Malakai 3:6 - Nobonob Baibel

⁶ Yawe atte. “Da am Yawe, da baoliak ii hettem, diig amunu Jakop buɗub, ag nauhna, iittanab ii meppig.

Malakai 3:6 ပူးပေါင်းရင်းမြစ်များ

Genesis 15:18

Oiye amu, deɗ amuppa Yawe Nug kobol amuppa he, Nug Abram ele nug tituanya nai qagapiɗ. Aa nug tituanya, nai qakkaya, Yawe Nug Abram amegppa aum. “Da wan imu na buɗunad madattem. Tom nuhig amu inam; le nakok onig Isip, tom am amuppanu digma ukka, le okkai onig Yupretis batak.

Genesis 15:7

Abram nug Yawenu nai ooppa genab doye, amu Yawe Nug Abram amegppa aum. “Da am Yawe. Da na wan imu medappi, nahip daakkunu Ur, Kaldia wanppanu awitten, omaitti uɗime,” awa aum.

Genesis 22:16

“Yawe Nug inam awa atte. ‘Da dakka, da onil awen, da nai dahil imu da onilppa ɠagattag qein madittem. Nai am inam: Na nid nahipnab meɗame. Na ii awaidna aɗame

Sam 102:26

Na hatame, amge aa iitta mekkulah. Ao, aa am iitta mekkulah, amge na amu hanhan daakkutib. Ge, aa geha lamen alag mette bia, alag meya, iitta mekkulah. Na geha danab nug lamen baolitte, amubia na hab wan ele baoliatppe, laa daaglah. Gemu daattep amu, aa iitta mekkulah.

Sam 102:27

Amge O Yawe, na amu, na ii baolittem. Ele amu, nahip dayak am ii iitta mette.

Sam 102:28

Nahipad maɗi nid bekkalkad aɗelkad ele ag geha na noomppa ɠagattag daaglag. Ao, ag buɗulkad amu, ag geha na noomppa hanhan daaglag,” awe ami.

Sam 103:17

Amge Yawe Nug danab ah ag nuhignu ebehilag oh bodoetta le mette ele dilagnu oo mauhaknab tuqa ii awawa, hanhan anamib haaha daatte. Ao, Nug ahilagnu anam oo mauhe, Nug ag alalkad dilagnu, Nug genab tutukku hak kobolnu dabmaama, dim lamidtte.

Sam 78:38

Ag amu heppig, amge Kayak Nug ahilagnu oo gai-iitta doya oo matta ehanatta, Nug ahilag hipunin uhuqa mattom. Nug ag oh ii hatte nauhppig. Haen kuɗum Nug oo nauhak nuhig aɗom. Ao, haen kuɗum Nug ahilagnu oppoɗi bak doyom, amge Nug aɗaɗa, ag bu madakkunu dayom bia ii bu mattom.

Sam 78:57

Ag mamelkad aɗi heppig bia, ag nuhigib ii dabmena oo metta ii uuak kobol ii dim lamidppig, nuhignu ag ele oolagppa genab ii dooppig. Am lat tanig laa pimalaknu elele iitta, lat doɗo ele pehetta ii ema, laa nug lat pimala ekku amu, ewak am ena ii bema; ig alankad ag lat amubia daappig.

Aisaia 41:13

Keeke anam daakkunu diig am, da am Yawe, da ahilag Kayak daattem. Da ag eppelag naɗiap aɗe ehanadttem. Da ag amelagppa ‘Ag aib baɗappig, da ag ehanadkkul,’ attem.

Aisaia 44:6

Yawe, Nug Israel dilag king, Nug Israel dilag qagaiettakppanu eɗua uhuqaknu ehanittak, Nug Yawe Nukka Ɠagattag Oh Ele, Nug inam atte. “Da hanhan daattem; anuqakppa, batakppa ele da daattem. Kayak laal ii daatte.

Aisaia 46:4

Amu da hemi bia da tuɗitten heppi ukkeb, ag kaino iitta, ag ikkilag uɗug umimi iitta daappeg ukkeb, ag kainonab daanna, ag ikkilag uɗug umimi ele, haen amuppa ele da ag ehanadkkul. Laa amu hette am daib, laa iitta. Da ag huu laippu daaglagnu hemi amu, da ag mawadkkul. Da ɠagattag matten, uug haenppa da ag ehanadppi, ag qagaiettakppa ii daamna.

Jeremaia 32:27

“Da am Yawe. Da danab oh dilag Kayak daattem. Keeke laa haknu uug nau ele amu, uug amu nug da eɗile, da hekkulnu elele iitta daattemte? Iitta!” awa atte.

