Mak 9:18 - Nobonob Baibel

¹⁸ Haen ouɗi nau amu nug nid dahil aɗa, nug buɗie, wanppa na qa, hipaɗu neene, nug aeg emala, beɗu ele taiedatte. Amunu da nahipad ippunittak awak danab ouɗi nau amu lamidkkulagnu oɗ mattami, amge ag elele iitta,” awa aum.

Mak 9:18 ပူးပေါင်းရင်းမြစ်များ

Job 16:9

Kayak dahilnu oo nauhak doyaya, banel uɗia, Nug doɗ layag beɗu aegppa he nauhtte, amubia Nug da beɗul he nauhtte. Ao, Nug dahilnu aeg emala daatte. Ge, Nug da eheɗ heiɗkkunu ɠagattag neekkiɗtte.

Sam 112:10

Nau hak danab ag nuhig ena hak amu anidna, ag oolag nauhkku. Ao, ag aelkad emalna daanna, iitta mekkulag. Dabmak ahilag oh geha iitta ma madakku.

Matyu 15:22

Nug ukka te, Kanan buɗubppanu ah laa nug appa dayom, nug Jesus onigppa ewa, inam aum. “Naɗi, na Dawit bekka, na dahilnu oot gai-iitta doon oot meɗan da ehaniɗkkutnu oɗ medattem! Ouɗi nau nug nid ahin dahil he nauhom,” awa aum.

Matyu 17:16

Amunu da nug awe, ippunittak awak danab nahipad gumatte gomi, amge ag heppeg ena daakkunu elele iitta,” awa aum.

Matyu 8:12

amge Israel danab ah ⌊kuɗum⌋, ag geɗattak daan, gatatuppa gokkulag. Appa danab ag gaanna, aelkad emalna daaglag,” awa aum.

Mak 11:23

Da genab ag amelagppa attem! Danab laa nug Kayaknu ooppa genab doyak ele, nuhig dabmak aɗit iitta amu, nug qauko imu amegppa, ‘Na ahan yuppa ukke!’ ab amu, nug anam hekku.

Mak 9:17

Nug anam a amu danab ah kuɗum oolagppan danab laa nug Jesusnu oɗmak nob ma aum. “Ippunittak danab, nid dahil nug ouɗi nau ele, nai mattiaknu elele iitta amunu da awe, na gumitte uɗimi.

Mak 9:19

Danab nug anam a amu, Jesus Nug oɗeppa awa aum. “Ag oh oolagppa genab doyak iitta. Da ag ele haen elab daamut, amge ag dahilnu oolagppa genab ii dootteb amunu, da ool uug ele. Ag haen ganeb ag dahilnu oolagppa genab dooglag? Ag nid omalna dahilppa doig!” awa aum.

Mak 9:20

Nug anam a amu ag nid omalna, Jesus toppa waeg, ouɗi nau nug Jesus antta, nug paha he, nid nug beɗu hahaɗeɗe, na qa wanppa niiaya, itoɗieye, hipaɗu neum.

Mak 9:26

Jesus Nug anam a amu ouɗi nau nug ewowa, nug nid huan uɗala, uuitta ukkom. Ugekke amu nid nug mauhak bia niieye, danab laala kuɗum ag, “Nug mauhom,” appig.

Aposel 7:54

Am Stiven nug nai amu aum amu, ag oolag ye, guatte oolag nauhe, oppoɗilag huan be, amelag kokoɗ eppe, Stivennu aelkad emalna daappig.

Jut 1:13

Ag am yu duban qa uɗia koɗkoɗ qa ukka, hipaɗ aha hakkab daatte bia daatteb. Yuppan hipaɗ ahak miag atiak daatte, amubia ahilag uɗa nak kobol miag atiak daatte. Ag hoɗoppai habppa daanna, mauhnoak oitteb bia amunu, Kayak Nug aben gatatu teppu naunab babaittom daatte, geha ag amuppa hanhan daaglag.