Mak 9:32 - Nobonob Baibel

³² Nug anam aum, amge ag nai amunu oolag tutukku ii maittom, amge ag Jesus Nug nai amu mehuqkkunu oɗ mettaglagnu baɗappig.

Mak 9:32 ပူးပေါင်းရင်းမြစ်များ

Mak 16:14

Dimppa amu Jesus Nug ippunittak awak danab 11 ag ee lanana daaegeg, Nug tula gumatta wana, Nug ag ooppa genab doyak iitta daanna, ag laa ag Nug eɗua hibaittom dimppa anidna, ag amelagppa appig, amge ag oolagppa genab dooglagnu uun, ahilag dabmak amu ɠagattag eppom, Nug amunu daulag batom.

Mak 7:18

Oɗ mettaeg amu Jesus Nug aum. “Ag am danab laala ag dabmak iitta biate amunu, ag nai amunu diig ii dootteb? Ag doyeg! Dimittimnu keeke nug danab ooppa noa heeb, danab amu nug oo dubuttid ele ii daama.

Mak 8:33

Jesus Nug eɗua, ippunittak awak danab laa oh neekkattatta, Nug Pita daug bata, amegppa aum. “Satan, na dimulppa ukke! Na Kayaknu dabmak ii dim lamidttem; na danab dilag dabmak dim lamidttem,” awa aum.

Mak 9:10

Jesus Nug anam a amu ippunittak awak danab ag nai amu aon laa amegppa ii appig, amge ag akka akka appig. “Mauhakppanu eɗua hibaittak nai am aɗi meu ippunigtte?” aon appig.

Luk 18:34

Jesus Nug nai amu mattiom, amge ippunittak awak danab ag oolag ii maittom. Nai amu, diig nuhig amu ag oolagppa lokkumak dayom amunu, ag Nug nai aum amu, ag meu nuhig pehettak ii dooppig.

Luk 2:50

Nug anam aum amge nai Nug amelahppa aum amu aa diig ii doopiɗ.

Luk 24:45

Nug anam ana, Nug Kayak nai amu ag ag oolagppa tutukkunab genab maitteb dooglagnu ippuanattatta,

Luk 9:45

Nug anam aum, amge ag nai amunu oolag tutukku ii maittom, nai amunu diig am ag oolagppa lokkumak dayom amunu, ag tutukku ii dooppig. Ag ii dooppig amge ag Jesus Nug nai amu mehuqkkunu oɗ mettaglagnu baɗappig.

Jon 12:16

Yaak anam niitte, amge Jesusnu ippunittak awak danab ag tatam nai amunu diig am, ag oolag ii maittom. Dimppa Jesus Nug Mame toppa ukke, haen amuppa amu Kayak naippa yaak amu dayom daulagppa do dabmena, keeke oh yaakppa dayom ele am anamib beum, amu ele daulagppa do dabmeppig.

Jon 16:19

amu Jesus Nug doyom, ag Nug ele oɗ mettaglagnu heppig amunu, Nug ag amelagppa aum. “Da nai ami amunute ag akka akka nug oɗ medatteb? Da inam ami. ‘Nakok laa ele ag da ii aniɗmana amu nakok laa ele dimppa amu ag da eɗun aniɗkkulag!’ awe ami.

Jon 4:27

Jesus anam aawo, haen amuppa nuhikkud ippunittak awak danab ag eɗun uɗin, Jesus Nug ah ele nai mattieheh anatna, ag dabmak kuɗum aoppig, amge laippu laa nug ah amegppa, “Na aɗin oot hette?” awa oot ii mettom. O iitta, laa nug Jesus amegppa, “Na aɗinu nug ele nai madittep?” oɗ ii mettom.