Malakai 3:8 - Nobonob Baibel

⁸ Amu Kayak Nug atte. “Laa nug da, Kayak, nug dahil keeke yab aokku am enate? Amuam ena iitta, amge ag dahil keeke yab heppig,” awa atte. Nug anam atte, amge ag oɗ mena atteb. “Ig kobol aɗippa nahip keeke yab aomut?” aon oɗmak hetteb. Ag anam aeg, Kayak Nug ag oɗelagppa awa atte. “Ag keeke obatak eblaih tanig ele ooppanu obatak laippu da Yawe, da ii meɗappig; aria, ag doɗ laa manan da meɗaglagnu daatteb amu, ag da amu meɗalob, amge ag anam ii heppig.

Malakai 3:8 ပူးပေါင်းရင်းမြစ်များ

Sam 29:2

Yawe onig am binag amahlak oppiaawak ele; ag amu doyeg! Ag Yawenu oppiaawak ele daan, ag Nug noobppa dup nona Nug binag meig!

Prowerb 11:24

Danab laa amu, nug laa ehanatta, nug nuhig keeke hamu madatte, me ⌊Kayak Nug danab amu ititte,⌋ nug keeke kuɗum baula ele nuhignu aotte; amge danab laa amu, nug laa ehanattaknu kobol daatte bia ii madatte, nug nuhig keeke aɗatte, me nug eɗua, daɗeknab daatte.

Aisaia 43:23

Ag sipsip aon uɗin, manaknu ofa hena ii meɗappig. Ao, ag binal meɗanna, mana mettak digdig da ii meɗappig. Da ag ee aegnu ofa kuɗum, ag aon da meɗaglagnu ii hemi. Ao, da kalu danab ile muttuɗig enanag bette ele kuɗumnab ag aon, da meɗaglagnu haknunab anak ii mattami.

Lewitikas 19:25

Anam daya maleb, maɗ tanig eleppa amu, ag ad meu aon lakkulag. Hak anamppa ad diig ag meulkad huana okkulag. Da am Yawe, ahilag Kayak.

Sekaraia 5:3

Da anam ai, engel nug da amelppa aum. “Buk itoɗiak amuppa eheɗ laa awaknu nai waappa dayaknu anak aakku yaak daatte. Eheɗ laa awaknu anak waappa dayaknu nai amuam wan imu oh tonakku. Aɗinu? Buk itoɗiak amuam laih laih oh yaak ele, amu heqo laihppa am danab ah ag keeke yab aotteb ele, ag wan imuppa ii daamna ippunigtte; laih am danab ah ag hambuppuak nai mattin, nai amu da onilppa ɠagattag qedatteb ele, ag wan imuppa ele ii daamna ippunigtte.

Malakai 1:13

Ag amu henana, ag kobol da Yawe, da ag hekkulagnu mattami, ag kobol amunu, ‘Ig kobol amu oh hekkunignu am uug okkainab,’ aon atteb. Ag kobol amunu, am keeke hamunab doon, kobol amunu ena iitta dootteb.” Yawe Nukka Ɠagattag Oh Ele Nug anam awa atte. Amu Yawe Nug inam atte. “Ag doɗ yab heppig elete, o ebehi kaliak elete, o oɗe meum elete, ag amu aon main meɗatteb amu, da amu aokkul am ena dabmettebte? Iitta!

Malakai 1:8

Haen ag doɗ amelag gaɗuak ele manadna, da meɗatteb amu, amuppa ag nau iite hetteb? Haen ag doɗ ag ebehi kaliak ele, o laa oɗe mak ele akkan dona, manan meɗatteb amu, amuppa ele ag nau iite hetteb? Ag keeke anam ahilag gawana mettan antteg! Nug keeke amunu oo ena dookkute? Nug ag ena heppig doya ehanadkkute?” Yawe Nukka Ɠagattag Oh Ele Nug anam atte.

Matyu 22:21

Jesus anam oɗ matte amu, ag “Sisarnu,” aon appig. Ag anam aeg, Jesus ag amelagppa aum. “Aria, ag Sisarnu keeke Sisar mettaglag, amge Kayaknu keeke ag Kayak metteg!” awa aum.

Mak 12:17

Ag anam aeg amu Jesus Nug aum. “Aria, ag Sisarnu keeke Sisar mettaglag, amge Kayaknu keeke ag Kayak metteg!” awa aum. Awa a amu ag dabmak kuɗum aoppig.

Luk 20:25

Anam aeg, Nug ag amelagppa aum. “Aria, ag Sisarnu keeke Sisar mettaglag, amge Kayaknu keeke ag Kayak metteg!” awa aum.

Rom 13:7

Aria, ag keeke iɗu iɗu gabmannu danab mattaglagnu daatte amu, ag mattaglag. Gabmannu takis awaknu danab, ag amunu men doɗo aoglagnu dayeb amu, ag amu matteg! Ag danab laanu ena elele dooglagnu daatte dayeb amu, ag aakku nuhignu anam doyeg! Amu ag danab laa binag mekkulagnu daatte dayeb amu, ag nug binag metteg!

Rom 2:22

Ag danab ag ewau pakkua gappai hak kobol ii hemananu atteb amunu, aɗinu ag akka ag ewau pakkua gappai hak kobol hetteb? Amu ag kayak hambuppuaknu dottolkadnu oolkadppa uuaknab dootteb amunu, aɗinu ag akka iitta aɗi dilag kayak hambuppuaknu mettid lakkanu keeke yab aotteb?

Josua 7:11

Israel ag hipunin heppig; ag dahil nug tituana nai qakkak nai, da ag amu dim lamidkkulagnabnu ami amu, ag nai amu tippalppig. Ag keeke dahilnuib pelemppa daappig, ag keeke amu yab agappig. Ag yab aakkuib ii heppig. Iitta. Ag heppignu ele hambuppuak nai mattinna, keeke amu, ahilkad keeke ooppa lokkumadppig.