Mak 15:32 - Nobonob Baibel

³² Nug am Kristus, Israel dilag kingde! Nug ad emaitak uua, honap neeb, ig anitta, ig nuhignu oonigppa genab doognig,” aon appig. Ag anam aegeg amu danab aɗit ag aa Jesus ele atuladppig amu, aa ele Jesus amegppa awa awa qettak nai madipiɗ.

Mak 15:32 ပူးပေါင်းရင်းမြစ်များ

Aisaia 44:6

Yawe, Nug Israel dilag king, Nug Israel dilag qagaiettakppanu eɗua uhuqaknu ehanittak, Nug Yawe Nukka Ɠagattag Oh Ele, Nug inam atte. “Da hanhan daattem; anuqakppa, batakppa ele da daattem. Kayak laal ii daatte.

Sepanaia 3:15

Aɗinu ag Israel danab ah ag amu hekkulag? Yawe Nug ag bu aoglagnu nai daatte am heeb, bu awak amu am iitta meeb, ag baula ii aomna. Nug ahilkad kekeɗ lamadkku. Yawe, Nug am Israel dilag king daatte, Nug Israel danab oolagppa daakku amunu, ag Israel, ag baula uug naunab laa ahilagppa tekkunu ii baɗamna; iitta.

Sekaraia 9:9

Danab ah ag Sion appa daatteb, ag oolag huana gamag ahaɗ! Yo, danab ah ag Jerusalem daatteb, ag oolag gamag aheb, huana eig! Antteg! King ahilag Nug ahilagppa aakku uɗitte. Nug genab tutukku hak kobol haaha, nug danab ah ehanatteb, padal ii memananu kobol ele dim lamitta haaha uɗitte. Nug nukka Nug onig qe ne, ⌊Nug danab onig iitta bia,⌋ Nug donki laa attan dayaya uɗitte. Yo, Nug donki nag laa ⌊nakok okkai meum⌋ attan dayaya uɗitte.

Matyu 1:17

Anam aakku amunu, Abraham buɗub buɗub uɗiak Dawit batak, amuam ebqak 14. Aria, Dawit uɗiak Babilon appa diia ukka laih me dayak batak, amu ele buɗub buɗub uɗiak ebqak 14. Aria, Israel ag diia ukka laih me dayak danab ah Babilon appa gona daappig uɗiak, Kristus doum batak, amu ele buɗub buɗub uɗiak ebqak 14.

Matyu 27:42

“Nug danab laa ehanattom, amge nug nugakka ehanidkkunu elele iitta. Nug am Israel dilag kingde! Nug ad emaitak uua, honap neeb amu, ig nuhignu oonigppa genab doognig.

Matyu 27:44

Am yab danab naunab aɗit ad emaitakppa Jesus guguittak atulatppig, aa ele Jesus amegppa awa awa qettak nai madipiɗ.

Mak 15:26

Rom danab ag danab ad emaitakppa atuladttappig ele amu, ag aɗi nai ag beɗulagppa yaappig ele, danab ag amu anidkkulagnu, ag ad mahappa yaana, ad emaitakppa atulppig. Aria, Jesusnu amu, ag Nug igippa ad emaitakppa, ag nai imu ad mahappa yaan atulppig. “Imu am Juda dilag king.”

Mak 15:27

Ag danab aɗit laa, aa am yab danab naunab amu, ag aa Jesus ele oh atuladppig. Ag danab laa ag Jesus eppeg naɗiap-ppa ad emaitakppa atulona, laa am eppeg nanehppa ad emaitakppa atulppig.

Jon 1:49

Jesus anam a amu, Nataniel oɗeppa awa aum. “Ippunittak danab, na am Kayak Bekka, na Israel dilag king,” awa aum.

Jon 12:13

Ag anam doona, ag ad pam eppeg uɗug ele qiialadna, Jesus uɗa tekkulagnu gona eppig. “Ig Kayak onig humatu! Laa nug Naɗi onigppa uɗitte amu, ig Naɗi Nug itidkkunu oonig daatte. Naɗi Nug Israel dilag king itidkkunu oonig daatte!” aon appig.

Rom 3:3

Genab, Juda danab laala ag nai amunu oolagppa genab ii dooppig, amge ooppa genab ii doyak ahilag amuam he, Kayak Nug aɗi hekkun attenu oo metta ii uuak kobol dim lamidtte, am nuhig kobol amu iitta meumte?

2 Timoti 2:18

Danab amunu amu, ag doyak diig genabib apiɗidna, ag inam atteb. “Mauhakppanu eɗua hibaittak am ba malom,” aon atteb. Ag nai amuppa danab laala ag ahilag ooppa genab doyak heeg nauhtte.