Malakai 2:7 - Nobonob Baibel

⁷ Nug amu heumnu diig am: Mana mettak danab nug doyak tutukkuib madikkunu daatte. Ao, danab ah ag mana mettak danab dilagppanu ippunittak aoglagnu daatte. Diig laa am, mana mettak danab anen anen ag am Yawe Nukka Ɠagattag Oh Elenu nai awa ukkak danab daatteb.

Malakai 2:7 ပူးပေါင်းရင်းမြစ်များ

2 King 16:11

Aakku mana mettak danab Uraia nug dottog, haknu nai amu ele Ahas nug Damaskusnu me ukkom amu antta, nug qaɗab amubia heum. King Ahas nug Damaskusnu eɗua Jerusalem ii ugekke, Uraia nug qaɗab am ha malom.

2 King 16:16

Ahas nug anam haknunab a, mana mettak danab Uraia nug haen oh king nai aum oɗe dim lamitta, anamib hettom.

2 Stori 30:22

Lewi buɗub ag Yawenu maɗi ahilag hekkulagnu diignu doyak tutukku ele oinna heppig amunu, Hesekaia nug ag ɠagattag aqom. Lewi buɗub amu ag deɗ eblaih aɗit ele aɗi ee mana mettakppanu aoglagnu daappig amu, ag ee amu aon lappig. Amu ag ele laippu dayaknu ofa Kayak mettan, ag Yawe, ag mamelkad aɗi dilag Kayak, ag Nug binag meppig.

2 Stori 31:4

Hesekaia nug Lewi buɗubppan mana mettak danab, Lewi buɗubppan mana mettak danab iitta, ag ele, nug ⌊ag laih wana, men doɗo awaknu uɗat laa hekkulagnu duttunak ii doomnanu⌋, ag Yawenu ɗo pehettak doon dim lamidkkulagnu elele daaglagnu, nug Jerusalem danab ah, ag aɗi keeke mana mettak danab, aɗi keeke Lewi buɗubppan mana mettak danab iitta, ag ag ele mattaglagnu daappig amu, ag aon uɗin mattaglagnunab aum.

Esra 7:10

Yawe Nug Esra ehanittomnu diig am, Esra nug Yawenu ɗo ippunittak am aokkunu, ɗo amu dim lamidkkunu ele anuqak doyaya oiyom. Nug amunu anuqak doya, Israel danab ah laa, ag Yawenu ɗo naippa ɗo iɗu iɗu aɗi aɗi amuppa daatteb ele ippunadkkunu anuqak ele doya, amu heum.

Esra 7:25

Amu Esra, nahipnu amu, Kayak nahip Nug doyak dabmak ena okkai ele mettom amunu, na doyak dabmak ena ele amu dabmena, na epeɗiak danab okkai, epeɗiak danab okkai iitta ele otiadna, ag nai doya mala hettoɗia epeɗia elele mettak kobol dim lamidnana, danab ah le Yupretis heqo laih appa daatteb, ag nahip Kayaknu ɗo nai aɗi aɗi ippunigtte dootteb amu, ag danab ah amu oh epeɗiatteg! Amu laa nug ɗo amu ii dootte ele amu, na nug ippunitte!

Eklisiastis 5:5

Na keeke laa hekkutnu genabnab hekkutnu nai anan ii qagakkut dayeb, amuam ena. Na hekkutnu genabnab hekkutnu nai anan qakkona, ii hekkut dayeb, amuam eheɗ.

Aisaia 42:19

Dahil maɗi nid nug ameg gaɗuak ele. Anam amunu, laa nug ameg gaɗuak amu eɗittak daattete? Iitta! Ao, dahil maɗi danab, nai dahil awa gotte ele amu, nug am daug ituak daatte, am laa daug ituak amu eɗittak daattete? Iitta! Danab amu nug dahil danab daatte, amge nug ameg gaɗuak ele, laa nug nuhig ameg gaɗuak amu eɗittak iinab daatte. Ao, da Yawe, dahil maɗi nid ameg gaɗuak ele amu, laa nug ameg gaɗuak amu eɗittak ii daatte.

Aisaia 44:26

Da dahil propet, ag am dahilad maɗi nid, da aɗi nai ag madattem amu, da hei, nai amu meu otte. Ao, da aɗi nai dahil propet oɗelagppa mettem amu, da hei, nai amu genab bette. Amu da Jerusalemnu attem, ‘Israel danab ah ag eɗun, aguppa daaglag.’ Ao, da Juda dilag aab, ‘Danab ag aab amu eɗun bappaladkkulag,’ attem. Ge! Kekeɗ ag Jerusalem, Juda dilag aab naunau ele heeg nauhppig amu, da aab amu ohnu attem. ‘Da heppi, ag ena, babaittak daaglag.’

