Mak 2:20 - Nobonob Baibel

²⁰ Anam aakku daatte, amge deɗ laa dimppa ag lailag ah awom ele, nug laih ukkeb, haen amuppa ag oolag uug ele amunu, haen amuppa ag ee ohnu kud mena daaglag. Amu da ami, amubia. Da am danab ah aotte bia. Dahil ippunittak awak danab ag am da lailad bia. Da gemu ag ele daattem amunu, ag ee ohnu kud mena daaglagnu elele iitta. Dimppa da goppi, ag anam hekkulag,” awa aum.

Mak 2:20 ပူးပေါင်းရင်းမြစ်များ

Sam 45:11

Na am ah iɗun tuqaknab, amu ⌊Israel⌋ dilag king nug amunu enanagnab dootte. Nug am nahip naɗi amunu na nug binag okkai mette!

Solomonnu Ahi 3:11

O ag Jerusalem ah, ag uɗin, King Solomon, nug king haɗ meum daatte amu, ag uɗin nug antteg! Haɗ amunu amu, haen nug awiɗe, i ewau dayaknu matulak aomuɗ, deɗ amuppa nug anig nug haɗ amu nug igippa meum; deɗ amuppa amu, king nug gamag ahak naɗi doyom.

Aisaia 54:5

Aɗinu ag amu hekkulagnu elele daaglag? Laa Nug ag hattom ele, Nug ag gamulag daatte. Nug onig am Yawe Nukka Ɠagattag Oh Ele. Ao, aɗinu ag amu hekkulagnu elele daaglag? Am, Israel dilag Kayak Oppiaawak Ele, Nug ag Juda, ag laa eppelagppa dayaknu qagaiettakppanu eɗua uhuqak ha madatte. Nug wan oh dilag Kayak daatte.

Aisaia 62:5

Amu danab bau laa nug ah makkun laa awa atognotte, amubia ag Juda danab ah ag wan ahilag atognokkulag. Yo, danab nug ah awa, oo huana gamag ahatte, amubia Kayak ahilag Nug ahilagnu oo enanag daakku.

Sekaraia 13:7

Yawe Nukka Ɠagattag Oh Ele Nug atte. “Qep elab, na ahan, dahil sipsip gumak danab qe! Ge, qep elab, na danab da gukkuiɗak daatte ele qe! Qep elab am sipsip gumak danab qeeb amu, sipsip, ⌊dahilad danab ah amu,⌋ ag oolna, matatun gokkulag. Anam, amge da dahiladnab sipsip gumak danab sipsip nakkud bekkadtte bia atognoadkkul.

Matyu 26:31

Ag gona, Jesus Nug ag amelagppa aum. “Kayak naippa yaak laa niitte am inam. ‘Da sipsip gumak danab qeppi mauheb, sipsip ag oolna matatun gokkulag,’ amunu yaak amubia, gemu tuqan imu ag oh dahilnu uug doon, uuiɗna oolna gokkulag.

Matyu 9:15

Ag Jesus amegppa anam appig amu, Jesus Nug aum. “Da am danab nug ah aotte bia. Aria, dahil ippunittak awak danab, ag am da lailad. Amu ig doottem, ewau matulak haen am oo gamag ahak ele amunu, danab nug ah aotte, nug daatte haenppa, nug laikkud ag uug doonna, ee ohnu kud mena daaglagnu am iitta. Ag oolag gamag ahak ele amunu, ag ee ii uumna, ag lakkulag. Anam aakku daatte, amge deɗ laa dimppa ag lailag, ah awom ele amu, nug laih ukkeb, haen amuppa ag oolag uug ele amunu, haen amuppa ag ee ohnu kud mena daaglag. Amu da ami, amubia. Da am danab ah aotte bia. Dahil ippunittak awak danab ag am da lailad bia. Da gemu ag ele daattem amunu, ag ee ohnu kud mena daaglagnu elele iitta. Dimppa da goppi, ag anam hekkulag,” awa aum.

Mak 2:19

Ag Jesus amegppa anam appig amu, Jesus Nug aum. “Da am danab nug ah aotte bia. Aria, dahil ippunittak awak danab ag am da lailad. Amu ig doottem, ewau matulak haen am oo gamag ahak ele amunu, danab nug ah aotte, nug daatte haenppa, nug laikkud ag uug doonna, ee ohnu kud mena daaglagnu am iitta. Ag lailag daatte haenppa ag ee ohnu kud mena daaglagnu elele iitta. Ag oolag gamag ahak ele amunu, ag ee ii uumna, ag lakkulag.

Mak 2:21

Jesus Nug anam ana, Nug nai tuɗitta ippuanatta aum. “Danab nug lamen qatti bau awa, lamen alagnu giɗo amuppa tona ii koit-tte. Iitta! Nug anam helo amu, nug lamen iheb, lamen qatti bau ii ihak ele am nakok ma, lamen qatti amu aakku lamen alag eɗeb, lamen alag kattiɗa giɗo okkai ele daakku,” awa aum.

Luk 17:22

Awowa Jesus Nug eɗua, nuhikkud ippunittak awak danab amelagppa aum. “Geha dimppa haen laa uɗiebeb, ag am Danab Bekkalag da ele deɗ laippu oignignu oolag huanak daakku, amge geha anam ii daamna.

