Mak 8:32 - Nobonob Baibel

³² Nug miag atiak a amu, Pita nug omala, piɗe wana, digma daug batete,

Mak 8:32 ပူးပေါင်းရင်းမြစ်များ

Matyu 16:22

Jesus Nug amunu a amu, Pita nug Jesus omala, piɗe wana, digma daug bata, amegppa aum. “Naɗi, na nahip-ppa keeke amu iinab bema, iittanab!” awa aum.

Mak 4:38

Le anam heehe amu, Jesus Nug uub bitobppa uɗunppa niieye, nuhikkud ippunittak awak danab ag Nug maɗettan appig. “Ippunikkak ihinig, ig mauhkkunignu hettem amu, na amunu iite dabmettem?” aon appig.

Luk 10:40

Amge Marta nug ee hak uɗatib ha, hik qe, dabmak nuhig ib piɗe piɗe dayom amunu, Marta nug Jesus gumitta wana aum. “Naɗi, da makkel nug da ii ehaniɗtte, da dakkaib ee hak uɗat hettem. Na amunu iite dabmettem? Na nug amegppa appe doa, da ehaniɗaɗ!” awa aum.

Jon 10:24

Nug anam noa oiyeye, Juda ag dona hippaidna, Jesus oo mettan daanna appig. “Na haen ganebnab heppe, ig dabmak aɗit ele daattem amu iitta mekku? Na genab Kristus daattem dayeb amu, na pehettana tutukku miag atiak appe dootu!” aon appig.

Jon 11:14

Ag anam dabmeegeg amu Jesus Nug miag atia amelagppa aum. “Lasarus mauhom,

Jon 16:25

Da keeke danab ag dootteb ii dootteb ele ouaqate ippuanattette, keeke imu ohnu ag amelagppa mattimi, amge geha haen uɗieb, da baula ag amelagppa anam bia ii madipa. Iitta! Da nai miag matule, Mamenu madikkul.

Jon 16:29

Nug anam a amu nuhikkud ippunittak awak danab ag Nug amegppa appig. “Gemu na nai miagib matulna madittem, na keeke danab ag dootteb ii dootteb ele ouaqatna ippunittak nai ii attem.

Jon 18:20

Oɗ mette amu Jesus Nug oɗeppa awa inam aum. “Da Juda danab ah qagmettebppa, ag amelagppa miag atiakppa nai mattimi. Da nai doyak lag kuɗumppa, amu mettid lag ooppa ele ippunittak maadttami. Da lokkumakppa laa ii mehuqttami.