Jeremaia 15:19

Amu Yawe Nug da, Jeremaia, Nug da amelppa aum. “Na oot eɗueb amu, da heppi, na tuɗidna dahil propet, dagattolppa daakkut. Ao, na nai genab mattinna, nai hambuppuak, meu iitta ele ii madippe amu, da heppi, na da oɗel awa mattiak danab daakkut. Na ag ib ippuanatte! Na ahilag ib aib aon gome.

Jeremaia 18:18

Amu danab laa ag appig. “⌊Jeremaia atte am genab iitta.⌋ Mana mettak danab ag Yawenu ɗo ippunigtteb amu, kobol amu ii iitta mema. Danab doyak dabmak ena ele ag ulum nai ena megatteb amu, amu ele ii iitta mema. Propet danab ag Yawenu nai mehuqeg doottem amu, kobol amu ele anamib daakku, ii iitta mema amunu, ahappeg, ig hepput, Jeremaia hettoɗiakppa dayaya nauhaɗ! Ig amu hepput, nuhig nai ig daunigppa baula ii daama,” aon appig.

Jeremaia 2:8

Mana mettak danab ag da Yawe, ag dahilnu ii dabmeppig. Ao, danab ag danab ah laa dahil ɗo ippunadtteb ele, ag da ii dooiɗppig. Ikki danab ag da dimeɗan, dahil nai tappaeg neum. Propet danab ag Bal dabmenan, nug onigppa ahilag nai mehuqppig. Ag Bal, kayak hambuppuak laa ele, amu dottolkad dabmenana, dim lamadppig.

Esekiel 22:26

Okkai danab ag anam heeg, mana mettak danab ag ɗo dabmena, ii dim lamidtteb. Ag amu hena, ag keeke dahilnu tituanak daatteb heeg, dahil neekkakppa dahil keeke amu ag dubuttid tak daatteb. Ag keeke dahilnu tituanak daatteb, ag keeke amu, keeke dahilnu tituanak ii daatteb ele amu, ag keeke aɗit amunu keeke laippu bia dootteb. Keeke laala, amuam keeke dahil neekkakppa dubuttid ele daatteb, amu keeke laala dahil neekkakppa dubuttid iitta ele daatteb amu, ag keeke amunu laippu bia doon, ag amunu danab ah ippunadtteb. Ag dahil Sabat, da Sabat dahilnu ag ɗo mattami amu, ag doonna, ɗo amu ii dim lamidna, dahil Sabatnu am hamu dootteb amunu, aabppan danab ah ag dahilnu hamu dootteb, ag da ii dim lamiɗtteb.

Esekiel 7:26

Uug nau uɗitteb oh am nug dim lamittak uɗippeg ⌊Israel ag⌋ anidkkulag. Ulah nai am ulah nai laa nug dim lamittak uɗippeg dooglag. Israel danab ah ag propet danab ag tulegleg laa Kayaknu anidna, amunu nai ag mattaglagnu akkulag, amge propet ag elele iitta daaglag. Mana mettak danab ag dahil ɗo nai mehuqkkulagnu elele iitta daaglag, amu ikki danab ag Israel danab ah ulum mettak nai laa mattaglagnu ele, elele iitta daaglag.

Daniel 11:33

Israel oolagppa laa ag doyak dabmak ena ele, ag laa kuɗum ippunittak ena mattaglag. King amu, nug laikkud ele ag amu dilagnu eheɗ doon, qep elabppa aqaglag, o ag aab ewakppa buɗiadppeg teppeg, aab ewadkku, o ag ahilkad keeke yab aoglag, o ag diin, maniguittakppa inadkkulag. Ag amu deɗ gane, o kalam gane, o maɗ gane anam hekkulag, amge danab doyak dabmak ena ele ag laa kuɗum ippunittak ena mattaglag.

Hosea 4:6

Dahilad danab ah ag da ii dooiɗtteb amunu, laa ag heeg nauhtteb. Mana mettak danab ag, ag da dooiɗaknu uuppig amunu, gemu da ag, ag dahilad mana mettak danab daaglagnu geɗadttem. Ge, ag da, Kayak, ahilag Kayak, ag dahil ɗo nai ii dabmeppig amunu, da geha nid naunau ahilkad ii dabmadapa.

Lewitikas 10:11

Amu ag da Yawe, da ɗo nai oh Moses mettami ele amu, ag Israel danab ah ippunadkkulagoitte,” awa aum.

Sepanaia 3:4

Propet danab Jerusalem daatteb ele ag am beɗuppa tak danab daatteb. Ao, ag hambuppuak kobolppa keeke ag oolag hette ele, ag amu aotteb. Mana mettak danab Jerusalemnu ag kobol eheɗ heegeg, Kayaknu mettid lag, nuhig neekkakppa am dubuttid teum daatte. Ge, ag hambuppunna, Kayaknu ɗo inam inam ippunigtte atteb, amge Kayaknu ɗo anam ii ippunigtte.

