Malakai 2:14 - Nobonob Baibel

¹⁴ Ag gaanna atteb. “Kayak Nug diig aɗinu ihinig mana mettaknu dab-ii-mette?” atteb. Amu Yawe Nug diig imunu ag ii dabmadatte. Ag danab bau daanna, ag anen anen ag ah diinna, ah amu ag waalkad daaglagnu ag ag ele nug tituanna nai qagappig, amge ag nai amu loppaɗna, ii dim lamidtteb. Ag ag waalkad uuadna, ah laa diippig. Ag waalkad ag nid bau daan diippig am ahilkadnab. Ag anen anen ag hanhan ag waalkad amu anamib daaglagnu ag Kayak noobppa nug tituanna, nai qakkanna, ag heppig bia ii hemananu appig, amge ag appig bia ii heppig.

Malakai 2:14 ပူးပေါင်းရင်းမြစ်များ

Genesis 2:18

Anam awowa, Yawe Kayak Nug aum. “Danab imu nug nukka daakkunu am ena iitta. Da nuhig ehanittak layag hekkul,” awa aum.

Genesis 31:50

Na da aɗelaɗppa kobol eheɗ laa hekkuttai, o na ah laala diiadkkuttai, da anidkkulnu elele iitta, amge Kayak Nug anidkku dabmenan oiye!” awa aum.

Prowerb 2:17

Am ah amu nug nid ahin dayaya, laa nug gamu daakkunu awom amu uuom. Ao, nug Kayak noobppa nug gamu wau daakkunu nug tituana nai qakkak heum amu, nug nai amu dimug ma, hamu bia doya, anam oitte.

Prowerb 30:20

Imuam ah ewau pakkua gappai hette, nuhig kobol iikku. Nug kobol nau ha, hamunab doya; nug, ‘Da eheɗ laa ii hemi,’ awa atte.

Prowerb 5:20

O bekkal, na ah ewau pakkua gappai hette amu, na nug eppegppa aib nome. Ao, na aib danab laa wau ele niipiɗ.

Eklisiastis 9:9

Wan imuppan dayakppa am dayak gaɗappa, unuqagppa ele anttak laippu iitta, amu Kayak Nug wan imuppa na haen gane bau daan oikkutnu tituanom amu, haen amu oh na ah nahip, na nuhignu oot mauhtte amu, na gamag ahak ele nug ele daayya oiyeɗ! Aɗinu? Kayak Nug na amu hekkutnu metta, aam waappa na uɗat heɗiag ele henan daakkutnu ele mettom.

Solomonnu Ahi 1:15

O ah dahil, da nahipnu ool huan mauhtte. Na am ah iɗun tuqak ele; ge, na am ah iɗun tuqaknab ele. Na amen ele am anttaknu enanagnab. Uppuɗil beɗulag nakok ag amelag am enanag, amu na amen ele anamnab daattep.

Aisaia 54:6

Amu danab nug wau ⌊eheɗ he,⌋ uuitte, wau nug nukka laih oo uug nau elenab dayeye, gamu nug onigppa e, eɗua do, ewau daattep, amubia Yawe Nug ag Juda, ag onilagppa ekku. Ao, ah makkunnab gamu awa, ⌊eheɗ heum⌋ amunu, gamu uuitte, ah ukke, nukka dayeye, gamu nug onigppa e, eɗua do, ewau daattep, amubia Yawe Nug ag onilagppa ekku. Amu ahilag Kayak Nug atte.

Aisaia 58:3

Ag amu henana, ag da amelppa atteb. ‘Aɗinu ig ee ohnu kud meta daattem, amge na ii anigttem? Ao, aɗinu ig ikka, ig oninig qeut nette, amge na amunu dabmak nakok laa ii aottem?’ Ag, ag anam atteb, amge ⌊gadon, ag kaliak nau hetteb. Deɗ ag ee ohnu kud mena daatteb amu, deɗ amuppa ag dimittimnuib, da anidkkulnu hetteb⌋. Ag ee oh lamananu genab kud daatteb, amge keeke laa ag oolag hette ele, ag amu hetteb. Ag amu henana, ag ahilkad maɗi nid maɗi ah ele eheɗ hattana, uɗat huanak madatteb.

Jeremaia 42:5

Jeremaia anam ag amelagppa a, ag appig. “Ig Yawe, nahip Kayak, Nug na amenppa ig aɗi aɗi hekkunignu akkutnu ana, meitteb ihinigppa uɗin appe doognig amu, ig anamib hekkunig. Ig ii hekkunig dayeb amu, Yawe, Nug nuhig diignu oo metta ii uuak kobol dim lamidtte amu, Nug aha, bu megakkunu oonig daatte.

