Malakai 4:6 - Nobonob Baibel

⁶ Amu da uɗie heppi, ahilag wan eheɗ laa awaknu anak waappa daamanu amu, Elaiya nug uɗia heeb, nid mamelkad ag ahilkad nid dilagnu oolag daakku; amu nug heeb, nid ag ele ag mamelkad dilagnu oolag daakku.” Yawe Nukka Ɠagattag Oh Ele Nug anam atte.

Malakai 4:6 ပူးပေါင်းရင်းမြစ်များ

Aisaia 11:4

Amge nug geha kobol genab tutukku ele dim lamitta, nug daɗek danab ah dilag nai am epeɗia bappaidkku. Ao, nug nai doya mala hettoɗia epeɗia elele mettak kobol dim lamitta, nug danab ah huu laa ag keekenu tutu meppig daatteb, nug amu dilag nai am epeɗia bappaidkku. Nug ab, geha danab ah kobol nau heppig ag bu aoglag. Ao, nug geha naiib ab, nau hak danab ag mauhkkulag.

Aisaia 24:6

Ag anam heppig amunu, eheɗ laa awaknu anak waappa dayaknu nai wan imu tone, wan aakku nauhtte. Danab ah ameg naɗi oh ag ahilag eheɗ haknu nob nau maoglagoitte. Ao, diig amunu wan imuppan danab ah oh ag aab keeke ewe iitta mette bia padal mena, danab ah ameg nakokib daaglag

Aisaia 40:3

Doyeg! Da laan baag inam eewo doottem. “Atu taɗakppa ag Yawe uɗikkunu ib babaitteg! Ao, wan meu waknu nakokib elele, appa ag ib tutukku, tak nak iitta ele ihinig Kayaknu babaitteg!

Aisaia 43:28

Amunu da heppi, ag Juda, ag ahilag mana mettak danab amu, danab ah laa ag ahilagnu, ag am keeke hamu bia dooglag. Ao, da heppi, ag Jakop buɗub, ag dahilnuib, dahil pelemppa daaglag. Ge, da heppi, ag Israel buɗub ag uɗa nak nau guittak ele dooglag.” Yawe Nug anam atte.

Aisaia 65:15

Ag ahilag hak nau, diig amuppa ag bu eheɗ amu aoppeg, dahilad danab ah ag ag onilag diin, anen anen laa amegppa, ‘Yawe Nug amu dilag bu mattom bia, nahip eheɗ laa awaknu anak waappa dayak am amubia daakkunu ool daatte,’ akkulag.” Yawe Nug anam atte. Amu Naɗi Yawe Nug heeb, ag nau hetteb ag mauhkkulag, amge Nug nuhikkud danab ah onig laa matteb ⌊ag enaib daaglag⌋.

Daniel 9:11

Ig Israel danab ah oh, ig na dimettat, ig na dim lamidkkunignu uut, ig nahip ɗo tippalmut. Moses, nug na Kayak, nahip maɗi nid amu, nug danab ah ag nahip ɗo ii dim lamidkkulag dayeb, ag eheɗ laa awaknu anak waappa daaglagnu aum. Amu nug na danab ah ag nahip ɗo ii dim lamidkkulag dayeb, na uug madakkutnu nahip nai ɠagattag qettan mattime ele yom. Moses nug anam yom amu, na yaak amubia na he, ig bu qak nai ippunigtte bia aomut. Ig hipunin nahip-ppa hemut amunu, ig bu anam aomut.

Sekaraia 11:6

Anam amunu, danab amu ag oo doyak kobol dim ii lamidtteb, amubia da Yawe, da Israel danab ah dilagnu, ⌊ag hipunin henan oitteb amu, da ahilagnu⌋ oo gai-iitta doya oo metta ehanittak kobol tuɗitten ii hepa. Da heppi, danab ah oh ag ahilag mudippan laippu, ahilag king ele eppelagppa daaglag. Ag akka anam nug guittak medappeppeg, da ehanadppi, ii iitta mema.” Yawe Nug anam awa aum.