Hagai 1:13

Danab ah ag amu digmen heegeg, Yawenu nai awa ukkak danab Hagai, nug Yawenu nai imu danab ah mattom. “Yawe Nug inam atte. ‘Da ag ele daattem,’ awa atte,” awa aum.

Sekaraia 7:3

Ag Yawe amunu unuqidkkulagnu otiadna, laa am ag propet danab, Yawe Nukka Ɠagattag Oh Ele laugppanu mana mettak danab ele keeke laanu oɗ mattaglagnu ele maatteg uɗippig. Ag oɗ mattan inam akkulagnu appig. “Ig Betel amu, ig maɗ kuɗum uɗie uɗie, gemu ele ig deɗ kekeɗ ag Kayaknu Mettid lag heeg nauhom, ag amu kalam tanig eleppa heppig amu, deɗ amuppa ig mahiak hetata, ee ohnu kud meta daattem, amge ig amu tuɗitta hekkunig am enate, o iittate? Ag appeg doognignu oonig daatte,” appig.

Malakai 3:1

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.

Namba 27:21

Dimppa na mauhppe, nug attem attem hekkunu doyak aokkunu amu, nug mana mettak danab Eleasar noobppa hippaidkku, amu Elieser nug ehanittak amu aokkunu nug Urim, ⌊Tumim ele,⌋ keeke aɗit amuppa aokku. Josua, nuhig haknunab naippaib Israel danab ah oh ag keeke hekkulagnu ahan hekkulag; aria, nuhig haknunab naippaib ag keeke hekkulagnu uun ii hemana. Nug, Israel danab ah laa oh ele, ag oh anamib hekkulag.” Yawe Nug Moses amegppa anam aum.

Jon 13:20

Da genabnab genab ag amelagppa attem. Laa nug maɗi nid, da nug mei gotte ele, nug nug oo metta humidtte amu, nug da aakku oo meɗa humiɗtte. Laa nug da oo meɗa humiɗtte, nug laa, da meiɗe uɗimi ele amu, Nug oo metta humidtte,” awa aum.

Jon 20:21

Ag anam doyeg amu, Jesus baula amelagppa aum. “Ag maɗoɗ ele dayeg! Mame Nug da meiɗe uɗimi, amubia da ele ag maatti gotteb,” awa aum.

Aposel 16:17

Nug Pol ig ele dim lamikkakka amu, nug inam ewa aum. “Danab imu amu, ag am Kayak Attannab Laa Oh Eɗattaknu maɗi nid! Kayak Nug attem ha, ig eɗua awikkaknu ib babaittom ippunigtteb,” awa aum.

2 Korint 5:20

Ig Kristus oɗe aota, nuhig nai madittem. Kayak, Nug ig oɗenigppa ag nai madatte bia amu, ig Kristus onigppa danab oh amelagppa, ag kekeɗ kobol uuna, ag Kayak ib babaittom ele amu, ag ib amu dim lamidna, Kayak ele oolag laippu daaglagnu unuqadttem.

Galesia 4:14

Genab, oɗe dahilnu amu ag amunu uug maoppig, amge ag da ii guhuɗilppig. Iitta. Ag da ag ele laippu dayaknu oolagppa eleleib doon, ag Kayaknu engel laa aolob, amubia da awiɗppig. Ag Jesus Kristus Nugnab aolob, anam bia ag da awiɗppig.

Duteronomi 21:5

Mana mettak danab, ag Lewi buɗub daatteb amu, ag ele appa gokkulag. Aɗinu? Yawe, ahilag Kayak, Nug ag nuhig ɗo maɗoɗnu uɗat Nug onigppa hekkulagnu, ag Nug onigppa danab ah itadkkulagnu, ag am haen nai beeb, aun nug genab atte, o aun nug eheɗ heum, o nug qak daye aun eheɗ heum, ag amu hettoɗin akkulagnu otiattom.

Duteronomi 24:8

Ag gaɗalagppan oɗe nau ohnu amu, ag mana mettak danab, ag ele am Lewi buɗub amu, ag amu dilag nai oh dim lamitta haknu atteb amu dim lamitteg! Da haknunab anak nai mana mettak danab mattami amu, ag amu dim lamitteg!

1 Tesalonaika 4:8

Amunu amu danab nug nai amu dimedatte, nug danab di-ii-medatte. Iitta. Nug Kayak, Nug nuhig Ouɗi ag madatte ele amu, Nug dimedatte.

1 Samuel 2:17

Aa anam heyaya daadpiɗ, amge Yawe Nug kobol amunu ena ii doyom. Iitta. Nuhig neekkakppa amuam hipunin okkainab. Aɗinu? Doɗ ittag Yawenu amu, nid aɗit amu aa mana mettak amunu, aa keeke hamu bia doopiɗ.