Malakai 4:4 - Nobonob Baibel

⁴ Amu Yawe Nukka Ɠagattag Oh Ele Nug atte. “⌊Ag nai dim lamidna hekkulagnu⌋ ag dahil maɗi nid Mosesnu nai aoppig amu, nai amu ag daulagppa doaɗ! Ao, ag ɗo iɗu iɗu, da Horep qaukoppa Israel oh dilagnu nug mettami amu, ɗo amu ag daulagppa doaɗ!

Malakai 4:4 ပူးပေါင်းရင်းမြစ်များ

Aisaia 42:21

Yawe Nug genab tutukku hak kobol aakkuib haen oh hette, amu Nug amunu dabmak anuqak awawa, Nug heeb, ɗo nuhig am binag amahlak oppiaawak ele dayeb, danab ah oh ag dooglagnu oo dayom.

Aisaia 8:20

Gona, ag Kayaknu dabmak, nuhig ɗo naippa, nuhig nai laappa ele, ag amuppa anidna doyeg! Aun aɗi ag nai maditteb ele, ag Kayak nai bia ii maditteb dayeb, ag ahilagppa amahlak laa iitta.

Jeremaia 6:16

Yawe Nug inam atte. “Da ami. ‘Ag ib oɗatleppa daanna, ag pehettan neegna antteg! Ag, “Ig alankad ib attenppa oippig? Ib atten am ib ena?” ag oɗmak amu heig! Ag oɗ mattan, ib atten am ib ena doon, ag amuppa oinna, ag maɗoɗ aoglag,’ ami. Da anam ami, amge ag uuppig. Ag, ‘Ig ib amuppa ii oimta,’ appig.

Rom 3:31

Amunu ig ooppa genab doyak amuppatai ɗo qeut neumte? Iittanab! Ig ɗo aakku qappamut daatte.

Duteronomi 4:10

Anukka, Horep qaukoppa appa Yawe, ahilag Kayak, Nug da amelppa inam aum. “Na danab ah qagmadappe, da nai appi, ag dahil nai dooglagnu, ag doon, ag wanppa bau daatteb, haen amu oh ag dahilnu ebehilag oh bodoetta le mekkunu, ag nid naunau ahilkad dahil ɗo ele ippunadkkulagnu da noolppa dayeg!” Nug da amelppa anam a, da hei, ag Horep qaukoppa Nug noobppa qagmeppig amu, ag deɗ amu aib daulag atiom. Iitta! Ag daulagppa dayaɗ!

Duteronomi 4:23

Yawe, ahilag Kayak, Nug he, ag Nug ele nug tituanna nai qagappig, amu ag dottog laa, iɗu attenppa, Yawe, ahilag Kayak, Nug ag amu haknu aib aum amu, ag amu laa hemananu ag nug tituana nai qakkak nai amu aib daulag atiom. Iitta! Ag daulagppa dayaɗ!

Duteronomi 5:2

Ig Horep qaukoppa daatta, Yawe, ihinig Kayak, Nug he, ig nug tituana nai qakkak Nug ele hemut.

Duteronomi 8:11

Haen ag keeke ena amu oh ele daan amu, ag Yawe, ahilag Kayak, ag Nug daulag atieb, ag aakku nuhig haknunab anak, nuhig ɗo ele dimettan, ii dim lamidmananu dabmeig! Da gemu ag ɗo amu oh madattem.

Duteronomi 8:19

Amge am inam daakku. Ag Yawe, ahilag Kayak, ag Nug daulag atieb, ag kayak laa dim lamadna, ag noolagppa dup noa binag mak kobol hekkulag dayeb amu, da genab ag amelagppa attem, geha ag padal mena, iitta mekkulag.