Luk 5:35

Anam aakku daatte, amge deɗ laa dimppa ag lailag, ah awom ele amu, nug laih ukkeb, haen amuppa ag oolag uug ele amunu, ag ee ohnu kud mena daaglag. Amu da ami, amubia. Da am danab ah aotte bia. Dahil ippunittak awak danab ag am da lailad bia. Da gemu ag ele daattem amunu, ag ee ohnu kud mena daaglagnu elele iitta. Dimppa da goppi, ag anam hekkulag,” awa aum.

Jon 12:8

Daɗek danab ag oolagppa hanhan daaglag, amge da ag ele haen oh ii daamta,” awa aum.

Jon 13:33

O nid naunau dahilad, haen nakoknab da ag ele daagnig, amu dimppa ag da mattiɗkkulag. Da tatam Juda okkai amelagppa ami amu, gemu da ag amelagppa ele iikku attem. Ag aben da gottem ele, amuppa ag gokkulagnu elele iitta.

Jon 16:28

Genab, da Mama toppanu uɗie, wanppa nemi daattem. Gemu am da wan imuppan ahe, eɗue Mama toppa gokkul,” awa aum.

Jon 16:7

Da genabnab genab ag amelagppa attem. Da hab aabppa gokkul am ena. Da ii goppi am ena iitta. Aɗinu? Da ii goppi amu Kayak Ouɗi, ahilag Ehanittak, Nug ii nema, amge da tein dayeye, da meppi, Nug ag gumatta nekku.

Jon 17:11

Gemu da wanppa tuɗitten ii daapa. Da na gumitte gottem, amge dahilad imu ag tuɗidna, wan imuppa ⌊danab ag oolagppa genab ii dootteb ele oolagppa⌋ daaglag. O Mame Oppiaawak Ele, da na ele laippu daattep, amubia ag laippu daaglagnu, na na oninppa, onin na da meɗame amu, na amuppa dabmadakkutnu ool daatte.

Jon 17:13

Da gemu na gumitte gokkulnu daattem, amu dahilad danab ag maɗoɗppan gamag ahak dahil oh aoglagnu amu, da amunu wanppa dayeye, nai imu madittem.

Jon 3:29

Amunu amu da am nid baunu kadoi bia. Nid bau nug ah aotte amu, ah amuam nuhigib, amge kadoi nuhig nug layag ah aotte doya, maɗoɗppan gamag ahak dootte. Nid baunu kadoi nug maɗoɗppan gamag ahak amu dootte, amubia da Jesusnu oolppa maɗoɗppan gamag ahak okkainab doottem.

Aposel 1:9

Am Nug nai amu amelagppa ana male, ag neegna daaegeg, Kayak he, Nug attan teum. Teete, lombig laa haute, ag baula Nug ii anidppig.

Aposel 14:23

Anam heyaya amu, aa Kristen tamaniak amu ohppa ikki danab laala otiadya maadpiɗ. Aa ee ohnu kud meya daayya unuqidyaya, aa Kristen tamaniak amu oh diiya, Naɗi, ag nuhignu oolagppa genab dooppig ele amu, Nug eppegppa maadpiɗ.

Aposel 3:21

Amu gemu Nug hab aabppa daatte. Nug appa dayebeb ukkeb, Kayak keeke oh eɗua bau hekkunu anukka nai nuhig ana qakke, nuhikkud propet ag oɗelagppa mehuqppig amu, Nug haen amu uɗikkunu ameg mekkuoitte.

1 Korint 7:5

Ag ewau matulak aoppig ele amu, ewau laa ooppa laa nug aib laa guhuɗitta, wagai ma nug beɗu hagakka awom. Amge aa Kayak unuqidkkulahnu heya, oolah laippu meya, haen tutu tituankkulah dayeb, haen amuppa aa nug ii aomya, amuam elele. Amge haen tutu amu maleb, aya aa ahilah oiyak pehettak atognoak kobol dim lamidkkulahnu elele iitta daamyanu, amuppa Satan aa gappai kobol hekkulahnu eeɗatmanu, aa eɗui, nug aoglah.

2 Korint 11:2

Kayak Nug ig danab ihinignu huana dabmaama, Nug nukka ig nuhignu tituanikkom, amubia da ele ahilagnu anamib dabmettem. Ao, da ah makkun, oiyak nuhig oppiakib, nug mameg danab laanu ah daakkunu nug baeg aɗatte bia, da ag oppiak amubia daabppeg, ag Kristus medakkulnu hettem.

2 Korint 11:27

Da uɗat digdig huanak hemi. Haen kuɗum da tuqan uɗat heinne, niiak laa ii niimi. Da enug iwewe, le baal ele diiom. Haen kuɗum da ee elele iitta daami, amu ulah iwe, lamennu tutu daami.

Revelesen 19:7

Gemu ig maɗoɗppan gamag ahak doot, binag amahlak oppiaawak metu! Aɗinu? Sipsip Nag Nug nuhig ah aokkunu haen aakku beum, amu ah nuhig nug ha, nug amunu babaittak daatte.

Revelesen 21:9

Anam a amu, engel eblaih aɗit ele ag tappiɗ eblaih aɗit ele aɗualadppig, amuppa keeke naunab danab he nauhaknu eblaih aɗit ambak ele, ag oolagppanu laippu laa nug doa, da amelppa aum. “Na do! Da ah makkun bau Sipsip Nag wau ippunidkkul,” awa aum.