Mak 2:22 - Nobonob Baibel

²² Anam ana amu, Nug nai keeke amunu baula inam aum. “Laa ele amu, danab nug grep leppu bau doɗ gaɗa nippud alagppa ii inatte. Nug anam helo amu, grep leppu nug eɗua, wain baaba, titiɗa heebeb, doɗ gaɗa nippud alag nug ɠagattag eppom, okkai mekkunu elele iitta amunu nug aoɗeb, wain amu doɗ gaɗa nippud ele oh iitta mekkulah. Ag anam ii hetteb. Grep leppu bau am doɗ gaɗa nippud bauppa inaglagnuib daatte,” awa aum.

Mak 2:22 ပူးပေါင်းရင်းမြစ်များ

Job 32:19

Da danab grep leppu bau awa, doɗ gaɗa nippudppa ine, titiɗa he, doɗ gaɗa nippud huana taiedatte bia, da dahil nai da oolppa dayeye, da anambia daattem. Ge, da danab grep leppu bau awa, doɗ gaɗa nippudppa ine, titiɗa he, doɗ gaɗa nippud aoɗkkunu hette, da anam bia daattem.

Sam 119:80

Da uɗa nak ii doopanu amu, da nahip ɗo dim lamidppi, nahip neekkakppa da oolppa kaliak laa ii daamanu ool daatte.

Sam 119:83

Genab, da am doɗ gaɗa wain inaknu aab kahppa daya nauhtte bia daattem, amge diig amunu da nahip ɗonu daul ii atitte.

Matyu 9:17

Laa ele danab nug grep leppu bau, doɗ gaɗa nippud alagppa ii inatte. Nug anam helo amu, grep leppu nug eɗua, wain baaba, titiɗa heebeb, doɗ gaɗa nippud alag nug ɠagattag eppom, okkai mekkunu elele iitta amunu nug aoɗeb, wain amu doɗ gaɗa nippud ele oh iitta mekkulah. Anam amunu, grep leppu bau am doɗ gaɗa nippud bauppa inaeg, aa oh elele daattep,” awa aum.

Mak 2:21

Jesus Nug anam ana, Nug nai tuɗitta ippuanatta aum. “Danab nug lamen qatti bau awa, lamen alagnu giɗo amuppa tona ii koit-tte. Iitta! Nug anam helo amu, nug lamen iheb, lamen qatti bau ii ihak ele am nakok ma, lamen qatti amu aakku lamen alag eɗeb, lamen alag kattiɗa giɗo okkai ele daakku,” awa aum.

Mak 2:23

Aria, deɗ laa Sabat deɗppa Jesus nuhikkud ippunittak awak danab ele ag ibppa wit keekenu dad laala ooppa gonana, ippunittak awak danab ag wit aeg laala aon lappig.

Josua 9:13

Amu doɗ gaɗa nippud wain inaknu imu, ag am bau ena dayeye, wain inamut, amge gemu ag alag mena pattiɗadtteb. Ihinkad lamen, baenkad gaɗa ele amu ib imuag elabnab uɗiutut nauhadppig,” aon appig.

Josua 9:4

ag Josua, Israel danab ah ele buppualadppeg, Israel ban daup ag ii aqamnanu dabmeppig. Ag nai awa ukkak danab maatteg, Josua toppa goppig, amge Josua aɗi ag anadna, “Danab amu ag wan umanabnu, kalam ganettai oin oin uɗippig,” anam dooglagnu, ag donki qaɗeppa bek alag ma, nauhattak daappig. Amu doɗ gaɗa nippud wain inaknu alag me, danab ag bappaidppig ele, ag amu ele akkaeg teum.