Malakai 3:2 - Nobonob Baibel

² Nug anam uɗikku, amge haen nug uɗieb amu, aun nug deɗ amuppa ɠagattag daakkunu elele? Ao, haen Nug miag atieb amu, aun nug ena hibaitta daakku? Aɗinu? Nug silwa, gol keeke babaitta epeɗia awak uɗat hak danab nug aab gakkaɗaknab, amuppa he, dubuttid laa ii daatte, Nug aab amubia daakku. O iitta, Nug sop ɠagattag, dubuttid ihaeg na gotte, Nug amubia daakku.

Malakai 3:2 ပူးပေါင်းရင်းမြစ်များ

Genesis 19:28

Ukka, nug neekke, Sodom, Gomora, amu atu uɗem amu ele ohppa ukke, nug aab kah huanak teete anttom.

Job 28:1

⌊Amu Job nug anam mattia mala, nug tuɗitta aum.⌋ “Danab ag silwa wan ooppanu buutteb; ag gol aon, gol amu babaitta epeɗia awak daakkunu uɗat hettebnu aben ele daatte.

Sam 130:3

O Yawe, na ig danab, na ig ihinig hipunin nahip dabmakppa mena, aɗan dabmelom amu, ig oonigppa aun nug elele daalo? Ao, O Naɗi, aun nug na noomppa tutukku daalo? Laa iittanab iitta!

Sam 2:7

Amu king amu, Yawe tituana, Sion appa meum ele, nug atte. “Da ɗo laa Yawe meum daatte amu, da amunu appi dooglag. Nug da amelppa inam aum. ‘Na am da Bekkal; gemu amu, da na Mamen bemi daattem.

Sam 76:7

Danab ah ag na huana baɗidttebnu diig am miagib daatte! Haen na oppoɗin bette amu, aun nug na noomppa hibaitta daakkunu elele?

Prowerb 25:4

Na heppe, dubuttid silwappa daatte iitta mekku dayeb; keeke silwappa hak danab nug awa, keeke anttaknu enanag hekkunu elele.

Aisaia 1:18

Amu Yawe Nug atte. “Ag uɗippeg, ig qagmeta, nai mattit, hettoɗit, elele hekkunig. Ahilag hipunin am ⌊naunab,⌋ gau kokoɗnab ⌊lamen hakkab laitte, ihaknu elele iitta⌋ biatai; ⌊hipunin ahilag anambia daatteb dayeb am ena iitta,⌋ amge ⌊da hipunin amu oh uhuqen madakkulnu elele. Anam amu, da uhuqatten madappi,⌋ ag eɗun ⌊lamen ihaeg, eɗua hakkabnab daatte, hakkab amuam snonu hakkab bia,⌋ ag anam bia daaglag. Ge! Ahilag hipunin am ⌊naunab nau,⌋ gau kokoɗnab ⌊lamen hakkab laitte, ihaknu elele iitta⌋ biatai. ⌊Ag anambia daatteb dayeb am genab ena iitta,⌋ amge ⌊da hipunin amu oh uhuqen madakkulnu elele. Anam amu, da uhuqatten madappi,⌋ ag eɗun ⌊lamen ihaeg, eɗua hakkabnab daatte, hakkab amuam sipsip uɗignu hakkab bia,⌋ ag anam bia daaglag.

Aisaia 33:14

Hipunin hak danab ah Sion daatteb ele, ag eheɗ nau baɗatteb. Ao, Kayaknu nuhig haknu ele uuak danab ag hahaɗtteb. Ag hahaɗnan atteb. “Ig oonigppanu amu, aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele daaglahnu elele?” Ao, ag hahaɗnan, “Ig oonigppanu aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele hanhan daaglahnu elele?” atteb.

Aisaia 4:4

⌊Danab laa ag Israel danab dilagnu, “Ag am Yawenu, oppiaawak ele,” akkulagnu diig am,⌋ Naɗi Nug nuhig ɠagattagppa Nug danab ah amu epeɗiatta, bappalatteb, ag Naɗinu, oppiaawak ele bena daan oiglag. Ib amuppa Naɗi Nug Sion ah oolagnu dubuttid, oolagppa aɗak daatte amu, Nug amu oh iha, oppieb ukkeb, Nug Jerusalem danab ag laa aqaeg mauhppig, ag beɗulagppa aab ele, Nug aab amu oh iha, oppieb gokku.

Jeremaia 2:22

Anam amu, da, Naɗi Yawe, da inam iikku attem. ‘Ag Israel ag beɗulagppa aab ele. Danabnu lamen gau laittak daatte, nug sop, blis eleppa huana ihatte, amge gau amu iitta ii mette, amubia ahilag aab iitta ii mette. Da noolppa aakku daatte.

Esekiel 22:14

Da Yawe, da ag bu madakkul, amu deɗ laa da amu hekkul amu, ag oolagppa ɠagattag qettak daaglagte? Ag ɠagattag daaglagte? Iitta! Amu da Yawe, da aakku amu hekkulnu ain malami amunu, da anamnab aakku hekkul.

Daniel 11:35

Haen amuppa danab doyak dabmak ena ele laala, ag oppiaawak, dubuttid iitta, ag eheɗ hak laa iitta ele daaglagnu, uug anam ahilagppa bekku. Uug amu beeb ukkeb, haen gogppa tekku. Aɗinu? Kayak Nug haen gog tekkunu tituanom amu, haen amuppa am gogppa tekku. Ii baolima.

