Mak 4:19 - Nobonob Baibel

¹⁹ amge ag wannu haen imunu uug laala, amu enub awak uɗat amu ameg qak kobol ele, keeke amu oh ag oolagppa he, Kayak nai iitta ma, meu ii otte.

Mak 4:19 ပူးပေါင်းရင်းမြစ်များ

Prowerb 23:4

Na en okkainab aɗakkutnu uɗat ge iitta aib heme; na amu hemananu na doyak dabmak ena ele aɗan, nagakka atognoitte!

Prowerb 23:5

En okkai am paha paha iitta mekkunu elelenab; Aɗinu? Haen kuɗum ai igel nug hagagaɗa, paha paha gotte, paha amubia en okkai na eppenppanu gokku.

Eklisiastis 4:8

Amuam danab nug tiig laippu laa iitta. Ao, nug nid iitta, awag, amag laa ele iitta. Anam amu, nug am uɗatib hette, nug hamu ii daatte; Nug anam daya haaha, en okkai aotte, amge nug ena ii dootte. Iitta. Nug baubau aokkunu hette. Nug nukka, nug oɗ inam ii medatte. “Da aun nug en imu aokkunu uɗat hettem? Ao, da aunnu uɗatib heinne, gamag ahak nakok aolom, amge da ii aottem?” Nug amu oɗ ii medatte. Kobol amu daatte, amge amu ele am gaɗappa, unuqagppa ele anttak laippu iitta; am kobol guittak ele.

Aisaia 5:2

Nug wan buue be, men oh akke ukke, muɗi grep eppeg enaib epeɗia eppom. Dad amu gamagppa nug neekkeb ukkeb, aɗi uɗitte anttaknu lag attan ta ukkak menppa hak laa heum. Amu nug dad ooppa nug grep meu tappa leppu awaknu aben laa heum. Nug keeke amu oh ha malowa, nug “Muɗi grep dahil imu geha meulag ena, ubuhi ele daaglag,” dabmeum. Nug anam dabmeum, amge anam iitta. Muɗi grep amu meu ena ii oppig, meulag doɗo naunau oppig; lanaknu am mua ele, ena iitta.

Aisaia 5:4

Amu muɗi grep nug geha ba, meu ena okkunu da uɗat ena hemi, amge aɗinu muɗi grep ag meulag, meu doɗo naunau ona, lanaknu ena iitta, mua ele oppig? Am keeke laa haknu dayomtai, da keeke amu iite hemi?

Matyu 13:22

Ee aeg wan uud keeke qaun ele beppigppa nena qeppig ele amu, nai amu inam ippunigtte. Danab laa nug nai dootte, amge wannu haen imunu uug laala, enub awak uɗatnu ameg qak kobol ele, keeke amu oh danab amu nug ooppa he, Kayak nai iitta ma, meu ii otte.

Matyu 19:23

Jesus Nug anam mattiowa, nuhikkud ippunittak awak danab amelagppa aum. “Da genab ag amelagppa attem, danab nug enub kuɗum ele nug Kayaknu ɗo maɗoɗ ooppa noaknu am uug okkai ele.

Matyu 3:10

Antteg! Epeɗiak haen am miag. Ad meu ii otte amu, nug mameg o qiie, aab aɗuppa mawe te eotte.

Mak 4:18

Ee aeg wan uud keeke qaun ele beppigppa nena qeppig ele amu, nai amu inam ippunigtte. Danab amu ag nai dootteb,

Luk 10:41

Amge Naɗi Nug oɗeppa awa aum. “Marta, Marta, na dabmak kuɗum ootppa dayeye, na keeke kuɗumnu ottaittem

Luk 21:34

Jesus Nug anam ana, Nug nai tuɗitta aum. “Keeke amu bekkun daatte amunu, ag daulag atieb, ag hanhan ee lanaknuib hik aqeb, le ɠagattag labeppeg, kaaka aqebeb, beɗu ena dayak amunu guattebeb hebeppeg, kobol amuib aha ag tonadmanu tutukku dabmeig! Kobol amu ag tonatteb, Naɗinu deɗ amu ag dab-ii-menana, pahaettak, doɗ pelemppa notte bia ag anadkku.

Jon 15:2

Mame Nug dahilppa eppeg oh meu ii niitteb ele okkulatta geɗadtte. Eppeg laa meu niitteb ele, ag meu huana okkulagnu Nug bappaladtte.

Rom 12:2

Danab laa ag wannu haen imuppan kobolnuib guattak oitteb, ag amubia aib oippig. Iitta! Kayak Nug heeb, ahilag dabmak ena bau beeb, ag oiyak bauppa oiyeg! Ag anam henana, ag Kayak, Nug ag aɗi hekkulagnu dabmaknab aotte, ag amu dooglag. Ag amu doona, ag Kayak Nug aɗi haknu ena dootte, aɗi haknu enanag dootte, aɗi haknu elelenab dootte amu, ag amu ele dooglag.

Epesus 2:2

Haen amuppa ag wan imuppan kobol nau, ouɗi nau ikkilag Satan ele dim lamidppig. Gemu ele danab ag Kayak oɗe ii dim lamidtteb amu, ag Satan waappa daatteb.

Epesus 6:12

Aɗinu? Ig danab ele ban ii hettem. Iitta. Ig wan imuppan gatatu kobolnu ikki danab oh, danab gumaknu ehah ele oh, aria ɠagattag oh ele, ag am ouɗi nau ig danab ig amenigppa ag anadkkunignu elele iitta, ig ag ele ban hettem

Pilipai 4:6

Ele amu, ag aɗi keeke laippunu dabmak qak aib doon daappig. Iitta! Ag keeke ohnu unuqittak digdigppa, “Ena heme,” anakppa ele, ag Kayak Nug ahilagnu aɗi aɗi hekkunu oolag daatte amu, ag oo hak amu Kayak amegppa aig!

1 Timoti 6:17

Danab ah wannu haen imuppanu keeke kuɗum ele amu, Na tutukku imu ag amelagppa appe doyeg! Ag beɗuppa tak kobol aib heppig. Ag keeke oh paha nauhtteb ele, ag amunu oolagppa genab aib dooppig. Ag Kayak, Nug nukka aakkuib keeke ena ena kuɗum, ig oonig gamag ahakkunu megatte ele amu, ag nuhignu aakkuib oolagppa genab doyeg!

2 Pita 1:8

Aɗinu? Ag kobol amu hekkulagnu henana, baubau tuɗidna hekkulag dayeb amu, kobol amu ag heppeg, amu ag Kristen, ag Jesus Kristus, ihinig Naɗi, nuhig kobol doona, kobol ena ele dim lamidkkulagnu meu anidkkulag.

Jut 1:12

Danab nau amu ag hanhan ag danab nai imu aotteb ele, ag ahilag hobul oo mauhak ele, hobul amuppa ag ele qagmena daanna, ee lanana, ag hobul dubuttid medatteb, amge danab amu ag ii baɗatteb. Ag akka agib ehanadkkulagnu hetteb. Danab amu ag am lombig laa, gu ahilagppanu ii nette; ulah iwalatte gotteb, amubia. Ag am ad, meu awak haenppa meu ii otte bia. Ag am ad bunaɗom, danab ag ad diig hiɗappig bia daatteb.