Mak 6:34 - Nobonob Baibel

³⁴ Tena daaegeg amu, haen Jesus ukka eeɗa, danab ah kuɗumnab gona daaegeg anatta, Nug ahilagnu oo bodoetta le meum. Aɗinu? Ag am doɗ sipsip ag gumak danab iitta, ag amubia daappig. Anam amunu, Nug ag keeke kuɗum ippuanattom.

Mak 6:34 ပူးပေါင်းရင်းမြစ်များ

1 King 22:17

Ahap nug anam a, aria Mikaia nug amegppa aum. “Da matu Israel dilag ban danab ag aben qaukoppa sipsip gumak danab iitta bia hamu matatun gona daaegeg anadmi. Am Yawe Nug inam a doomi. ‘Danab imu ag gumak laa iitta amunu, ag oh anen anen ag laulkadppa, maɗoɗ ele eɗun ukkeg!’ ” awa aum.

2 Stori 18:16

Ahap nug anam a, aria Mikaia nug amegppa aum. “Da matu Israel dilag ban danab ag aben qaukoppa sipsip gumak danab iitta bia hamu matatun gona daaegeg anadmi. Am Yawe Nug inam a doomi. ‘Danab imu ag gumak laa iitta amunu, ag oh anen anen ag laulkadppa, maɗoɗ ele eɗun ukkeg!’ ” awa aum

Aisaia 13:14

Haen Yawe Nug Babilon heeb nauhkku, haen amuppa am inam daakku. Danab ah wan laalappanu appa daatteb, ag geha ahan, oolna eɗun appalag diigppa gokkulag. Ao, danab ah wan laalappanu appa daatteb, ag geha ahan, oolna eɗun, ahilkad wan anen anenppa gokkulag. Doɗ dakkuɗ atuppan ag danab anadmananu baɗatteb amunu, haen doɗ dakkuɗ awak danab doɗ mattia oiyeye, doɗ dakkuɗ ag oolna gotteb, amubia danab ah amu ag oolna gokkulag. O sipsip danab laa ag gumadkkunu iitta, ag geha oolna, matatun gotteb, amubia huu amu ag ele oolna gokkulag.

Jeremaia 50:6

Yawe atte. “Dahilad danab ah ag sipsip qettoɗna oitteb bia daappig. Ahilkad gumak danab ag diiadna, eheɗ goppig. Ag heeg, dahilad danab ah ag sipsip qaukoppa matatun gona oitteb, ag amubia daappig. Ag sipsip qaukoppa oinna, ahilag niiaknu aben enanagnu daulag atitte, amubia dahilad danab ah ag eheɗ daanna oippig.

Esekiel 34:5

Ag sipsip gumak danab ag anam heeg, sipsip ag gumak danab ⌊genab laa⌋ iitta daanna, ag matatun, laih laih gona daappig. Ag matatun gona daaegeg, doɗ dakkuɗ ag aqan ladappig.

Sekaraia 10:2

Kayak hambuppuak dottolkad danab ag laulkadppa maatteg daatteb, ⌊amu dilag eman danab⌋ ag nai hambuppuak danab ah madatteb. Ao, eman danab ag tulegleg danab ah ib hambuppuak ippunadtte anidna, nai maditteb. ⌊Danab amu⌋ ag tul niiak hambuppuak anidna, amu danab ah amelagppa amunu atteb. Ao, ag amu anidna, danab ah hambuppualadna, keeke oh enaib daakkunu maditteb, amge amuppa danab ah ag ehanittak genab ii aotteb. Ag amu hetteb amunu, danab ah dahilad ag amu dilag nai oolagppa genab doon, sipsip qettoɗna, hamu oitteb bia oitteb. Ao, sipsip ag sipsip gumak danab iitta ele ag mauhnoak oitteb, amubia dahilad danab ah ag gumak danab genab iitta amunu, ag uug digdig anidna oitteb.

Matyu 14:14

Ag anam heeg, haen Jesus ukka eeɗa, danab ah kuɗumnab ag gona daaegeg anatta, Nug ahilagnu oo bodoetta le me, ahilkad danab ah oɗe ele bappalattom.

Matyu 15:32

Danab ah ag anam heeg amu, Jesus Nug nuhikkud ippunittak awak danab onilagppa e doeg, ag amelagppa aum. “Da danab ah imu oh dilag ool bodoetta le mette. Ag dahilppa uɗieg, ig deɗ ewam imu aakku daamut. Ag ee oh laeg iitta me, gemu ag ee iitta. Da heppi, ag enug gokkulagnu ool ii daatte. Aɗinu? Da ee ii matten heppi, ag enug aqebeb gonana, ib manppa ag amelag qittineb, nena qekkulagtai,” awa aum.

Matyu 9:36

Haen Nug danab ah kuɗumnab anam anatta amu, Nug oo bodoetta le meum. Aɗinu? Ag uug kuɗum ele dooppig, amge ehanittak laa iitta. Ag am doɗ sipsip ag gumak danab iitta, ag amubia daappig.

Mak 6:33

Ag anam goppig, amge ag gokkulagnu ahan ukkaegeg, appan danab ag Jesus nuhikkud ippunittak awak danab ele anadna doyadna, ag aab ohppanu ahan, baelagppa tatam qaiettan anuqna gona, aben Jesus aɗi gokkulagnu goppig, amuppa ag tatam teppig.

Mak 6:35

Ippuanattette aam noono, nuhikkud ippunittak awak danab ag Jesus gumidna dona, amegppa appig. “Laih imuam aben danab ii daatteb ele. Aam ele nokkun hette.

Mak 8:1

Aria, deɗ laa danab ah kuɗumnab baula Jesus gumidna goppig. Ag gona daaegeg, ee iitta amunu, Jesus Nug ippunittak awak danab onilagppa e doeg Nug aum.

Mak 8:2

“Da danab ah imu dilag ool bodoetta le mette. Ag dahilppa uɗieg, ig deɗ ewam imu aakku daamut. Ag ee oh laeg iitta me, gemu ag ee iitta.

Luk 9:11

Ukkaeg dimppa, danab ah kuɗumnab ag amu doon, ag dim lamidna gona, gumidna waeg, Jesus Nug ag ele laippu dayaknu ooppa eleleib doya, Nug Kayaknu ɗo maɗoɗnu nai amelagppa mehuqaqa, oɗe danab amu he ena daappig.

Hibru 2:17

Amunu, diig amunu, Nug Kayak noobppa oo gai-iitta doya oo metta ehanittak kobol, oo metta ii uuak kobol ele dim lamata mana mettak ikki danab daakkunu, amu Nug danab dilag hipuninnu eheɗ haknu nob nau Nug tiigppa iitta mekkunu heeb elele medakkunu elele daakkunu, Nug ib ohppa Nug laikkud bia bekkununab dayom.

Hibru 4:15

Ele amu ihinig mana mettak ikki danab, Nug am danab laa ihinignu oo ii dookkunu laa iitta. Hipunin haknu eeɗak kobol oh ihinigppa bette amu, amu ele nuhigppa beum, amge Nug hipunin laa iinab heum amunu, keeke nuhigppa beum bia ihinigppa beebe, ig gai-iitta bia daautut amu, Nug ihinignu oo doyak dookkunu elelenab daatte.