Joel 2:11

Amu Yawe Nug nuhikkud daup noolagppa anuqa ugakka, Nug baag okkaippa hakkaɗ qette bia ette. Aɗinu? Nuhikkud daup dilag ebqak am huanaknab; ebqaknu elele iitta. Laa amu, laa Nug nuhig nai meu he bette ele, Nug am ɠagattag okkai ele. Laa ele amu, Yawenu deɗ naɗi am deɗ okkai ele. Deɗ amuam heeb, danab ebehi oh bodoetta le mekkunu deɗ amunu, auntai nug deɗ amu ɠagattag hibaitta daakkunu elele? Laa iitta.

Nahum 1:6

Yawe Nug oppoɗi beeb, aun nug ii nauhma? Ao, Yawe Nug oo nauhak huanaknab doyeb, auntai laa nug ena daakku? Nuhig oppoɗi bak am aab aɗu bia. Nug he, men Nug noobppa daatteb amu, ag aoɗtteb.

Sekaraia 13:9

Am Yawe Nug imu ele atte. “Danab nug silwa o gol babaitta epeɗia awak daakkunu uɗat hette, amubia laa bau daaglag amu, da heppi, ag oolag dubuttid iitta daaglag. Ag da onilppa eppeg, da ahilag unuqittak dookkul. Da ahilagnu, imuam dahilad danab ah, appi, ag, Yawe, Nug am ihinig Kayak, akkulag.” Yawe Nug anam awa atte.

Malakai 4:1

Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.

Matyu 25:10

Ah makkun doyak dabmak ena ele ag anam aeg, ah makkun dabmak iitta ele ag en lakka amahlaknu le aoglagnu ukkaegeg amu, danab ah aokkun heum ele aakku uɗiom. Uɗie amu, ah makkun dabmak ele ag nug ele ewau matulak hobulppa nona malaeg, maɗi nid ag od manappig.

Mak 9:3

Beɗu eɗue, nuhig lamen ele hakkabnab eppom. Wan imuppanu danab laa nug lamen heeb, hakkabnab amubia bekkunu elele iitta.

Luk 2:34

Simeon anam ana, nug itittak ena matowa, nid anig Maria amegppa aum. “Doye, nid imu heeb, Israel danab ah kuɗum ag nena qekkulag, amge Nug heeb, kuɗum ag eɗun ahaglag. Nug am Kayak anidkkunignu epponak keeke daakku, amge danab kuɗum nuhignu nai nau akkulag.

Luk 21:36

Amunu ag hanhan tutukku dabmena daanna, keeke amu oh anidmananu amu, ag Danab Bekkalag da, da noolppa hippaidkkulagnu elele daaglagnu ele unuqitteg!” awa aum.

Luk 3:17

Awa anan amu, nug nai baula tuɗitta aum. “Nug ee aeg mumuɗaknu abenppa ulah ee aeg dappunkkeg iwale ukkaknu uɗat hekkunu daatte. Nug uɗat amu ha, elelenab mewowa, Nug wit meu oh ee aeg mumuɗaknu abenppanu awa ukka, ee maknu lakka mekku. Mewowa, Nug ee aeg dappunkkeg aab aɗu ii qauhtte eleppa maneb eweb, ee aeg mumuɗaknu aben amuam keeke iitta, oppiaawak daakku,” awa aum.

Luk 3:9

Antteg! Epeɗiak haen am miag. Ad meu ii otte amu nug mameg o qiie, aab aɗuppa mawe te eotte,” awa aum.

Luk 7:23

Amu danab aun nug nuhig ooppa genab doyak dahilnu ii paɗe nette amu, nug itittak ena awom daatte,” awa aum.

Jon 8:55

Ag Nug ii dootteb, amge da Nug doottem. Da nuhignu, ‘Da Nug ii doottem,’ alom amu, da ag bia hambuppuak mattiak danab daalom, amge da Nug doottem, nuhig nai ele dim lamidttem.

Hibru 12:25

Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!

Revelesen 19:8

Anam amu, Kayak Nug linen lamen hakkab, amiak, oppiaawak ele nug mekkunu mettom,” aon appig. Amunu diig am, linen lamen hakkab amuam genab tutukku hak kobol Kayaknu danab ah oppiaawak ele hetteb ippunigtte.

Revelesen 2:23

Da nuhikkud nid ele heppi mauhkkulag. Amuppa Kristen tamaniak oh ag dooglag, da danab oolag, amu ahilag dabmak ele epeɗie aute aottem. Amu ele, da Taiataira daatteb, da ahilag hak attemu amu, da amuppa nob madakkul.

Revelesen 6:17

Aɗinu? Deɗ naɗi, amuam aa danab ah hipunin ahilagnu bu aqaglahnu deɗ, deɗ amu aakku beum daatte. Aun nug ɠagattag daya, haen naɗi amu eɗidkku? Auntai laa iitta!” aon appig.

Revelesen 7:14

Oɗ meɗe, da nuhig oɗmak nob mein ami. “Naɗi, na doottem,” awe ami. Da ai amu, nug da amelppa aum. “Danab imu amu, ag eheɗ hattak okkainab, amuppa daappig, amge ag Kayak di-ii-medappig. Ag lamen elab ahilkad Sipsip Nag tiigppa ihalatteg hakkab ebappig

1 Samuel 6:20

Kobol amu beum amunu, Betsemesnu danab ag appig. “Aunnab nug Yawe noobppa daakkunu elele? Laa iitta! Nug am Kayak Oppiaawak Ele. Nug anam daatte amunu, nuhig Tituanak Nainu Kunup imu iguppa daakkunu am elele iitta, amge ig hepput, adebtai gokku?” aon appig.