Daniel 6:26

Da ɗo imu iikku mei gotte. Danab ah ohnab ag da wan atu gumattem amu, wan amunu aben ohppa, ag ohnab ag Danielnu Kayaknu ebehilag oh bodoetta le maɗ! Danielnu Kayak Nug bau daatte. Ao, Nug hanhan daatte. Nuhig ɗo maɗoɗnu amu, laa nug heeb ii nauhma. Ge, nuhig wan atu gumak am alet, ii tuqa awak daatte.

Hosea 11:9

Da ahilagnu oo nauhak huanaknab doottem, amge oo nauhak amu da ag bu naunab madakkulnu ippuniɗtte, da bu anamnab ii madapa. Ge, da Israel eheɗ nau madappi, ag padal mena autnanab ii aomna; iitta. Aɗinu? Da danab iitta, da am Kayak. Ao, da am Kayak Oppiaawak Ele, da ag oolagppa daattem. Ge, da oppoɗi be ameg kokoɗ eppak ele ii uɗipa.

Habakuk 1:12

⌊Yawe Nug anam aum amu, Habakuk nug inam unuqittom.⌋ “O Yawe, na haen ohnab aakku daye uɗie, gemu ele daattem. O Kayak, na am dahil Kayak Oppiaawak Ele; ig ii mauhmata. O Yawe, na Babilon dilag daup ag uɗin, hipunin haknu nob mekkaglagnu tituanadme. Ao, O Yawe, na am kekeɗ nikkamnanu ehanittak ihinig daattem, amu na Babilon ag bu mekkaglagnu otiadme.

Namba 23:19

Danab ag hambubutteb, amge Kayak Nug am danab iitta, amu Nug ham-ii-bubutte. Ao, danab ag ahilag dabmak baolitteb, amge Nug am danab bekka iitta, amu nug nuhig dabmak ii baolitte. Yawe Nug keeke hekkunu atte amu, Nug hette. Nug keeke hekkunu nai ana qagatte amu, Nug genab anamib aakku hette.

Rom 5:10

Aɗinu? Anukka ig Kayaknu kekeɗ daautut, Nug Bekka ihinignu mauha amu, mauhak nuhig amuppa Nug kekeɗ kobol he iitta me, gemu ig Kayak ele oonig laippu daattem. Kayak he, ig Nug ele oonig laippu daattem, Nug Bekka ele bau daatte, diig amunu genabnab genab Kayak Bekka ⌊Nug Kayaknu oppoɗi bak,⌋ Nug amuppanu eɗua awigkku.

Pilipai 1:6

da imu am genabib genab doottem. Kayak Nug ahilagppa uɗat enanag digmeum amu, Nug uɗat amu tuɗitta heeb ukkeb ukkeb, Kristus Jesusnu deɗppa gog tekku.

Hibru 13:8

Amu Jesus Kristus Nug attem daatte amu, Nug tumai, gemu, hanhan ele anamib daatte.

Hibru 6:18

Aria, gemu keeke aɗit amu aakku daattep; laa am Kayak Nug keeke genab hekkunu nai qakka aum, laa am Nug nuhig nai Nug Nug onigppa ɠagattag qettom. Keeke aɗit amu aa baolikkulahnu elele iitta. Kayak ele hambubukkunu elele iitta. Aria, ig laa, ig Kayak Nug ig gog tak haenppa bauklel mekkeb aognignu dabmak aɗat daat, ameg mettem ele amu, keeke aɗit amu aa ig oonig ɠagattag qedattep.

Jems 1:17

Keeke hamu mekkak ena, elelenab ele, keeke amu oh hab aabppanu uɗitte. Aam, kalam, hoɗoppai keeke ag habppa daanna, amahlak megatteb ele amu, keeke amu oh Mamelag, Nug keeke enanag amu oh me, ihinigppa uɗitte. Mame Nug kobol nuhig eɗua eɗua ii mette. Nug keeke laa aamnu amahlakppa itotolag eɗun eɗun qetteb amubia ii hette.

Revelesen 1:8

Naɗi Kayak Nug inam atte. “Da haen oh daattem; da gemu daattem, anukka daami, dimppa uɗikkulnu ele daattem. Da Dakka Ɠagattag Oh Ele,” awa atte.

Revelesen 22:13

Jesus anam awowa, Nug aum. “Da haen oh daattem; da tatam daami, da hanhan daakkul. Anuqakppa, gog takppa ele da daattem. Digmakppa, batakppa ele da daattem.

1 Samuel 15:29

Yawe, Nug am Israel dilag Kayak, Nug binag amahlak oppiaawak ele amu, Nug ham-ii-bubutte. Nug dabmak nuhig ele ii eɗutte. Nug am danab iitta amunu, Nug ig danab, ig keeke hekkunignu atata, dabmak eɗut, keeke laa hettem amu, Nug amubia iinab hette,” awa aum.