Sekaraia 13:8

Dahilad danab ah wan ahilagppa huu ewam daaglag. Ag anam daanna, huu aɗit am qep elabppa mauhppeg, huu laippu am bau, ena daaglag.” Yawe Nug anam atte.

Sekaraia 14:12

Amu wanppanu wan attennu daup ag Jerusalem banelag uɗiglag amu, Yawe Nug heeb, oɗe nau danab kuɗum aqe mauhtteb ele ag aqadkku. Amuam ag hippaidna daappeg, ag teppulag beɗakku. Ag hippaidna daappeg, ag amelag ikkilagppa dayaya, beɗakku. Ag hippaidna daappeg, ag lemaɗulag ag oɗelagppa dayaya, beɗakku.

Sekaraia 14:2

Amu Yawe Nug atte. “Deɗ amuppa da wanppan wan ohnu danab ag Jerusalem banelag uɗiglagnu qagmaadkkul. Anam amu, kekeɗ ag uɗin, aab okkai amu eɗadkkulag. Ag laulkadppan keeke akkan gonana, ag ah am eheɗ hattaglag. Kekeɗ ag amu henan, ag aab amuppan danab ah ameg laa diin gona heppeg, ag wan laappa diia ukka laih me dayak danab ah daaglag. Ameg laa ag aab nauhom, amuppa daaglag,” awa atte

Sekaraia 5:3

Da anam ai, engel nug da amelppa aum. “Buk itoɗiak amuppa eheɗ laa awaknu nai waappa dayaknu anak aakku yaak daatte. Eheɗ laa awaknu anak waappa dayaknu nai amuam wan imu oh tonakku. Aɗinu? Buk itoɗiak amuam laih laih oh yaak ele, amu heqo laihppa am danab ah ag keeke yab aotteb ele, ag wan imuppa ii daamna ippunigtte; laih am danab ah ag hambuppuak nai mattin, nai amu da onilppa ɠagattag qedatteb ele, ag wan imuppa ele ii daamna ippunigtte.

Matyu 22:7

Am king nug nai anam doya, nug oppoɗi huanak be ameg ele kokoɗ eppe, nug he, nuhikkud ban danab ag gona, danab ag nuhikkud maɗi nid aqaeg mauhppig ele, ag ohnab aqappig; aab okkai ahilag ele manaeg ewa, iitta meum.

Mak 11:21

Jesus ad amu amegppa aɗi aum, nai amu eɗua Pita daugppa do, nug Jesus amegppa aum. “Ippunittak danab, antte! Tumai na ad fig eheɗ laa awaknu waappa daakkunu ame amu, am aakku bunaɗom!” awa aum.

Luk 1:76

Sekaraia nug anam ana, nug nai baula tuɗitta aum. “O nid dahil, na Naɗinu ib bappaidkkutnu, na Kayak, Nug danab nuhikkud hipunin uhuqa mettak ibppa eɗua diikkunu ippunadkkutnu amu na Naɗi noob aon, anuqna gokkut amunu ag nahipnu, ‘Nug am Kayak Attannab Laa Oh Eɗattaknu propet,’ aon akkulag

Hibru 6:8

Amge wan uud keeke qaun ele, keeke amu amuppa betteb, wan amu uɗat ena ii hette amu, wan amuam eheɗ laa awaknu anak waappa daakkunu miagnab daatte. Danab ag maiglagnu daatte.

Revelesen 19:15

Ahilag okkai amu qep elab aeg ele, Nug wanppan wan oh aqakkunu, Nug oɗeppanu doa ukkak daatte. Nug aen bu aɗa, bu amuppa Nug danab ah gumadkku. Nug geha grep meu tappa leppu awaknu abenppa grep meu tabakku. Amuam Kayak Nukka Ɠagattag Oh Elenu oppoɗi bak okkainab, amu ippunigtte.

Revelesen 22:3

Amu keeke oh, Kayak Nug amunu oo iinab dayom ele amu, Kayak Nug heeb, iitta mekkulag; keeke amu baula ii daamna. Kayak amu Sipsip Nag ele, ahilah sia king aab amuppa daakku. Dayeb, Kayaknu maɗi nid ag Nug waappa daan Nug oɗe dim lamidkkulag.