Mak 4:28 - Nobonob Baibel

²⁸ Nug uɗat laa heehe, wan nug nukka ee ittag medette, ee amu bette. Tatam am qaɗu, dimppa haɗag qette, amu dimppa nug meu otte.

Mak 4:28 ပူးပေါင်းရင်းမြစ်များ

Genesis 2:9

Yawe Kayak dad heum, amuppa Nug he, ad iɗu iɗu, amuam ad bala anattaknu, ad meu lanaknu ele, ad amu oh beppig. Dad gamagppa amu, Nug he, ad aɗit laa ele bepiɗ; amu laa am bau dayaknu ad, laa am keeke ena, keeke nau ele doyaknu ad.

Sam 1:3

Danab nug anam Kayak dim lamidtte ele amu, nug am ad laa le daugppa ebappig daatte, hanebppa meu owawa, uɗug ii nauhtte, nug anam bia daatte. Nug aɗi hette, am enaib bette.

Prowerb 4:18

Amu genab tutukku hak danab ippulag am digmakppa ena daatte, gamagppa enanag daatte, batakppa am enanagnab daatte; am aam haɗaedette, amahlak nakok nakok wanppa daye ukke, aam be, amahlak naɗi daatte, amubia daatte.

Eklisiastis 3:1

Keeke oh, am ahilag haen ele; amu uɗat oh danab ag wanppa hetteb ele, hak amu ele am haen ele.

Eklisiastis 3:11

Nug he, keeke haenppanab ag betteb, amu keeke amuam anttaknu enanag aakkuib. Nug ele danab ah oolagppa ag hanhannu keeke dooglagnu dabmak mattom daatte, amge ag Kayak Nug digmakppa aɗi heum, batakppa aɗi hekku amu, ag keeke amu oh dooglagnu elele iitta.

Aisaia 61:11

Anam amunu, ee tumu wanppanu genab digma ba, okkai mette, o dattanu keeke genab bette, amubia Naɗi Yawe Nug heeb, genab tutukku hak kobol wan atu ohppa okkai meeb, danab ah ag Nug binag mekkulag.

Hosea 6:3

Ig Yawenu doyaknu wagai metu! Ao, ig Yawe doognignu wagai metu! Ig anam hekkunig amu, aam nug genab buttua hanhan bette, genab amubia, Yawe Nug uɗia, ig ehanigkku. Ge, gu oug haen iitta metteppa hanhan nette, amubia Nug genab uɗia, ig ehanigkku.” Israel ag anam akkulag.

Matyu 13:26

Dimppa wit amu ba meu o amu, ag gikkiɗah nau ele ba okkai meeme anidppig.

Mak 4:27

Nug anam eppowa amu nug tuqanppa niiaya, amunppa nug uɗat laala haaha oiyeye, ee aeg nug ba, okkai mette. Okkai mette, amge danab nug ee amu attem ba okkai mette nug ii dootte.

Mak 4:29

Aria, meu wa oɗue, meu awak haen aakku doum amunu, danab nug meu aotte,” awa aum.

Pilipai 1:6

da imu am genabib genab doottem. Kayak Nug ahilagppa uɗat enanag digmeum amu, Nug uɗat amu tuɗitta heeb ukkeb ukkeb, Kristus Jesusnu deɗppa gog tekku.

Kolosi 1:10

Anam dayeb amu, ag Naɗinu dabmak dim lamidkkulagnu, ag Nug oo niitte ohppa oiglagnu elele daanna, ad meu ena otte, amubia ag anen anen ag oinna, ag uɗat ena oh hekkulag, amu ag doyak Kayaknu tuɗidna aoglag.