Mak 9:17 - Nobonob Baibel

¹⁷ Nug anam a amu danab ah kuɗum oolagppan danab laa nug Jesusnu oɗmak nob ma aum. “Ippunittak danab, nid dahil nug ouɗi nau ele, nai mattiaknu elele iitta amunu da awe, na gumitte uɗimi.

Mak 9:17 ပူးပေါင်းရင်းမြစ်များ

Matyu 12:22

Haen amuppa danab ag danab laa omalna, Jesus, nuhigppa uɗippig. Danab amu nug am ouɗi nau ele, nug oɗetup, ameg gaɗuak ele. Ag aon doeg, Jesus Nug he ena daya, qamutak amu nai mattiaya, ameg obate, neekkom.

Matyu 17:15

“Naɗi na nid danab dahilnu oot gai-iitta doon oot mettan ehanitte! Nuhig oɗe am beɗu mauhak, amu oɗe amuppa deɗ laala nug beɗu huan hahaɗeɗe, na qette. Haen kuɗum nug mauha, aab aɗuppa na qette amu leppa ele na qette.

Matyu 9:32

Ameg gaɗuak aɗit Jesus ehanatom ele aa dimittim ukkaeheh, danab ouɗi nau ele, oɗetup dayom amu, ag nug omalna doeg, nug Jesus guguitta doum.

Mak 10:13

Aria, danab ah ag nid naunau omaladna, Jesus Nug eppeg qaɗelagppa ma, itittak ena madakkunu gumidna goppig, amge ippunittak awak danab ag amu anidna, ag laa nid diin goppig ele nakok aladppig.

Mak 5:23

nug oo unuqagppanu Jesus unuqa aum. “Nid ahin dahil nug mauhkkun hette amunu na gona, eppenppa aɗappe, ena dayaya, bau daakkunu oɗ medattem,” awa aum.

Mak 7:26

Ah amu nug am Grik ah. Nug Ponisia wan, Siria gumappig ele, amuppanu ah. Nug Jesus gumitta ukka, Jesus Nug heeb, ouɗi nau nug aɗeg beɗuppa dayom amu lamidkkunu unuqom.

Mak 9:16

Anam aeg amu Jesus Nug ag oɗ mattom. “Ag keeke aɗinu ɗo mehuqak danab ele nai aeg ona aeg dotte?” awa aum.

Mak 9:18

Haen ouɗi nau amu nug nid dahil aɗa, nug buɗie, wanppa na qa, hipaɗu neene, nug aeg emala, beɗu ele taiedatte. Amunu da nahipad ippunittak awak danab ouɗi nau amu lamidkkulagnu oɗ mattami, amge ag elele iitta,” awa aum.

Mak 9:25

Nug anam a amu Jesus Nug danab ah kuɗum ag qaiettan uɗin qagmeeg antta, Nug ouɗi nau amegppa haknunab ana, “Oɗe ituak, daug ituaknu ouɗi nau, na nid imu paɗaidna gona, bau eɗun nug beɗuppa aib uɗime!” awa aum.

Luk 11:14

Aria, haen laa Jesus Nug oɗetup danab laa, ouɗi nau laa nug he, danab amu nug oɗetup dayom amu, Jesus Nug danab amu antta, Nug ouɗi nau lamitte ukke, aria danab oɗe oppate nai mattie, danab ah kuɗum appa daappig ag amu anidna, dabmak kuɗum aoppig.

Luk 9:38

Amu danab ah kuɗumnab amu oolagppa danab laa nug ewa aum. “Ippunittak danab, da na unuqttem. Dahil nid imu antte, da nid dahil laippu iikkuib,

Jon 4:47

Haen amu danab amu nug Jesus Judanu aha, Galili teum doya, nug ab, Jesus Kaperneam ukka heeb, bekka ena daakkunu unuqkkunu ukkom. Aɗinu? Nug bekka oɗe ele amu nug mauhkkunu miag dayom. Danab amu ukka, Jesus gumitta ta, nug bekkanu Jesus unuqitte,