Malakai 3:18 - Nobonob Baibel

¹⁸ Anam aakku beeb, ag baula aɗi keeke laa genab tutukku hak danab dilagppa bette, amu aɗi keeke, nau hak danab ele dilagppa bette, keeke amuam piɗe piɗe, ag amu anidkkulag. Ao, ag baula aɗi keeke laa danab ag Kayak waappa daan, Nug oɗe dim lamidtteb dilagppa bette, amu aɗi keeke danab ag Kayak waappa ii daan, Nug oɗe dim ii lamidtteb dilagppa bette, keeke amuam piɗe piɗe, ag amu anidkkulag,” awa atte.

Malakai 3:18 ပူးပေါင်းရင်းမြစ်များ

Genesis 18:25

Ge, anam daakku! Na genab tutukku hak danab, amu danab nau ele oh he ii mauhtteb. Na anam ii hettem. Na, na wan atu oh dilag epeɗiak danab daattem, na haen oh epeɗiak kobol tutukkuib iite hemana?” awa aum.

Job 17:10

Anam, amge ag ⌊uɗin daatteb ele amu, ag⌋ oh baula ippuniɗkkulagnu ma anttak heig! Ag anam hebeppeg amu, da ag oolagppanu laippu laa nug doyak dabmak ena ele iinab anidpa.

Job 6:29

Ag ahilag dabmak eɗueg! Ag nai doya mala hettoɗia epeɗia elele mettak kobol dim lamitteg! Ao, ag ahilag dabmak eɗueg! Da genab tutukku hak kobol dim lamidttem.

Eksodas 11:7

Amge geha, haen amuppa Israel danab ah daattebppa, aɗitai keeke nau laa Israel danab ah dilagppa, ahilkad doɗ dilagppa ele iinab bema. Oqotti wak, qai gamɗu qak keeke, keeke amuam nakok laa appa iinab daama,’ awa atte. Keeke anam bekku amunu, na amuppa dookkut, Yawe Nug ag Isip, ahilagnu ena ii doyaya, Nug Israel dilagppa ena dootte.

Jeremaia 12:15

Da laa kekeɗ meɗappig dilagppa anam hekkul, amge da ag anam ahilag wanppanu hiɗadppi goppeg, dimppa da ahilagnu oo gai-iitta doye ool matten ehanadppi, ag anen anen eɗun, ahilag wanppa, ag ahilkad aug wanppa daaglag.

Daniel 2:18

Daniel nug ag amelagppa mattia mala, nug daup ag nug, nug laikkud ewam, Babilon dilag doyak danab laa oh ele aqamnanu, Daniel nug laikkud ewam ag Kayak, hab attan daatte, ag Nug oo doyakppa unuqidppeg, Nug ahilagnu oo gai-iitta doya oo matta ehanatta, Nug Daniel kingnu tul niiak ippunidkkunu aum.

Joel 2:14

Amu haen imuppa ele Nug eɗua, oo gai-iitta doya oo matta ehanadkkutai. Nug eɗua itittak ena matteb, wanppa keeke ena ba, meu ob, ag ee aegnu ofa, am wain gokkaɗaknu ofa ele Yawe, ahilag Kayak, ag Nug mettaglagnu elele daan mettaglag.

Amos 5:15

Ag kobol enanu amu, ag oo mauhak doon, ag kobol naunu, ag nau ninig ele doyeg! Ag hettoɗiakppa nai doya mala hettoɗia epeɗia elele mettak kobol ele dim lamitteg! Ag anam hebeppeg amu, Yawe Kayak Nukka Ɠagattag Oh Ele, Nug geha ag Israel danab ah, oɗo yaak daaglag, Nug ahilagnu oo gai-iitta doya oo matta ehanadkkutai.

Sekaraia 1:6

amge da dahilad maɗi nid, ag propet amu, da ag oɗelagppa aɗi nai mattimi, aɗi ɗo memi, aɗi haknunab nai ami amu, keeke amu oh am genabib ag mamelkad aɗi, amu ahilagppa iite beum? Da ami bianab anam anam aakku beum. Anam beum amunu, haen amuppan danab ag oolag eɗue, ag appig. Ig hipunin heut, Yawe Nukka Ɠagattag Oh Ele bu elele iikku ig mekkom daatte. Nug ihinig haknu bu elele ig mekkom. Nug hekkunu dabmak awe ɠagattag eppom bianab aakku heum, aon appig.” Yawe Nug Sekaraia nuhig nai anam ⌊engel oɗeppa⌋ mettom.

Malakai 1:4

Esau buɗub, ag Edom wanppa daatteb, ag inam akkulagtai, “Kayak Nug ihinig wan he nauhom, amge ig nauhom am baula buugnig.” Ag anam akkulagtai, amge Yawe Nukka Ɠagattag Oh Ele Nug inam atte. “Ag ahilag wan heppeg ena daakkunu hekkulagtai, amge da eɗue loppaɗppi nekku! Da anam heppi, laa ag ahilag wan, ag amunu, nau hak danab ah dilag wan, anana, ag Esau buɗub dilagnu ele, danab ah Yawe Nug ahilagnu hanhan oppoɗi bak dootte, akkulag,” awa atte.

Matyu 25:46

Aria, danab amu ag gona, haen ohnu nau awak abenppa daaglag, amge genab tutukku hak danab ag bauklel hanhannu aon daaglag,” awa aum.

Jon 12:26

Amu laa nug da waalppa dayaya da oɗel dim lamidkku dayeb amu, nug da dim lamiɗkkuoitte. Am da adeppa daattem amu, dahil maɗi nid nug ele appa daakku. Am laa nug da waalppa dayaya da oɗel dim lamidkku amu, Mame Nug nug binag humakku,” awa aum.

Aposel 16:17

Nug Pol ig ele dim lamikkakka amu, nug inam ewa aum. “Danab imu amu, ag am Kayak Attannab Laa Oh Eɗattaknu maɗi nid! Kayak Nug attem ha, ig eɗua awikkaknu ib babaittom ippunigtteb,” awa aum.

Aposel 27:23

Pol nug anam awowa amu nug tuɗitta aum. “Gemu tuqan imuppa, Kayak, da nuhig dayeye, da Nug noobppa dup noin binag mettem ele amu, nuhig engel nug da gukkuiɗa hibaitta dayaya,

Rom 1:9

Amu Kayak, da meul ohppa Nug waappa dayeye Nug oɗe dim lamittette, Nug Bekkanu Nai Ena mehuqttem amu, Nugnab da nai yaattem imuam genabib yaattem doya malom daatte amunu da iikku yaattem. Am inam.

1 Tesalonaika 1:9

Aɗinu? Danab aabaab ohppanu ag Tesalonaika, ahilagnu ag mattin, ag Tesalonaika danab ag ig ena atognoigppignu, ag Kayak Bauklel dim lamidkkulagnu kayak hambuppuak dottolkad aakku uuadppignu, ag eɗun Kayak Bauklel, genab ele waappa daan nuhig uɗat hekkulagnu,

Josua 24:15

Anam, amge ag Yawe waappa daan, Nug oɗe dim lamidkkulagnu oolag ii daatte dayeb, ag gemu aun dim lamidkkulagnu amu dabmak aweg! Ag mamelkad aɗi Mesopatemia daanna, kayak laala waalagpa daan, oɗe dim lamidppig, amute, o iitta, Amo danab, wan ag amuppa gemu daatteb ele, ahilag kayak waalagppa daan binalag mekkulagtai. Ag amu hekkulagtai, amge da, da baeladppa ele amu, ig Yawe waappa daatta, Nug oɗe dim lamidkkunig,” awa aum.