kayak gumadtte bia daakku.

Matyu 1:18

Anam amu, Jesus Kristus, nuhig menuaknu nai am inam. Josep nug Maria aokkunu baeg aɗaeg daye ukkom, amge aa ewau matulak ii aopiɗppa Maria nug Kayak Ouɗinu ɠagattagppa oo ele dayom.

Matyu 1:2

Abraham bekka am Aisak. Aisak bekka am Jakop. Aria, Jakop bekkod am Juda, nug awakkud amakkud ele.

Matyu 15:22

Nug ukka te, Kanan buɗubppanu ah laa nug appa dayom, nug Jesus onigppa ewa, inam aum. “Naɗi, na Dawit bekka, na dahilnu oot gai-iitta doon oot meɗan da ehaniɗkkutnu oɗ medattem! Ouɗi nau nug nid ahin dahil he nauhom,” awa aum.

Matyu 3:16

Jesus layattak awa malowa, Nug leppanu beum. Amu haen amuppanab hab obata mette, Kayak Ouɗi Nug uppuɗil beɗulag nakok laabia naana, Nug qaɗeppa dayeye anttom.

Matyu 9:27

Jesus Nug aab amu uua ugekke, danab aɗit amelah gaɗuak ele aa Nug dim lamidya, onigppa eyaya apiɗ. “Dawit bekka, na ihinihnu oot gai-iitta doona oot metan ehanite!” aoya epiɗ.

Luk 1:33

Nug haen oh Jakop buɗubnu king daakku. Nuhig ɗo maɗoɗ am ii tuqa aoma,” awa aum.

Jon 7:42

Kayak naippa yaak laa daatte. Nai amuam inam. ‘Kristus nug Dawit buɗubppa Betlehem, anukka amuam Dawit appag diig amu, Nug appa bekku,’ ” aon appig.

Aposel 2:30

Dawit nug propet dayom amu, Kayak Nug nukka nuhig nai ɠagattag qetta, Dawit amegppa a, Dawit nug nai ɠagattag qettak amu Kayak oɗeppanu uɗie doyom. Kayaknu nai ɠagattag qettak amuam inam. ‘Dimppa na buɗunppan da king laa otippi ba, nug nahip sia kingppa daakku,’ awa aum. Nug anam a, Dawit doyom, amge

Rom 1:3

Nai ena amuam Kayak Nug bekka, ihinig Naɗi Jesus Kristus, nuhignu nai. Wan imuppan menuakppa amu, Nug Dawit buɗubppa aakku doum.

Rom 4:13

Anukka Kayak Nug Abraham, amu nug buɗuppud ele Nug ag geha wan atu oh madakkunu nai qakka aum. Nug nai nuhig amu qakka aum, amge Abraham nug ɗo dim lamittom, diig amunu Kayak anam ii aum. Iitta. Abraham nug ooppa genab doye, Kayak nuhignu, “Genab tutukku hak danab,” awa awowa, Nug nai qakka anak nuhig amu aum.

Rom 9:5

Kayaknu danab anukkanu amu, ag am Israel danab memetalkadnab. Amu Kristus ele amu, Nug danab daakkunu, Nug Israel buɗulagppa doum. Nug am Nug Kayak, keeke oh dilag ikki daatte. Ig Nug binag hanhan metu! Genab.

Galesia 3:16

Aria Kayak Nug dimppa keeke ena bekkunu Abraham amegppa nai ana qakka, nug, “Da na buɗun ele nai ana qakkak iikku hettem,” awa aum. Nug Abraham, buɗub amu ele, ahilahnuib nai ana qakkaknu aum. Nug buɗub oh amelagppa ii aum. Iitta. Nug buɗub laippunuib amegppa nai ana qakkom, amu nid amu Nug am Kristus.

1 Timoti 2:5

Yo, Kayak laippu daatte, gamag danab ele laippu, Nug Kayak amu danab ele gamagppa daatte, danab amuam Kristus Jesus.

2 Timoti 2:8

Na Jesus Kristus, da Nai Ena madittem amubia, Nug Dawit buɗubppanu doum, Kayak he, Nug eɗua hibaittom amu, na amunu haen oh dabmenan oiye!

Revelesen 22:16

Da Jesus, da dahil engel laa mei, ahilagppa ukka, nai dahil imu tamaniak ohppa ag amelagppa mehuqkkulagnu madakkunu ukkom. Dawit nug dahilppan be, da nug buɗubppan bemi. Da hoɗopai boitinannu amahlak bia daattem,” awa aum.