Mak 4:26 - Nobonob Baibel

²⁶ Jesus Nug nai amu mattiowa, Nug Kayaknu ɗo maɗoɗ attem daakkunu amu inam mattiom. “Kayaknu ɗo maɗoɗ amuam danab nug ee aeg wanppa tauɗtte bia.

Mak 4:26 ပူးပေါင်းရင်းမြစ်များ

Prowerb 11:18

Nau hak danab nug keeke aotte me, nug keeke diig genab ele ii aotte; amge danab nug genab tutukku hak kobol hette amu, nug meu ena genab aotte.

Eklisiastis 11:4

Danab nug ulahnu, o aam naknu keeke, nug amunu dabmak okkai aokku dayeb amu, nug keeke laa ii eppama; nug gu nekkunu dabmak okkai aokku dayeb amu, nug ukka, ee oɗuom ele ii aoma.

Eklisiastis 11:6

Na nahip uɗat attem meu okku amu, na ii doottem; uɗat laa imu meu okkutai, o uɗat laa umu am meu okkutai, o aɗit oh meu okkulahtai, na ii doottem, amunu na buttua ahan, ee keeke eppan; tueb ele na uɗat henan daye!

Aisaia 32:20

amge ⌊dimppa, haen ena bekku, haen amuppa⌋ ag itittak ena aon daaglag. Ag le guguittak ee eppaladnan, ag heppeg, ahilag makau, donki ele ag gikkiɗah lakkulagnu laih laih gona hamu oiglag.

Matyu 13:11

Aeg amu Nug inam aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu, ag dootteb, amge danab laa, ag am iitta ⌊amunu ag meu dooglagnu da ag amelagppa keeke danab ag dootteb ii dootteb ele ouaqaten ippunatten madittem⌋.

Matyu 13:24

Jesus baula ele keeke danab ag dootteb ii dootteb ele ouaqata ippuanatta, mattia aum. “Kayaknu ɗo maɗoɗ am danab laa, nug wit aeg ena dad okkai nuhigppa tauɗom, amubia daatte.

Matyu 13:3

Ag anam daaegeg, Jesus Nug keeke danab ag dootteb ii dootteb ele ouaqata ippuanittak naippa keeke kuɗum ag amelagppa mattiom. Nug inam mattia aum. “Ee aeg eppak danab nug ee aeg ebakkunu aha, dad okkaippa ukka ee eppaknu abenppa oiyaya, ee aeg tauɗom.

Matyu 13:31

Jesus Nug anam ana amu Nug keeke danab ag dootteb ii dootteb ele ouaqata ippunittak nai baula ele inam aum. “Kayaknu ɗo maɗoɗ amu mastet aeg, danab laa nug awa, dad nuhigppa eppom bia.

Matyu 13:33

Ana amu Nug baula ele keeke danab ag dootteb ii dootteb ele ouaqata ippuanatta, amelagppa mattia inam aum. “Kayaknu ɗo maɗoɗ am yis bia. Ah laa nug plaua kuɗum awa, yis ele kabolie, dimppa plaua oh titiɗa okkai meum,” awa aum.

Matyu 3:2

Nug nai mehuqaqa inam aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Matyu 4:17

Haen amuppa Jesus Nug Galili appa digma nai mehuqom. Nug nai inam mehuqaqa aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Mak 4:25

Danab nug Kayaknu keeke awa, uɗat pehettak medatte amu, Kayak Nug amu laa ele medakku, amge danab nug Kayaknu keeke awa, uɗat pehettak ii medatte amu, Kayak nug nuhig keeke awom amu eɗua aɗidkku,” awa aum.

Mak 4:27

Nug anam eppowa amu nug tuqanppa niiaya, amunppa nug uɗat laala haaha oiyeye, ee aeg nug ba, okkai mette. Okkai mette, amge danab nug ee amu attem ba okkai mette nug ii dootte.

Luk 13:18

Am Jesus Nug nai imu ippuanatta aum. “Kayaknu ɗo maɗoɗ am aɗi keeke bia daatte? Da aɗi keeke laa ippunadppi, ag Kayaknu ɗo maɗoɗnu oolag maidkku?

Luk 8:11

Jesus Nug anam ana amu, Nug nai baula tuɗitta aum. “Keeke danab ag dootteb ii dootteb ele ouaqaten ippuanatten mattimi amu, nuhig meu am inam. Ee aeg amu Kayaknu nai.

Luk 8:5

“Ee eppak danab nug ee aeg ebakkunu aha, dad okkaippa ukka ee eppaknu abenppa oiyaya, ee aeg tauɗom. Nug tauɗa ugekke, ee aeg laala danab ib oittebppa nena qena niiegeg, danab ag tappaeg, ai ag uɗin, ee aeg amu lappig.

Jon 12:24

Genabnab genab da ag amelagppa attem. Wit aeg nug qaɗu bekkunu wanppa ii na qekku, aeg nug ele ii nauhkku amu, aeg nug aakkuib daatte, amge nug wanppa na qa nauhkku dayeb amu, nug bau ba, meu huanak otte.

Jems 3:18

Danab ag maɗoɗ ikki daatteb amu, ag am danab ee eppowa meu aotte, amubia meu laa, amuam genab tutukku hak kobol, meu amu aotteb.