Malakai 1:4 - Nobonob Baibel

⁴ Esau buɗub, ag Edom wanppa daatteb, ag inam akkulagtai, “Kayak Nug ihinig wan he nauhom, amge ig nauhom am baula buugnig.” Ag anam akkulagtai, amge Yawe Nukka Ɠagattag Oh Ele Nug inam atte. “Ag ahilag wan heppeg ena daakkunu hekkulagtai, amge da eɗue loppaɗppi nekku! Da anam heppi, laa ag ahilag wan, ag amunu, nau hak danab ah dilag wan, anana, ag Esau buɗub dilagnu ele, danab ah Yawe Nug ahilagnu hanhan oppoɗi bak dootte, akkulag,” awa atte.

Malakai 1:4 ပူးပေါင်းရင်းမြစ်များ

Job 12:14

Kayak Nug keeke laa he nauhtte amu, laa nug eɗua babaitteb, ena daakkunu elele iitta. Auntai laa Kayak Nug maniguittakppa inatte amu, laa nug uhuqkkunu elele iitta.

Job 34:29

Kayak Nug manin haen daakkunu akku dayeb amu, laa nug manin amu heeb nauhkkunu elele iitta. Ao, Kayak Nug laa Nug anidmanu iɗu hautkku dayeb amu, laa nug neekkeb ukkeb anidkkunu elele iitta. Ge, Kayak Nug laa, nug Kayaknu, nuhig haknu ele uuak dootte, danab amu nug danab ah dilag gumak danab daamanu, danab amu nug danab ah dilag eheɗ hattamanu, Kayak nug wanppan wan anen anen, danab anen anen ele dilag okkai dayakib daatte.

Job 9:4

Kayak Nug keeke oh dootte, doyak dabmak ena nuhig am bodok iitta. Nuhig ɠagattag ele okkai, naɗi ele. Laa nug wagai ma, Kayak eɗidkkunu haaha eɗidkkute? Iittanab iitta!

Sam 127:1

Yawe Nug auntai laa lag hekkunu hette ele, Nug nug ii ehanidkku dayeb, laa amu nug amu hekkunu elele iitta. Amu Yawe Nug aab okkai ii atognokku amu, aɗi uɗitte anittak danab, ag atognobeppeg, ena daakkunu daatteb amu, ag amu hekkulagnu elele iitta.

Sam 137:7

O Yawe, Edom ag deɗ Babilon dilag ban danab ag Jerusalem eɗittegeg, ag aɗi henan daappig na dautppa dob, ⌊bu madakkutnu⌋ oɗ medattem. Deɗ amuppa amu, Edom danab ah ag, “Loppaɗppeg naɗ! Loppaɗna autnanab aoppeg naɗ!” eppig.

Sam 33:10

Yawe Nug danab ah ag aɗi hekkulagnu maittak aotteb ele, Nug ahilag maittak amu he nauhtte. Yo, Nug ahilag dabmak maidtteb amu he, gabotitte.

Prowerb 21:30

Doyak dabmak ena ele laa, o diignu doyak tutukku laa, o maittak awak laa; amu oh oolagppanu Yawe eɗidkkunu elele iitta.

Aisaia 10:4

Ag am keeke laa hekkulagnu ib iittanab iitta. Geha kekeɗ ag ag aqaglag, o iitta ag aɗualadppeg, ag ag eppelagppa daaglag. Anam, amge amuppa Yawe Nug nuhig oo nauhak am iinab bodoettama. Iitta. Nug ⌊bu tuɗitta madakkunu⌋ eppeg huma daakku.

Aisaia 11:14

Israel huu, amu Juda huu ele ag geha buɗub laa aam nodeppa daatteb, ag am Pilistia danab, ag ag eɗadkkulag. Amu ag buɗub laa aam bedeppa daatteb, ag ag ele eɗadna, ahilkad keeke aoglag. Israel huu, Juda huu ele, ag Edom huu, Moap huu ele eɗadna, ag Amon ele eɗadkkulag. Eɗadppeg amu, Amon ag Israel huu, Juda huu ele waalagppa daaglag.

Aisaia 34:10

Amun tuqan ele wan amuam ewawa daakku. Ao, aab kah appanu am hanhan taataib daakku. Wan amu hanhan hele-ettak daakku. Ge, danab laa haen laa baula wan amu tom laihnu ukka, tom laappa ii goma. Iitta!

