Malakai 3:1 - Nobonob Baibel

¹ Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.

Malakai 3:1 ပူးပေါင်းရင်းမြစ်များ

Sam 110:1

Yawe Nug dahil Naɗi amegppa inam atte. “Na da eppel naɗiap-ppa daappe ukkeb, da nahip kekeɗ na waatppa maadkkul,” awa aum.

Eksodas 23:20

Doyeg! Engel laa nug ag dabmadakkunu, nug geha ag omalatteb gona, wan da ahilagnu bappaidmi ele, ag amuppa tekkulagnu, da engel amu mei, nug ibppa anuqa, ag noolag awa gotte.

Eksodas 23:21

Ag nug nai akku amu, ag tutukku doon dim lamitteg! Ag nuhig nai aib tabappeg neum. Aɗinu? Da onil nuhigppa daatte amunu, nug danab ah dilag nai tappenak amu, nug amunu hamu ii dooma. Iitta! Nug bu madakku.

Aisaia 40:10

Antteg! Naɗi Yawe Nug aakku uɗitte. Nug am ɠagattag okkai okkai ele. Nug geha nuhig ɠagattag okkai okkai eleppa danab ah gumadkku. Antteg! Nug nob ena nuhikkud danab ah madakkunu awa uɗitte. Nug geha nob ena danab ah anen anen ag aɗi heppig, amu eleleppa madakku.

Aisaia 63:9

Haen ag uug nau dooppig amu, Nug ele uug nau doya he, laa nugatoppa daatteb amu, nug ehanatte, padal ii meppig. Nug ahilagnu oo mauhak doya, ag dabmatta, oo gai-iitta doya oo metta ehanittak kobol ele dim lamittom amunu, haen kuɗum ag nau doyegeg, Nug amunu qagaiettakppanu eɗua uhuqak heum. Anukka, haen amuppa, maɗ kuɗum ukkom amu, Nug danab laa nid nakok laa ehanitta awa maotte, amubia ag ehanattom. ⌊Yawe Nug nukka amu oh ahilagnu heum.⌋

Aisaia 7:14

Na atnu oɗmak hekkutnu uume amunu, Naɗi Nug nukka geha at laa na ippunidkku. At amuam inam. Ah makkun laa nug oo ele daya, geha nug nid danab menua, nid onig Imanuel ataɗkku.

Aisaia 9:6

Aɗinu? Ihinigppa ah laa nid danab menukku. Ge, nid amu Yawe Nug ihinignu meeb uɗikku. Nug ihinig king daakku. Nug onig anaknu laala inam: Ulum Ena Mettaknu Danab Enanagnab, Kayak Nukka Ɠagattag Ele, Mamenig Hanhannu, King Maɗoɗ Ele.

Hagai 1:13

Danab ah ag amu digmen heegeg, Yawenu nai awa ukkak danab Hagai, nug Yawenu nai imu danab ah mattom. “Yawe Nug inam atte. ‘Da ag ele daattem,’ awa atte,” awa aum.

Malakai 2:4

Da amu hein malappi, nug tituana nai qakkak da hei, da Lewi ele i hemuɗ amu, nai qakkak amu iitta ii memanu da haknunab nai imu ami, ag da nai amu ami dooglag.” Yawe Nukka Ɠagattag Oh Ele Nug anam atte.

Malakai 2:7

Nug amu heumnu diig am: Mana mettak danab nug doyak tutukkuib madikkunu daatte. Ao, danab ah ag mana mettak danab dilagppanu ippunittak aoglagnu daatte. Diig laa am, mana mettak danab anen anen ag am Yawe Nukka Ɠagattag Oh Elenu nai awa ukkak danab daatteb.

Malakai 4:5

Antteg! Da propet Elaiya meppi, ahilagppa uɗikku. Da Yawe, da dahil deɗ naɗi, deɗ amuam deɗ okkai, am deɗ danab antta, ebehi oh bodoetta le mekku amu, deɗ amu ii neebeb, da nug meppi uɗikku.

Matyu 11:14

amu ag nai amu oolagppa genab dootteb dayeb, ag imu oolagppa genab dooglag. Elaiya uɗikkun appig amu Jon aakku.

Luk 1:76

Sekaraia nug anam ana, nug nai baula tuɗitta aum. “O nid dahil, na Naɗinu ib bappaidkkutnu, na Kayak, Nug danab nuhikkud hipunin uhuqa mettak ibppa eɗua diikkunu ippunadkkutnu amu na Naɗi noob aon, anuqna gokkut amunu ag nahipnu, ‘Nug am Kayak Attannab Laa Oh Eɗattaknu propet,’ aon akkulag

Luk 19:47

Nug anam hewowa amu Nug deɗ oh Kayaknu mettid lag ooppa noa, danab ah Kayak nai ippuanattom. Nug anam heehe amu, mana mettak danab okkai amu ɗo mehuqak danab am danab ah gumattak ikki ele ag ahan, Nug qeppeg mauhkkunu ib madippig.

Luk 2:11

Gemu deɗ imuppa Dawitnu aabppa, am Betlehem amu, appa ah laa nid awom. Nid amu Nug danab dilag Padal ii maknu ehanittak daatte; Nug amu Naɗi, Kristus.

Luk 2:38

Haen amuppaib nug ele uɗia, Kayak amegppa, “Ena heme,” aum. Anana, nug nid amunu nai mehuqa, danab oh ag qagaiettakppanu eɗua uhuqak, ag ehanittak amu Jerusalem appa uɗikkunu ameg meppig ele, nug ag Jesusnu amelagppa aum.

Luk 2:46

Goya, aa Nug mattieheh, deɗ aɗit ukke, dimppa deɗ ewamppa aa Nug Kayaknu mettid lag ooppa dayeye anidpiɗ. Nug Juda dilag ippunittak danab oolagppa dayeye, ag nai mattiegeg doya, Nug eɗua oɗ madette daappig.

Aposel 19:4

Anam aeg amu Pol nug aum. “Anukka Jon nug danab ah layattatta, nug inam amelagppa aum. ‘Kayak Nug ahilag hipunin uhuqa madakkunu amu ag oolag eɗueb, ag layattak aweg!’ awa aum. Nug ele, ‘Danab nug da dimulppa uɗitte, ag nuhignu oolagppa genab doyeg!’ awa aum. Danab amu nug Jesus,” awa aum.

Aposel 7:38

Moses nug dimppa Israel ele oh ag atu taɗakppa, Sainai qaukoppa qagmena amu, nug engel, ig mamelkad aɗi ele dilag gamag danab dayeye, engel nug Kayak nai bau dayaknu amu mette, nug awa, ag mattom.