Mak 9:19 - Nobonob Baibel

¹⁹ Danab nug anam a amu, Jesus Nug oɗeppa awa aum. “Ag oh oolagppa genab doyak iitta. Da ag ele haen elab daamut, amge ag dahilnu oolagppa genab ii dootteb amunu, da ool uug ele. Ag haen ganeb ag dahilnu oolagppa genab dooglag? Ag nid omalna dahilppa doig!” awa aum.

Mak 9:19 ပူးပေါင်းရင်းမြစ်များ

Sam 78:22

Yawe Nug aɗinu ahilagnu oppoɗi beum? Ag Kayak, ag nuhignu oolagppa genab ii dooppig. Ao, Nug ag atognoadkkunu genab elele ii dooppig.

Namba 14:11

Ag antteg amu, Yawe Nug Moses amegppa aum. “Danab ah imu ag dahilnu, ‘Keeke hamunab,’ dootteb; amu haen gane laa ele ukkeb, ag dabmak amu uuglag? Da ag oolagppa dahilnu dabmettaknu kobol danab haknu elele iitta iɗu iɗu hattami, amge ag dahilnu oolagppa genab ii dootteb. Amu haen gane laa ele ukkeb, ag dabmak amu uun, ag dahilnu oolagppa genab dooglag?

Namba 14:22

danab ag binag amahlak oppiaawak ele dahil anidna, dahilnu dabmettaknu kobol danab haknu elele iitta, da Isip appa, atu taɗakppa ele hemi, amu ele ag anidna, ag wan imu da ag mamelkad aɗi amelagppa dahil nai ɠagattag qetten madakkulnu ami amu, ag wan amu iinab anidmana. Ag hak dahil, keeke anidppig, amge ag da oɗel ii doona, ag haen kuɗum ma anttak meɗan, ag dahilnu, ‘Keeke hamunab’ dooiɗppig amunu, ag wan amu iinab anidmana.

Namba 14:27

“Danab ah nau imu ag da hettemnu haen kuɗum naittuɗ meegeg uɗie, gemu ele hetteb; amu haen gane laa ele ukkeb, ag amu hak uuglag. Israel danab ah imu, ag am naittuɗ mak danab ah, da ahilag naittuɗ mak amu doomi.

Matyu 17:17

Nug anam a amu, Jesus Nug oɗeppa awa aum. “Ag oh oolagppa genab doyak iitta. Ag eheɗ haknu ag tiilagppa daatte! Da ag ele haen elab daamut, amge ag dahilnu oolagppa genab ii dootteb amunu, da ool uug ele. Ag haen ganeb ag dahilnu oolagppa genab dooglag? Ag nid omalna dahilppa doig!” awa aum.

Mak 16:14

Dimppa amu Jesus Nug ippunittak awak danab 11 ag ee lanana daaegeg, Nug tula gumatta wana, Nug ag ooppa genab doyak iitta daanna, ag laa ag Nug eɗua hibaittom dimppa anidna, ag amelagppa appig, amge ag oolagppa genab dooglagnu uun, ahilag dabmak amu ɠagattag eppom, Nug amunu daulag batom.

Mak 9:18

Haen ouɗi nau amu nug nid dahil aɗa, nug buɗie, wanppa na qa, hipaɗu neene, nug aeg emala, beɗu ele taiedatte. Amunu da nahipad ippunittak awak danab ouɗi nau amu lamidkkulagnu oɗ mattami, amge ag elele iitta,” awa aum.

Mak 9:20

Nug anam a amu ag nid omalna, Jesus toppa waeg, ouɗi nau nug Jesus antta, nug paha he, nid nug beɗu hahaɗeɗe, na qa wanppa niiaya, itoɗieye, hipaɗu neum.

Luk 24:25

Aa anam aeh, Jesus Nug amelahppa aum. “Aa am danab dabmak tutukku iitta ele. Kayaknu propet ag nai amu mehuqppig, amge aa paha oolahppa genab dooglahnu ii hettep,” awa aum.

Luk 9:41

Anam a amu Jesus oɗeppa awa aum. “Ag oolagppa genab doyak iitta. Ag eheɗ haknu ag tiilagppa daatte. Da ag ele haen elab daamut, amge ag dahilnu oolagppa genab ii dootteb amunu, da ool uug ele. Ag haen ganeb ag dahilnu oolagppa genab dooglag? Na nid nahip omalna do!” awa aum.

Jon 12:27

Jesus Nug nai amu awona, Nug nai tuɗitta aum. “Da oolppa dabmak kuɗumnab aottem. Da, ‘Mame, na haen imunu mua nau imu heppe da ii anidpa,’ akkulte? Iitta! Da uɗat imu hekkulnu uɗimi,” awa aum.

Jon 20:27

Nug anam awowa, Nug Tomas amegppa aum. “Na eppen doɗoppa da eppel nakok aɗan, amenppa ele da eppel antte! Na eppen bahin, da qettil ele nakok aɗe! Na ooppa genab ii doyak danab bia aib heme. Iitta! Na ootppa genab doye!” awa aum.

Duteronomi 32:20

Nug ag guhuɗatta, Nug aum. “Israel ag eheɗ hekkulagnu ag tiilagppa daatte. Ag oo metta ii uuak kobol hekkulagnu uutteb. Anam amunu, da ag ii ehanadpa. Da anam heppi, ag ahilag gog tak attem daakku amu, da anidkkul.