Malakai 3:4 - Nobonob Baibel

⁴ Nug Juda danab ah, laala Jerusalemnu, laa am Juda wanppa laih laihnu amu, Nug heeb, ag oppia mettak daaglag; amu Yawe Nug ahilag mana mettaknu am ena, elele dookku. Anukka, maɗ kuɗum ukkom, Nug ahilag mana mettaknu anam doyom, amubia Nug mana mettak ahilagnu ena, elele dookku.

Malakai 3:4 ပူးပေါင်းရင်းမြစ်များ

1 Stori 15:26

Ag ahan gona, Lewi buɗub ag Yawenu Tituanak Nainu Kunup kontrak inak ele maoegeg, Kayak ehanatte, ⌊laa Usa mauhom bia ii mauhom⌋ amunu, ag makau dawai eblaih aɗit ele, sipsip dawai eblaih aɗit ele, ag doɗ amu oh manadna, Yawe medappig.

1 Stori 21:26

Dawit aben amu anam daden ma, nug qaɗab qewowa, nug manaknu ofa, laippu dayaknu ofa ele qaɗab amuppa manatta, Yawe mettom. Nug anam ha, nug Yawe unuqitte, Yawe doya he, aab aɗu habppannu manaknu ofa haknu qaɗabppa neum.

2 Stori 1:6

Amu Solomon nug qaɗab brasppa hak, qaɗab amuam mettid haknu peh lag danab ah appa qagmetteb ele, am lag amu odppa dayom amu, nug qaɗab amu guguitta ukka, appa Yawe noobppa dayaya, nug qaɗab amuppa nug manaknu ofa hattatta, doɗ 1,000 manatta, Yawe mettom.

Sam 51:17

Amu genab na doɗ mana mettaknu oot ii daatte, amge na oot daatte am, danab nug hipunin qeum, nug ooppa guittak okkai doyaya, nukka nug onig qeeb nekkunu oot hette. O Kayak, danab hipunin heum ele nug ooppa guittak okkai doyaya, nukka onig qe nette dayeb, nug baula hemanu dabmekku dayeb amu, na danab amu ii geɗidmana. Iitta. Na hipunin amu uhuqna medakkut.

Sam 51:19

⌊Na anam hekkut amu⌋, ag mana mettak genab tutukku ele hekkulag. Ao, na enanagnab dookkutnu, ag manaknu ofa hekkulag. Ge, ag makau dawai manadna mettaglag.

Aisaia 56:7

“Da geha danab ah aben laalappanu diie, qauko dahilnu tituanak daatte, da ag qauko dahil amuppa, ⌊Jerusalem aabppa,⌋ daaglagnu omalatten uɗien heppi, ag dahil unuqittak lag ooppa, ag oo gamag ahak naɗi aoglag. Danab ah amu ⌊ag da oɗel doon dim lamidkkulag,⌋ ag manaknu ofa, mana mettak laala ele meɗaglag amu, da ahilagnu ool enaib dookkul. Aɗinu? Danab ag da laul am wanppan wan ohppanu danab ah dilag unuqiɗak lag daatte dooglag,” awa atte.

Sekaraia 8:3

Amu Yawe Nug laa ele inam atte. “Da eɗuen, qauko Sion appa ukken, da Jerusalem daakkul. Da amu heppi, danab laa ag Jerusalemnu, aab okkai amu onig am Yawe Dim lamittaknu Oo Metta Ii Uuak Kobol, akkulag. Amu qauko Sionnu, qauko amuam Yawe Nukka Ɠagattag Oh Elenu amu, ag qauko amunu, qauko amu onig am, Qauko Kayaknu Tituanak Daatte, akkulag,” awa atte.