Mak 5:29 - Nobonob Baibel

²⁹ Lauɗitte amu nuhig tiig nak oɗe laippun iitta me, nug amu doye,

Mak 5:29 ပူးပေါင်းရင်းမြစ်များ

1 King 8:37

Aria, ihinig wanppa enug haen naɗi laa bekku dayeb, o oɗe nau danab kuɗum aqe mauhtteb ele laa bekku dayeb, o dattanu ee heeb nauhkkunu oɗe nau diig laala bekku dayeb, o tap-lokus kuɗum huanak uɗin, ag ee oh lappeg, ee laa ii daakku dayeb, o kekeɗ ag uɗin, ihinkad aab atten oo mattan aqaknu maadna daaglag dayeb, o oɗe nau atten, o uug naunab mettak attem bena heppeg, ig nauhkkunig dayeb amu,

Sam 103:3

Nug dahil hipunin oh uhuqa meɗa, dahil oɗe ele qe iitta mette.

Sam 107:20

Ag unuqitteg, Nug a, ag ena daappig. Nug ag mauhak ib oɗeppanu eɗua diia doum.

Sam 147:3

Nug danab ah ag oo doyak okkai, naɗi dootteb ele ehanatte, ag eɗun, ena daatteb. Ao, Nug danab layag baegppa ihi keeke ele itatte bia, Nug ag atognoadtte.

Sam 30:2

O Yawe, dahil Kayak, da na ehaniɗkkutnu unuqitti, na hee, oɗe dahil iitta me, da ena daattem.

Eksodas 15:26

Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.

Lewitikas 14:48

Mana mettak danab nug deɗ eblaih aɗitppa nug gililppa aben gi qak anidkkunu ukka, anam anidkku dayeb amu, nug anam aakku hekkuoitte. Amge simen laittak dimppa, mana mettak danab nug eɗua ukka, lag amu gililppa gi qak amu ⌊baula ii beum,⌋ aben laih ⌊ele⌋ ii ukkom anidkku dayeb amu, nug lag amu aakku Kayaknu neekkakppa dubuttid iitta akku. Aɗinu? Gi, oɗe gaɗa nau bia, keeke laa aɗa he nauhtte ele amu, gi amu aakku iitta meum.

Lewitikas 20:18

Am danab laa nug ah laa nug kalam qeeqe, nug ele beɗuppa wanak hekkulah dayeb, danab nug ah amu, nug Kayak ele ouqa dayaknu elele iitta dayeye, nug he, aa eheɗ hepiɗ, ah ele amu hekkulahnu ib oo ii neum amunu, aa Israel oolagppanu geɗittak daaglahoitte

Matyu 9:20

Amu ah laa appa dayom ele, tiig nak oɗe maɗ 12 nuhigppa dayom. Nug anam dayaya, nug ooppa, “Da lamen elab nuhig nakokib aɗakkul amu, da ena daakkul,” aum amunu, nug Jesus dimugppa gumitta wana, lamen daug lauɗittom.

Mak 3:10

Diig aɗinu danab ag Jesus hautkkulagnu heppig? Jesus Nug oɗe danab kuɗum bappalattom amunu, deɗ amuppa ele oɗe danab kuɗum danab ah oolagppa daanna, Jesus gumidna wana, Nug beɗu aɗaglagnu wagai meppig.

Mak 5:34

Nug anam a amu Jesus Nug aum. “O aɗel, na ootppa genab doome amunu, oɗe nahip iitta meum. Na maɗoɗ ele ukke! Na oɗe amunu guittak baula ii doomna,” awa aum.

Luk 7:21

Haen amuppanab Jesus Nug danab ah kuɗum ag oɗe digdig ele amu he ena daaegeg, Nug ouɗi nau kuɗum lamattatta, ameg gaɗuak kuɗum Nug he, ag amelag oppate ag neegppig.