Mak 16:17 - Nobonob Baibel

¹⁷ Danab ag dahilnu oolagppa genab dootteb ele, ag da onilppa Kayak dabmettaknu kobol danab haknu elele iitta laala imubia hekkulag. Ag ouɗi nau lamadkkulag, ag nailag piɗe piɗe mattiglag.

Mak 16:17 ပူးပေါင်းရင်းမြစ်များ

Mak 9:38

Jesus Nug anam a amu Jon nug Jesus amegppa aum. “Ippunittak danab, ig danab laa nug na oninppa ouɗi nau lamatte anidmut, amge nug ig dim lamikke ii oittem amunu, ig nug ouɗi nau lamadmanu ɗo memut,” awa aum.

Luk 10:17

Dimppa danab 72 ag maɗoɗppan gamag ahak huana ele eɗun uɗin appig. “Naɗi, ig na onin diiutut, ouɗi nau ele ag ihinig nai dim lamidppig,” aon appig.

Jon 14:12

Da genabnab genab ag amelagppa attem. Laa nug dahilnu ooppa genab dootte ele, nug uɗat da hettem imu, nug ele hekku. Nug uɗat da hettem ele amu, nug uɗat dahil amu eɗittak, okkainab ele hekku. Aɗinu? Da geha Mame toppa gokkul.

Aposel 10:46

Anam amu, Juda ag iitta aɗi amu ag nailag digdigppa nai mattinna, ag Kayak binag meegeg anidppig. Keeke amu beum, amu Pita nug aum.

Aposel 16:18

Nug kobol amu deɗ kuɗum he ukke ukke, Pol nug ooppa guittak doya, nug eɗua ouɗi nau amegppa aum. “Jesus Kristus onigppa na nug uuidkkutnu haknunab attem!” awa aum. Anam a amu ouɗi nau geha aakku nid ahin amu uuitta ukkom.

Aposel 19:6

Pol nug eppeg qaɗelagppa me, Kayak Ouɗi ne aona, ag aabaab nailagppa nai mattinna, ag propet nai mehuqppig.

Aposel 2:33

Nug hab aabppa teum, Kayak eppeg naɗiap-ppa daatte. Mameg Kayak Nug nuhig Ouɗi, anukka medakkunu nai qakka aum bia amu, Nug mettom. Mette, Jesus Nug ig ele iikku gemu Kayak Ouɗi mekkom amunu, ag keeke imu gemu anidna dootteb.

Aposel 5:16

Ag anam heeg, danab ah kuɗumnab, aab laala Jerusalem guguittak daatteb, appan ag ele ahan, danab oɗe ele, amu danab ouɗi nau ele akkan uɗiegeg, ag oh eɗun ena daappig.

Aposel 8:7

Appan danab ah laa ag ouɗi nau ele daappig amu, ouɗi nau kuɗum ag huan enana, ag uuadna ukkaegeg, danab kuɗum eppelag, baelag ele mauhak, amu ebehilag kaliak ele ag eɗun ena daappig.

1 Korint 12:10

Am Nug laa ehah mette, nug kobol danab hekkunu elele iitta ele, nug hekkunu elele daatte. Laa nug propet nai mehuqkkunu ehah amu medatte. Am laa nug ouɗi digdig epeɗiadkkunu ehah amu medatte. Am laa nug nai laappa nai madikkunu ehah medatta, Nug laa nug nai amu eɗukkunu ehah amu medatte.

1 Korint 12:28

Am Kayak Nug Kristen tamaniak ooppa nuhig uɗat hak danab ele anam aakku meum. Anuqak am totol danab daatteb. Amu dimulagppa am propet danab daaeg, ag dimulagppa am ippunittak danab daatteb. Aria, laa amu kobol danab hekkunu elele iitta hak danab daaeg, laa ag oɗe babaittak danab dilag ehah ele daaeg, amu laa ag ehanattak danab daaeg, laa ag uɗat digdig gumak danab dilag ehah ele daaeg, laa amu aabaab naippa nai mattiaknu danab daatteb.

1 Korint 12:30

O iitta ag oh am oɗe danab bappaidkkulagnu ehah elete? O iitta ag oh am aabaab naippa nai madittebte? O iitta ag oh am nai amu eɗuttebte? Iitta!

1 Korint 13:1

Da danab amelagppa danab nailag digdig amu engel nailagppa ele madittem dayeb, amge da laa dilagnu oo mauhak ii doottem dayeb amu, da do hamu gaatte bia, o iitta simbal oqotti hamu otte bia daattem.

1 Korint 14:2

Aɗinu? Ig doottem, danab nug nai laappa nai maditte, nug danab ah ele nai ii madatte. Iitta. Danab ag nai amu ii dootteb amunu, nug Kayakib amegppa atte. Kayak Ouɗi he, nug Kayaknu dabmak lokkumak daatte, nug amu maditte.