Mak 16:20 - Nobonob Baibel

²⁰ Aria, ippunittak awak danab ag wan ohppa gona, Jesusnu nai mehuqegeg, Naɗi Nug ag ehanattette, ag Kayak dabmettaknu kobol danab haknu elele iitta laala ele heegeg, amuppa danab ag mehuqak ahilag genab dooppig.))

Mak 16:20 ပူးပေါင်းရင်းမြစ်များ

Mak 16:19

Naɗi Jesus Nug anam a amu Kayak Nug he, Jesus Nug hab aabppa ta, Kayak eppeg naɗiap-ppa heɗep na dayom.

Luk 1:1

O danab naɗi Tiopilus, danab kuɗum ag tatam keeke ig oonigppa beppig, amunu nai yaappig.

Luk 1:2

Digmakppanu ukke batakppa danab ag keeke amu anidppig ele ag aeg doout yaappig. Ag am Nai Ena mehuqak danab daanna, nai amu aeg doomut.

Aposel 14:3

Amunu Pol, Barnabas ele aa haen elab Aikoniam appa baɗak iitta ele Naɗinu nai mehuqeh, Naɗi Nug ɠagattag mate, aa Kayak dabmettaknu kobol danab haknu elele iitta kuɗum digdig ele hepiɗ. Anam heeheh, amuppa Naɗi Nug nuhig ehanittak okkai hamu mettaknu nai, amuam genab, danab ah ippuanattom.

Aposel 4:30

Laa ele amu na Jesus, nahip maɗi nid oppiaawak ele amu, na Nug onigppa eppen bahin, oɗe danab aɗualadppe, ag eɗun ena daaglagnu unuqidttem. Kayak dabmettaknu kobol danab haknu elele iitta amu, na amu ele Jesus onigppa hekkutnu oɗ medattem,” aon unuqidppig.

Aposel 5:12

Aria, haen amuppa danab ah oh ag Jesusnu oolagppa genab dooppig ele ag hanhan Kayaknu mettid lagnu aɗ ooppa, aben laa Solomonnu Aben atteb, amuppa qagmedappig. Qagmenan oinna, totol danab 12 ag aabppan danab oolagppa Kayak dabmettaknu kobol danab haknu elele iitta kuɗum digdig, amu uɗat ɠagattagnab ele heppig.

Rom 15:19

Ele amu, iitta aɗi ag Kayak dabmettaknu kobol danab haknu elele iitta okkai okkai, amu kobol danab haknu elele iitta digdig ele Kayak Ouɗinu ɠagattagppa da hei anidna, ag Kayak nai dim lamidppignu madikkul. Nug anam ehaniɗom amunu, da Jerusalem appa digmein, Kristusnu Nai Ena ohnab mehuqeqe, aben ohppa ele oii ukke ukke, Ilirikum aabppa batami.

2 Korint 6:1

Ig Kayak ele oh uɗat hettem amunu, ag Kayaknu ehanittak okkai Nug hamu mattom amu, ag amu ii kakidmananu dabmekkulagnu ahilkad dabmak maɗedattem.

Hibru 2:3

Aria gemu amu Kayak Nug ig eɗua awigkkunu ib babaittom, uɗat naɗi nuhig aakku daatte amunu, ig Kayaknu uɗat amu dimettagnig dayeb, ig eheɗ hak ihinignu nob naunu dekkaɗta oolta gokkunignu elelete? Iitta! Ig elele iittanab. Naɗi Jesus Nug nukka, eɗua awikkak amunu amu Nug tatam a, danab ag Nug oɗeppa aawo dooppig ele ag ig amenigppa nai amunu am genabnab ippunigppig.

Hibru 2:4

Kayak Nug nuhignu dabmettaknu kobol danab haknu elele iitta hattomppa, aria kobol danab haknu elele iitta laalappa, amu Nug nuhig Ouɗinu ɗo digdig ele, Nug oo niiom bia, danab mattom eleppa nai amu ɠagattag qettom.