Mak 7:4 - Nobonob Baibel

⁴ O ag ee oɗiak abenppanu eɗun, lakka gona, ag haen amu ele ag ⌊ɗo dim lamidna⌋ eppelag ii ihana amu ag ee ii latteb. Ag ɗo laala kuɗum amubia dim lamidtteb; kap ihaknu, nippud ihaknu, amu tappiɗ ihaknu ele.

Mak 7:4 ပူးပေါင်းရင်းမြစ်များ

Sam 26:6

O Yawe, da kobol laa dubuttid ele hepanu, da dakka da awaitten oiyeye, da na noomppa dup noin binan mekkulnu da nahip qaɗab gukkuitten gottem.

Aisaia 1:16

Ag nau heppig amunu, ⌊danab nug beɗu dubuttid ele le layowa, dubittid iitta daatte bia,⌋ ag oolag bappaidna, dubuttid iitta dayeg! Ag hak nau da amelppa baula aib heppig. Ag baula eheɗ aib heppig.

Jeremaia 35:5

Da omalatti, ag uɗin daaegeg, da tappiɗ laala wain ele, kap ele awen, Rekap buɗub amu noolagppa mein, da ag amelagppa ami. “Ag wain aon laig!” awe ami.

Jeremaia 4:14

O Jerusalem danab ah, Juda danab ah ele, ag oolag dubuttid ele amunu, ag padal ii memananu, ag ehanittak aoglagnu, ag dubuttid amu oppieg! Ag nau hekkulagnu dabmak aɗan daatteb; amu haen gane laa ele ukkeb, ag dabmak amu uuglag.

Matyu 23:25

O gadonnab gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag kap, tappiɗ ele gaɗaib ihatteb, amge ooppa baubau awaknu hik qak, beɗu dim lamittak kobol ele ambak daattep.

Matyu 23:26

Ɗo gumak danab-Parasia ag amelag gaɗuak! Tatam ag kap, tappiɗ ele oo ihappeg, oppiaawak dayeb amu, gaɗa ele amu dubuttid iitta, oppiaawak daakku.

Matyu 27:24

Aeg amu, Pailat nug doyom, nug heeb, ag Jesus ii mauhmanu ii amana. Iitta. Ele amu, nug qak bekkunu daye anttom amunu, nug le awa, danab ah oh amelagppa eppeg ihaaha nug aum. “Danab imu mauhkku amu, mauhak amunu aab am dahil iitta. Ag ahilag hipuninib daakku,” awa aum.

Mak 7:8

Ag gemu daatteb amu, ag Kayaknu ɗo uuna, danab dilag ɗo aakkuib dim lamidtteb,” awa aum.

Jon 2:6

Amu le itaknu hanak menppa hak eblaih laippu ele, Juda ag haen oh ahilag kobolppa amuppa le laaglagnu meeg daappig. Hanak amu anen anen 100 lita anam le inakkunu elele.

Jon 3:25

Anam heegeg, Jonnu ippunittak awak danab laala ag Juda danab laa ele, ag danab attem ha Juda dilag ɗoppa oppiak daakkunu aeg ona aeg doum.

Hibru 9:10

Keeke amu oh am ee lanak keeke, le lanak keeke, amu le laaittak kobol digdig ele. Ɗo amu oh am danab beɗulagnuib. Kayak Nug ɗo amu oh danab ag dim lamidppeg ukkeb, dimppa Nug ib bau ooɗaknu haen uɗieb batak daaglagnu he daappig.

Jems 4:8

Ag Kayak gumidna wappeg amu, Nug ele ag gumatta dokku. Danab nug eppeg leppa ihe, dubuttid iitta daatte bia amu, ag hipunin danab ag heppeg, ag ahilag oiyak am dubuttid iitta ele dayaɗ! Ag danab ag dabmak laippu iitta, ag heppeg, ag oolag oppiak dayaɗ!

1 Jon 1:7

Amge Nug nukka amahlakppa daatte, amubia ig amahlakppa oittem dayeb amu, ig oh nug oo laippu ele nug doya dayakppa daattem, amu Nug Bekka Jesus, Nug tiig ihinig hipunin oh mihehe, ig oppiak daattem.