Mak 9:50 - Nobonob Baibel

⁵⁰ Yu kalu am keeke ena, amge nug yu ubuhi iitta dayeb amu attem hepput, nug eɗua ubuhi ele daakku? Dahil nai am yu kalu ena, nuhig ubuhi ii iitta meum ele, amubia amunu, ag dahil nai tutukku doonna, ag hanhan nug maɗoɗ daanna oiyeg!” awa aum.

Mak 9:50 ပူးပေါင်းရင်းမြစ်များ

Job 6:6

Danab laa nug ee laa miti iitta ele hamu yu iitta lanana, ena doottete? O iitta, danab nug matuk oppa laih hakkabib daatte lanana, miti laa doya, ena doottete?

Sam 133:1

Danab ah ag maɗoɗ ele laippu, nug oo awak ena ele daatteb, kobol amuam enanag!

Sam 34:14

Na eheɗ hak dimettan, kobol enaib he! Ao, na laa ele maɗoɗ ele daaglagnu wagai me!

Esekiel 43:24

Na manatna, da Yawe, da meɗakkut. Mana mettak danab ag yu kalu doɗ beɗulahppa tauɗppeg ukkeb, manaknu ofa daakkunu main, da meɗaglag.

Matyu 5:13

Ag amu wanppan yu kalu bia daatteb, amge yu kalu nug yu ubuhi iitta dayeb amu, attem hepput, nug eɗua ubuhi ele daakku? Yu kalu anam amu, nug uɗat iitta. Danab ag gokkaɗeg ukke, tappan gotteb.

Mak 9:34

Nug anam oɗ matte amu ag ibppa, aun ag oolagppanu am okkai daattenu aeg ona aeg doum amunu, ag Jesusnu oɗmak amu nob ii meppig.

Mak 9:49

Yu aab ele am nakok uɗat laippu bia hettep, amu Jesus Nug nai baula tuɗitta aum. “Aab am keeke laala ewa he, oppiaawak daatte. Yu kalu amu, nug ele anam. Aria, ag da dim lamiɗtteb ele amu, deɗ laala ag uug anidkkulag. Uug amuam aab ewak bia. Nug heeb, ag elele oiglag.

Rom 12:18

Maɗoɗ dayaknu amu, ag aɗi aɗi heppe, maɗoɗ ba daakkunu daatte amu, ag amu henana, laa dilag ele maɗoɗ daaglagnu ib daatte ele, ag ib amu dim lamitteg!

2 Korint 13:11

O lailad, da gemu nai bagqein, da ag humadttem. Ag tutukku elelenab bena daaglagnu dabmak aon oiyeg! Ag da nai attem imu doona, ag dabmak laippu aɗan, oolag laippu mena, maɗoɗ dayeg! Ag anam heppeg amu Kayak, Nug oo mauhak diig, oo maɗoɗ diig ele daatte, Nug ag ele oh daaglag.

Galesia 5:22

Beɗunu kobol am aakku, amge Kayak Ouɗi Nug he, oiyak ihinigppa meu laala imu bette. Oo mauhak kobol, maɗoɗppan gamag ahak kobol, maɗoɗ dayak kobol, dagom kobol, oo bodoettak kobol, ena hak kobol, oo metta ii uuak kobol,

Epesus 4:29

Nai uɗig wak laa ag oɗelagppa aib beum. Iitta. Nai ena danab ɠagattag madatte, danab ehanadtte, nai amuib ag oɗelagppa baɗ! Amuppa danab ag ahilag nai dootteb ele amu, ehanittak mattaglagnu elele.

Pilipai 1:27

Anam, amge aɗi kobol bekku amu, ahilagnu keeke anuqak daatte am, ag oiyak ahilagppa, ag Kristusnu Nai Ena ag amu attem oiglagnu ippunadtte amu, ag anam dim lamidnana tutukku eleleppa oiyeg! Ag anam heppeg amu, da ag anadkkulnu gokkultai, iitta da naippulagib dookkultai am keeke okkai iitta, amge da ag oolag laippu ele daanna, ag dabmak laippu tamanin, ag nug ehanidnana, Jesusnu ooppa genab doyak ahilag aɗan daatteb dookkul.

Kolosi 3:12

Amu ag am Kayaknu danab, Nug ahilagnu oo mauhe, ag tituanattom daatteb amunu, ag kobol imu dim lamitteg! Ag laa dilagnu oo bodoetta le meeb, ahilagnu oo bodoettak kobol dim lamidna, ag akka ag onilag qeppeg neeb, ag lailkad dilagppa oo bodoetta wagai ii mak kobol dim lamidna, ahilagnu ele oo maɗoɗ kobol heig!

Kolosi 4:6

Ag nai mattinna, ag hanhan oo bodoettak kobol dim lamidna, ag danab oh dilag oɗmak oolagppa daatte nob mekkulagnu elele daaglagnu, ag dabmak tutukku tatam aowona, nai mattieg!

1 Tesalonaika 5:13

Ahilag uɗat, diig amunu amu ag ahilagnu oolagppa ena doonna, ahilagnu oo mauhak ele doon autna aweg! Ag akka akka lailkad ele maɗoɗppaib daanna oiyeg!

2 Timoti 2:22

Amu nid bau dilag dabmak eheɗ nahip dabmakppa beeb amu, na tabappe naɗ! Na kobol genab tutukku, ooppa genab doyak kobol, oo mauhak kobol, amu maɗoɗ kobol ele, laala ag oolag tutukku ele, ag kobol nau uun, kobol ena amu oh aɗan, Naɗi onigppa etteb ele amu, na ag hetteb amubia he!

Hibru 12:14

Amu ag danab laala ele ag oh maɗoɗ ele daanna oiglagnu uɗat ɠagattag hena, ag oppiaawak kobolppa daaglagnu ele wagai meig! Aɗinu? Danab laa nug oppiaawak iitta ele, nug Naɗi anidkkunu elele iitta.

Jems 1:20

Aɗinu? Danabnu oo nauhak am genab tutukku hak kobol, Kayak Nug ig amu dim lamidkkunignu oo hette amu, am kobol amu he ii bette.

1 Pita 3:8

Aria, nai imunu gogppa tekkulnu amu, ag oh oolag laippu ele, dabmak laippu ele dayeg! Amu ag oo doyak doonna, eamag aa nug oo mauhak doottep ele amu, amubia ag laa Kayaknu oolagppa genab dootteb ele, ag oh nug oo mauhak doyeg! Ag oo bodoetta le mak kobol henana, ag akka anen anen ag onilag qeppeg neeb oiyeg!