Jeremaia 8:12

Ag naunab nau hetteb amunu, ag uɗalag nettete? Iitta! Ag uɗa nak nakoknab laa ii dootteb. Ag uɗa nak kobol hetteb, amge ag amelag kokoɗ iinab ebatte. Ag anam hetteb amunu, ib laa ii daatte. Ag laa qep elabppa mauhtteb bia, ag ele mauhkkulag. Ahilag bu awak haenppa, ag nena qekkulag.’ ” Yawe Nug anam awa atte.

Jeremaia 9:2

O gadon, da tiig laippu dahilad ag Kayak noobppa gappai henana, ag Nug ippunattom bia Nug dim lamidkkulagnu uun oitteb amunu, da ag uuatten, ag ele oh ii daamtanu da atu taɗakppa aben laa ɗo danab daaglagnu lag laa daatte, da aben amu antten, ukke aguppa daakkulnu ool daatte.

Esekiel 16:8

Na anam ena mena dayeye, dimppa da baula laih gokkulnu na daameppa uɗie, da neekki ukke, na anitten, na elele ena mena, na danab aokkutnu elele daame anidmi. Da anam anitte, da na dahil ah daakkutnu tituanitten, bam iitta daamnanu lamen mette, da nahip danab daakkulnu dahil nai ɠagattagnab qetten mattii, na da ele ewau daagnihnu i nug tituanɗa nai qakkaɗa, na dahil aakku daame.’ ” Naɗi Yawe, Nug anam awa atte.

Maika 1:2

Naɗi Yawe, Nug ⌊Israel⌋ ag eheɗ heppignu ab dooglagnu, Naɗi Nug nuhig mettid lag nuhignu tituanak daatte, Nug appanu ⌊Israel ag eheɗ heppig⌋ ab ag dooglagnu, ag danab ah wan ohppa daatteb, ag doyeg! Ao, ag danab ah ag laih laih ohppa daatteb amu, ag oh daulag humeg!

Malakai 2:15

Haen na ah aome amu, Yawe Nug he, na waat ele laippu iite daapiɗ? Gaɗalahppa, ouɗilahppa ele aa nuhig daattep. Kayak Nug diig aɗinu kobol amu daakkunu meum? Nug aa nid ag genab tutukku hak kobolib dim lamidkkulagnu menuadkkulahnu oo hette. Anam amunu na nakka dabmettan autna awe! Na bau daanna, na nai nahip loppaɗmananu, na waatnu dabmenan oiye!

Malakai 3:5

Amu Yawe Nukka Ɠagattag Oh Ele Nug atte. “Haen amuppa da ag hettoɗiakppa maadkkul. Da danab ag onig awak heppig, danab wau uuitta ah laa ele oipiɗ, laa hambuppunna, nai hambuppuaknu, da dahil nai ɠagattag qein, nai amuam genab attem, appig ele amu, da ahilag kobol nau amunu paha mattien, naippa yaaladkkulnu daakkul. Laa ag ahilkad uɗat nid daden elele ii madappig, laa ag ah qab, gamulkad mauhppig, amu nid anilkad mamelkad mauhppig ele eheɗ hadappig, amu laa ag wan laihnu danab ag uɗin, ag oolagppa daaegeg, ag ahilagnu nai doya mala hettoɗia epeɗia elele mettak kobol ii dim lamidppig amu, da ahilag kobol nau amunu paha mattien, naippa yaaladkkulnu daakkul. Danab ah nau amu hetteb ele amu, ag dahilnu ebehilag oh bodoetta le ii mette amunu, da anam hekkul.” Yawe Nukka Ɠagattag Oh Ele Nug anam atte.

Malakai 3:8

Amu Kayak Nug atte. “Laa nug da, Kayak, nug dahil keeke yab aokku am enate? Amuam ena iitta, amge ag dahil keeke yab heppig,” awa atte. Nug anam atte, amge ag oɗ mena atteb. “Ig kobol aɗippa nahip keeke yab aomut?” aon oɗmak hetteb. Ag anam aeg, Kayak Nug ag oɗelagppa awa atte. “Ag keeke obatak eblaih tanig ele ooppanu obatak laippu da Yawe, da ii meɗappig; aria, ag doɗ laa manan da meɗaglagnu daatteb amu, ag da amu meɗalob, amge ag anam ii heppig.

Ikki Danab 11:10

Nug Gileat danab anam oɗ matte amu, ag noob mena appig. “Yawe Nug ig iikku nai mattiutut doyeye, ig iikku attem. Na aɗi hekkunignu appe amu, ig genabnab genab hekkunig,” aon appig.

1 Samuel 12:5

Ag anam aeg, Samuel nug aum. “Yawe, king Nug goɗen gokkaɗakppa tituanom ele amu, aa gemu ahilag nai dahilnu, da ahilagppa eheɗ laa ii hemi, aa gemu nai amu aakku dooya malapiɗ,” awa aum. Nug anam a, danab ah ag appig. “Genab, Yawe Nug aakku doya malom. ⌊Ig nai ihinig baolignignu elele iitta,⌋” aon appig.