Aisaia 34:5

Amu Yawe atte. “Dahil qep elab nug hab aabppa aɗi uɗat hekkunu nai awa mala, qep amuam Edom danab ah bu madakkunu nekku. Da danab ah wan amuppanu, ag dahilnuib, dahil pelemppa daaglagnu ain malami amunu, am anam bekku,” awa aum.

Jeremaia 31:17

Ge, Yawe Nug atte. “Nahipad nid ag eɗun uɗin daaglag amunu, na eɗun ena daakkutnu, na keeke ena bekkunu dabmak aɗan oikkutnu elele. Nahipad nid ag eɗun, ahilag wanppanab uɗin daaglag,” awa atte.

Jeremaia 49:20

Anam amunu, O Edom danab ah, ag Yawe, Nug ahilagnu aɗi maittak awom amu doyeg! Ao, Nug ag Teman daatteb, Nug ag aɗi uug madakkunu dabmeum, dabmak amu ɠagattag eppom daatte amu, ag amu doyeg! Nug heeb, doɗ nau sipsip nakkud diia gotte, amubia kekeɗ ag Edom, ahilkad nid diin gokkulag. Yawe Nug heeb, ag Edom, ag eheɗ heegeg uɗie, gemu ele hetteb, diig amunu kekeɗ ag ahilag wan heppeg nauhkku.

Jeremaia 49:7

Edomnu amu, Yawe Nukka Ɠagattag Oh Ele, Nug inam atte. “Teman appa amu, danab laa nug doyak dabmak ena ele iittate? Appa laa nug eheɗ bemanu dabmak awa dabmak amu dim lamittak kobol dim lamitta, okkai danab ulum nai ena iite medatte? Teman danab ah dilag doyak dabmak ena ele am iitta meumte?

Jeremaia 49:8

Ag Dedan buɗub, ag Esau buɗub oolagppa aab Dedan appa daatteb amu, ag ahan ukkeg! Ag ahan oolna, wan oɗe naɗippa dayeg! Aɗinu? Da Esau buɗub bu madakkul. Da bu madappi, ag padal mekkulag amunu, ag ele padal memananu, ag ooleg!

Jeremaia 5:17

Wan amuppan danab ag uɗin, datta ee ahilag, ma lakka mak ele lae nekkulag. Ao, ahilag makau, sipsip ele ag aqan lae nekkulag. Ag ahilag grep meu, wain, ad fig meu ele ag lae nekkulag. Ge, ag ahilkad nid, nid ahin ele aqaglag. Ag Israel, ag aab ɠagattag aɗ ele ooppa daan, ‘Ippa ig enaib daagnig,’ atteb, amge kekeɗ amu ag uɗin qep elabppa heppeg, aab amu oh nauhkkulag.

Gayak Nai 3:37

Naɗi Nug keeke laa bekkunu ii aum dayeb amu; laa nug ab bekkute?

Esekiel 11:10

Ag Israel amu, kekeɗ ag qep elabppa ag aqappeg mauhkkulag. Da heppi, kekeɗ ag, ag ahilag wan tomppa ag bu mattaglag. Ag amu heppeg, ag dooglag, da am Yawe.

Esekiel 25:13

Anam amunu, Naɗi Yawe Nug inam atte. “Da eppel bahien heppi, Edom danab, doɗ ahilkad ele mauhkkulag. Da heppi, ahilag wan am nauhakib daakku. Ahilag aab onig Teman, appanu ukka, Dedan batak Edom danab ag qep elabppa mauhkkulag.

Esekiel 25:14

Da amu hein, Edom danab ah nob matten, bu madakkulnu amu da heppi, dahilad danab, Israel, ag gona hekkulag. Israel ag dahil oppoɗi bak, dahil oo nauhak ele da attem hekkulnu ippuniɗttep amu, ag amubia Edom dilagppa hekkulag. Edom ag da eppelppa nob nau amu aoglag.” Naɗi Yawe nug anam atte.

Esekiel 26:14

Da heppi, aben aab Tair gemu daatte amu, aben amuam menib daakku. Aben amuppa kakai awak danab ag uhui qaɗaiedappeg bappaidkkulagnu otaladppeg daaglag. Laa ag uɗin, Tair aab ii bappaidmana, nauhak anamib daakku. Aɗinu? Da Naɗi Yawe, da aakku attem.” Naɗi Yawe Nug anam atte.

