Mak 8:31 - Nobonob Baibel

³¹ Aria, haen amuppa Jesus, Nug am Danab Bekkalag, Nug digma, Nug ib laa iitta, Nug guittak kuɗum dookku, Juda dilag ikki danab, mana mettak danab okkai amu ɗo mehuqak danab ele ag geɗidna, ag ⌊heppeg, laa ag⌋ qeppeg mauhkku, deɗ ewam uueb Kayak heeb, Nug eɗua hippaidkku, Nug nuhikkud ippunittak awak danab amelagppa aum.

Mak 8:31 ပူးပေါင်းရင်းမြစ်များ

Sam 118:22

Men laa, lag hak danab ag men amu uuppig, amge lag mameg nug men amu awa me, lagnu men anuqak daatte.

Aisaia 53:3

Danab ah ag nuhignu ena iinab doon, ag nug guhuɗidppig. Nug bau dayaya, nug oo doyak huanaknab doyaya, guittak huanak ele doyom. Danab ah ag laa, ag nug nakok laa anidkkulagnu oolag iinab hette amu, ag Yawenu maɗi nidnu ena iinab dooppig. Ig nug binag nakok laa ii mettamut.

Hosea 6:2

Deɗ aɗit uueb, Yawe Nug heeb, ig bau ena daagnig. Yo, deɗ ewamppa ig Nug noobppa daagnignu Nug heeb, ig bau, ena daagnig.

Jona 1:17

Ag anam heppig, amge Yawe Nug kakai naɗi he uɗia, Jona awa, kunum toppua ukke, Jona nug kakai ooppa noa, deɗ ewam, tuqan ewam ele anam dayom.

Matyu 12:40

Anukka propet Jona nug deɗ ewam, tuqan ewam ele kakai naɗi ooppa niiom, gemu haen imunu danab ah, amu dilag epponak keeke daakkulnu, anamib Danab Bekkalag da, da deɗ ewam, tuqan ewam ele da wan ooppa niikkul.

Matyu 21:42

Aeg amu, Jesus Nug amelagppa aum. “Ag Kayak naippa nai laa daatte amu, ag iite ebqeppig? Nai amuam inam. ‘Men laa, lag hak danab ag men amu uuppig, amge lag mameg nug men amu awa me, lagnu men anuqak daatte. Naɗi Nug men amu he, men amu anuqaknab dayeye, ig amenigppa anidta, ig enanag doot, dabmak kuɗum aottem.’

Matyu 27:63

Qagmena ag appig. “Naɗi, ig hambuppuak danab amu, nuhig nai laa daunigppa doum. Nug bau dayaya Nug, ‘Deɗ ewam ukkeb, da eɗue hippaidkkul,’ aum

Mak 12:10

Jesus Nug anam ana, Nug tuɗitta aum. “Ag nai laa Kayak naippa daatte ele, ag iite ebqeppig. Nai amuam inam. ‘Men laa, lag hak danab ag men amu uuppig, amge lag mameg nug men amu awa me, lagnu men anuqak daatte.

Luk 17:25

Amge tatam amu da guittak kuɗum aokkul. Amu danab haen gemu imunu amu, ag da geɗilkkulag,” awa aum.

Luk 24:26

Nug anam anana, Nug aa amelahppa nai tuɗitta aum. “Propet ag Kristus Nug ⌊hipunin uhuqkkunu,⌋ Nug guittak aokkununab daya awowa, anuqak abenppa daakkunu, ag Kayak oɗe aon, amunu iite yaappig?” awa aum.

Luk 24:44

Nug amelagppa aum. “Anukka da ag ele daatta, da ag amelagppa dahilnu nai oh Mosesnu ɗoppa, amu Kayaknu propet dilag yaakppa ele, nai amu oh bekkuoitte ami,” awa aum.

Jon 12:48

Laa nug da dimeɗa, dahil nai ii aokku amu, nuhig epeɗiak nug aokkunu appa ana daatte. Nai da nug dookkunu mattimi ele amu, nai amu geha gog tak haenppa nug hettoɗiakppa epeɗikku.

Jon 2:19

Aeg amu, Jesus Nug ag oɗelagppa awa aum. “Ag Kayaknu mettid lag imu heppeg nauheb, da deɗ ewam ooppa da eɗue bappaidkkul,” awa aum.

Aposel 7:35

Moses nugib aakku, anukka ag nug guhuɗidna, ‘Aun na ig gumignana, ihinig uug bappaidkkutnu meittom?’ aon appig, danab amuib aakku Kayak awa he, nug Israel dilag gumak danab, qagaiettakppanu eɗua uhuqak danab daakkunu ukkom. Kayak he, engel nug ad nakokppa, aab ewak ooppa ba, Moses anam hekkunu aum.

1 Korint 15:4

Ag Nug men oɗeppa boumeg, amu deɗ ewamppa Kayak naippa nai daatte bia, Kayak he, Nug eɗua hibaittom.

1 Samuel 10:19

Amge gemu ag Kayak ahilag, Nug aɗi uug nau, aɗi keeke ninig ele ahilagppa bette amu, Nug amuppa ehanatte, ag ena daatteb, ag Nug dimettan, Nug amegppa, ‘Na king laa mekke!’ aon atteb. Ag anam atteb amunu, Kayak Nug ahilag king am aun ippunadkkunu ag oh Israel dilag huu okkai 12 anen anenppa, amu huu amu anen anen oolagppa aab ikki anen anenppa ele, ag uɗin, Yawe gumidna wana dayeg!” awa aum.

1 Samuel 8:7

Nug Yawe amegppa unuqitta a, Yawe Samuel amegppa aum. “Na keeke oh ag na hekkutnu atteb amu, na amu hekkut! Aɗinu? Ag na ahilag okkai daakkutnu di ii medappig. Iitta! Ag da ahilag king daakkulnu dimeɗappig.