Mak 4:38 - Nobonob Baibel

³⁸ Le anam heehe amu, Jesus Nug uub bitobppa uɗunppa niieye, nuhikkud ippunittak awak danab ag Nug maɗettan appig. “Ippunikkak ihinig, ig mauhkkunignu hettem amu, na amunu iite dabmettem?” aon appig.

Mak 4:38 ပူးပေါင်းရင်းမြစ်များ

Aisaia 63:15

O Yawe, na hab attan daattem. Na daattemppa amu, aben amuam oppiaawak ele, am binag amahlak oppiaawak ele. Amu na neegppe neeb, ⌊uug nau digdig ihinigppa bette⌋ anidkkutnu oɗ medattem. Na anukka nahip ɠagattag okkai eleppa ehanigme amu, gemu na anam ehanigkkutnu yag-nab-bak anukka doome bia iitai doottem? Na anukka ihinignu kobol qinonob hak ele, oo bodoetta le mak kobol eleppa ehanigme, amge gemu na anam bia ii hettem.

Aisaia 64:12

O Yawe, na amu oh anidna, na ig ehanigkkutnu uukkutte? Na ehanittak laa ii mekkanna, bu megappeppe padal mekkunigte?

Gayak Nai 3:8

Da ehaniɗkkunu unuqitten, oɗ medattem; amge Nug dahil unuqittak dookkunu uutte.

Matyu 22:16

Ag anam hena, ag ahilkad ippunittak awak danab, am Herotnu ehanittak danab ele, ag amunu laala maatteg, Jesus gumidna gona appig. “Ippunittak danab, ig doottem, na am danab tutukku. Na danab okkai onig ele, o danab onig iitta, na amu ohnu dab-ii-mettem. Iitta. Na doyak diig genabib, na nai amuppanuib mattin, danab ah Kayaknu kobol ippunadttem

Matyu 8:25

Nug niieye, nuhikkud ippunittak awak danab ag Nug gumidna gona maɗettan appig. “Naɗi, ig mauhmatanu, na ehanikke!” aon appig.

Mak 4:37

Ag ukkaegeg, ulah okkainab heehe, le ameg koɗkoɗ huan qa, uub ooppa noa, ambekkunu heum.

Mak 4:39

Ag anam aeg amu Jesus Nug aha, ulah amegppa nug anam hemanu ana, le amegppa, “Na uuna, toettan daye!” awa aum. Nug anam a, ulah nug iitta me, le ele toetta, manin niiom.

Luk 8:24

nuhikkud ippunittak awak danab ag wana, Jesus maɗettan appig. “Naɗi, Naɗi, ig mauhkkunignu hettem!” aon appig. Aon aeg am Jesus Nug aha, ulah, le koɗkoɗ qeum ele amu, Nug aa amelahppa aa anam hemayanu a, ulah nug iitta me, le ele toetta, manin dayom; baula ii uɗalom.

Jon 4:6

Anukka Jakop nug appa le moɗ nuhig buuom. Amu Jesus Nug ukka, amuppa ta, beɗu maidadaɗom amunu, Nug le moɗ amu guguittak hik awa, appa dayom. Haen amu aam ameg tutukku anam.

Hibru 2:17

Amunu, diig amunu, Nug Kayak noobppa oo gai-iitta doya oo metta ehanittak kobol, oo metta ii uuak kobol ele dim lamata mana mettak ikki danab daakkunu, amu Nug danab dilag hipuninnu eheɗ haknu nob nau Nug tiigppa iitta mekkunu heeb elele medakkunu elele daakkunu, Nug ib ohppa Nug laikkud bia bekkununab dayom.

Hibru 4:15

Ele amu ihinig mana mettak ikki danab, Nug am danab laa ihinignu oo ii dookkunu laa iitta. Hipunin haknu eeɗak kobol oh ihinigppa bette amu, amu ele nuhigppa beum, amge Nug hipunin laa iinab heum amunu, keeke nuhigppa beum bia ihinigppa beebe, ig gai-iitta bia daautut amu, Nug ihinignu oo doyak dookkunu elelenab daatte.

1 Pita 5:7

Kayak ag gumatta atognoadtte amunu, ag uug ahilag oh amu Nug eppegppa meig!