Esekiel 35:4

Da heppi, ahilkad aab loppaɗak daappeg, ahilag wan am hele-ettak daakku. Da amu heppi, ag dooglag, da am Yawe.

Esekiel 35:9

Da amu heppi, ahilag wan amu hanhan hele-ettak daakku. Danab o ah laa baula ahilkad aabppa ii daama. Da amu oh heppi, ag dooglag, da am Yawe.” Yawe Nug anam awa atte.

Amos 1:11

Yawe Nug inam atte. “Edom danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag lailkadnab, am Israel danab ah amu, ag ag aqaglagnu qep elab aɗan, lamadna, ag oo bodoetta le mak nakok laa dooglagnu ii doonna uuppig. Ag uueg, ahilag oo nauhak am aab ewawaib daatte bia dayeye; ag lailkadnab dilagnu oppoɗilag be amelag kokoɗ eppa dayom.

Amos 3:15

Amu da heppi, Israel ag laulkad oug haennu, gakkaɗak haennu ele, lag amu oh am nauhkkulag. Lag bala enanag, aivorippa hak amu, kekeɗ ag lag amu hadappeg nauhppeg; lag ena ena laa oh ele kekeɗ ag hadappeg nauhkkulag.” Yawe Nug anam awa atte.

Amos 5:11

Ag daɗek danab keeke ebappig ele, ag attem attem ebappignu takis mekkulagnu heeg mattaeg; ag ee aeg awak dimppa ele takis amunu laa ele aotteb. Ag danab eheɗ amu hetteb ele, ag anam hetteb amunu, ag laulkad ena ena, men otaɗa babaittak eleppa hadappig amu, ag lag amuppa ii daamna. Ao, grep dad ag eppaladppig amu, ag amuppanu wain ii lamana.

Amos 6:11

Amuam genab bekku. Aɗinu? Yawe Nug amu haknu ɗo meum, Nug ɗo meum amunu, kekeɗ ag lag okkai loppaɗadppeg, nauhna autna aon, maha naunauib daaglag. Ao, ag lag naunau ele heppeg, nauhna autna aon, huppu huppu naunaunabib daaglag.

Amos 6:2

Ag gona, Kalne antteg! Aria, gona Hamat, onig, ɠagattag ele, amu anidna, gona Gat, Pilistia wanppa appa ele antteg! Ag Juda, Israel ele ag ɗo maɗoɗ ewam amu daappig bia laippu bia daatteb, ag ag ii eɗadtteb ⌊amunu, ɗo maɗoɗ ewam kekeɗ eppelkadppa uug naunab aoppig bia, ag Juda, Israel ele, ag ele uug naunab anidkkulag⌋.

Obadaia 1:1

Imuam tulegleg Yawe Obadaia ippunitte anttom. Imuam Naɗi Yawenu nai, laa Edomnu dooglagnu meum. “Ig Yawe Nug nai awa ukkak danab laa nug wanppan wan laalappa danab amelagppa nai ab dooglagnu me ukkom doomut. Ao, danab Yawe me ukkom ele, nug nai imu ab dooglagnu me ukkom. ‘Ahappeg ig Edom banelag gotu!’ ”

Obadaia 1:10

Amu Yawe Nug inam atte. “Aɗinu ag Edom danab, ag anam aoglag? Diig am iikku. Ag ag lailkad Israel danab ah guittak nau mauhnoak madappig. Ag amu heppig amunu, uɗa nak ag tonatta daakku. Ao, geha ahilkad kekeɗ ag ag oɗoɗadppeppeg, ag nauhna autna aoppeg, hanhan anamib daakku.

Malakai 1:3

Da nuhignu ool mauhom, amge da Esau geɗidmi. Da Esau geɗitten hei, kekeɗ ag nuhig wan heeg, wan amuam wan meu waknu nakokib elele beum daatte. Ao, da hei, ahilag wan, am ag aulag aakku, wan amuam doɗ jakal, am amu dilag beum daatte,” awa atte.

Matyu 12:30

Am danab laa nug da ele layam iitta amu, nug dahil kekeɗ. Danab laa nug da keeke qagmettem ele, nug ii ehaniɗa qagmette amu, nug aakku keeke ehale gotte.