Malakai 1:12 - Nobonob Baibel

¹² Amu Yawe Nukka Ɠagattag Oh Ele Nug atte. “Anam amge ag da Yawe, ag dahil qaɗabnu, ‘Am dubuttid tak ele,’ anana, ag ee amuppa manan, da meɗaglagnu, ag ee amunu, ‘Am keeke hamunab, ig pehettak dabmekkunignu keeke iitta,’ anana, ag kobol amuppa ag da Yawe, ag dahil qaɗab am keeke hamu bia doon, laa amu ippunadtteb.

Malakai 1:12 ပူးပေါင်းရင်းမြစ်များ

2 Samuel 12:14

amge na Yawe, nuhignu ena iinab doon hee, kekeɗ nuhig ag nuhignu, ‘Keeke hamunab,’ dootteb amunu, nid danab nahip kobol imuppanu amu, nug mauhkku. Nug bau ii daama,” awa aum.

Esekiel 44:16

Amu Naɗi Yawe Nug inam atte. “Ag akka dahil mettid lag ooppa nokkulag. Ag akka dahil qaɗab gumidna wana, da noolppa daanna, dahil ɗo maɗoɗnu uɗat hekkulag. Ag da aɗi aɗi hekkulagnu ami amu, ag amu hekkulag.

Hosea 13:9

O Israel, ag nauhkkulag. Aɗinu? Ehanittak ahilag am daib, ⌊amge ag uuiɗppig⌋.

Lewitikas 18:21

Ag nid naunau ahilkad Molek toppa diin wana, manan nug mettaglag dayeb amu, ag aakku da, ahilag Kayak, ag da onil laa dilag neekkakppa heppeg nauhak daakku. Ag anam aibnab heppig! Da am Yawe.

Amos 2:7

Israel ag daɗek danab ah dilagnu keeke hamunab, gappud bia doon, uug nau madatteb. Ge, ag laa ag danab okkai eppelagppa eheɗ hattak aotteb ele, ag amu dilag hettoɗiak abenppa nai doya mala hettoɗia epeɗia elele mettak kobol ii dim lamidtteb. Israel laa, nug bekka ele aa oh nid ahin laippu ele oitteb; kobol amuppa ag da onil, oppiaawak daatte, ag heeg, da onil laa dilag neekkakppa hamu bia daatte.

Malakai 1:13

Ag amu henana, ag kobol da Yawe, da ag hekkulagnu mattami, ag kobol amunu, ‘Ig kobol amu oh hekkunignu am uug okkainab,’ aon atteb. Ag kobol amunu, am keeke hamunab doon, kobol amunu ena iitta dootteb.” Yawe Nukka Ɠagattag Oh Ele Nug anam awa atte. Amu Yawe Nug inam atte. “Ag doɗ yab heppig elete, o ebehi kaliak elete, o oɗe meum elete, ag amu aon main meɗatteb amu, da amu aokkul am ena dabmettebte? Iitta!

Malakai 2:8

Anam, amge ag gemu mana mettak danab daatteb, ag anambia ii hetteb! Ag dahil ib uun malappig. Ag danab ah ippu ii ippuanatteg, ag oolagppa kuɗum ag hipunin hetteb. Ag nug tituana nai qakkak nai, da hei, da Lewi ele hemuɗ amu, ag nai qakkak amu uun, ii dim lamidtteb.” Yawe Nukka Ɠagattag Oh Ele, Nug anam awa atte.

Rom 2:24

Kayak naippa yaak daatte amubia ag hetteb. Nai am inam. “Ag Juda, ag beɗulagppa iitta aɗi danab ag Kayak, ag nuhignu dabittak nai maditteb.”