Malakai 4:1 - Nobonob Baibel1 Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag. အခန်းကိုကြည့်ပါ။ |
Malakai 4:1
37 ပူးပေါင်းရင်းမြစ်များ
Aun nug kobol genab tutukku ele dim lamitta haaha, okkai laa aam bedeppa daatte amu, nug nug dabmak metta he, nug yagbak doya aha, ⌊wan kuɗum eɗadkkunu dabmaama hette⌋? Laa nug danab amu he ahom amu, nug wan kuɗum awa, okkai amu eppegppa mette. Ao, laa Nug danab amu he ahom amu, Nug he, okkai amu nug king eɗadtte. Okkai amu nug qep elab nuhigppa wan amu oh he nauhna, gappud bia daatteb. Yo, nug lat nuhigppa king amu oh eɗatte, ag nauhna autna aotteb.
Amge iitta! Danab amu ag wit keeke gumu qaɗaiettak, aab paha ewe iitta mette, ag amubia daan, paha nauhkkulag. Ag agakka ehanadna ena daaglagnu elele iitta; wit keeke gumu nug nukka aab ewakppa ha ena daakkunu elele iitta, amubia. Wit gumu ewak amuam aab gakkaɗaknab. Danab nug aab amu guguittaknab dayaya, beɗu gakkaɗak aokkun am iitta. Aab amuam danab nug uɗikka dayaya, ena daakkunu iitta. Amubia uug ag Babilon ahilagppa bekkun daatte am naunab nau ele.
⌊Ag anam hetteb⌋ amunu, wit keeke gumu qaɗaiettak ewa iitta mette, amubia ag nauhkkulag. Ao, gikkiɗah qaɗaiettak aab aɗuppa ewa malatte amu, amubia ag nauhkkulag. Amu ad diɗilag beɗaeg, ad bunaɗtte; bala, ⌊uɗulag ele⌋ na qa iitta mette bia amu, ag anam nauhkkulag. Aɗinu? Ag am Yawe Nukka Ɠagattag Oh Ele, ag nuhig ɗo doyaknu uuppig oitteb. Ao, ag Israel dilag Kayak Oppiaawak Ele, ag nuhig nai dimedappig oitteb.
Da amu heinne, da ag oolagppa aun aɗi ag dahil nai tappaeg nette amu, da ag anatten heppi, laa amu ag eɗun, ahilag wan, am Israel wan, ag appa ii gomana. Da wan laalappanu omaladppi, wan oh dilag atu taɗakppa daaglag, amge ag gona, ahilag wanppa ii daamna. Da amu heppi, ag oh dooglag, da am Yawe,” awa atte.
⌊Uug bekkun daatte amu, danab ah dooglagnu⌋ ag trampet Sion aab okkaippa appa iwaleg! Ao, ⌊danab ah ag haen nau bekkun daatte doon bappaidkkulagnu amu,⌋ ag qauko dahilnu tituanak daatteppa oqotti okkai heig! Yawenu deɗ naɗi uɗitte, uma iitta, miagnab daatte amunu, danab ah oh Israel wanppa daatteb, ag hahaɗeg!
O Israel danab ah ⌊ag dabmeig!⌋ Ag wan ag daattebppa daaglagnu heegeg amu, Amo danab ag wan amuppa daappig. Amo ag amuppa daaegeg, da hei, Amo ag nauhppig. Amo danab ag am ɠagattagnab. Ag ad sida attannab tak bia daappig. O, iitta, ag ad ok ɠagattagnab, ag ad amubia daappig. Ag anam daappig, amge da hei, ag nauhna autna aoppig. Danab nug meu ad eppegppa daye he nauhtte, da amubia hemi. Ge, danab nug ad diɗi wanppa daye he, ad nauhtte amu, amubia da hei, Amo danab ag nauhppig.
Haen amuppa Israel danab ah ag aab ewa daatte bia daaglag. Ao, Israel danab ah ag aab dittiak bia daaglag. Ag anam daappeg, Edom danab ah ag wit keeke gumu qaɗaiettaknab bia daaglag. Aab wit keeke gumu qaɗaiettaknab ewe, iitta mette, amubia Israel ag Edom eɗadna autna aon heppeg, Edom, Esau buɗub, ag iitta mekkulag. Edom wanppa amu, danab laippu laa bau ii daama.” Yawe Nug anam aum daatte amunu, am anam bekku.
Deɗ Yawe Nug danab ah bu madakku amu, deɗ amuppa ahilag silwa, o gol am nakok laa ii ehanadma. Yawe Nug danab ah nuhikkudnu, dahil doya laa aomanu doyak aɗa daatte, amge ag nuhikkudib daaglagnu ii heegeg, nug oo huana nauhtte. Oo nauhak amuam aab ewak laa huan ewawa, keeke oh he nauhtte, amubia daatte. Nuhig oo nauhak amuam heeb, wan oh nauhkku. Aɗinu? Danab ah oh ag wanppa daatteb, Nug heeb, ag padal mena autna aoglag.
Anam aakku beeb, ag baula aɗi keeke laa genab tutukku hak danab dilagppa bette, amu aɗi keeke, nau hak danab ele dilagppa bette, keeke amuam piɗe piɗe, ag amu anidkkulag. Ao, ag baula aɗi keeke laa danab ag Kayak waappa daan, Nug oɗe dim lamidtteb dilagppa bette, amu aɗi keeke danab ag Kayak waappa ii daan, Nug oɗe dim ii lamidtteb dilagppa bette, keeke amuam piɗe piɗe, ag amu anidkkulag,” awa atte.
Nug anam uɗikku, amge haen nug uɗieb amu, aun nug deɗ amuppa ɠagattag daakkunu elele? Ao, haen Nug miag atieb amu, aun nug ena hibaitta daakku? Aɗinu? Nug silwa, gol keeke babaitta epeɗia awak uɗat hak danab nug aab gakkaɗaknab, amuppa he, dubuttid laa ii daatte, Nug aab amubia daakku. O iitta, Nug sop ɠagattag, dubuttid ihaeg na gotte, Nug amubia daakku.
Nug ee aeg mumuɗaknu abenppa ulah ee aeg dappunkkeg iwale ukkaknu uɗat hekkunu daatte. Nug uɗat amu ha, elelenab mewowa, Nug wit meu oh ee aeg mumuɗaknu abenppanu awa ukka, ee maknu lakka mekku. Mewowa, Nug ee aeg dappunkkeg aab aɗu ii qauhtte eleppa maneb eweb, ee aeg mumuɗaknu aben amuam keeke iitta, oppiaawak daakku,” awa aum.
ကြော်ငြာတွေ