Mak 15:29 - Nobonob Baibel

²⁹ Aria, danab ah ag nug noobppa dona wanana, ag ikkilag matuɗna, aon aon qettanna inam appig. “O na, na am Kayaknu mettid lag loppaɗna, eɗun deɗ ewamppaib hekkutnu ame amu,

Mak 15:29 ပူးပေါင်းရင်းမြစ်များ

Sam 109:25

Danab ah ag dahilnu, ‘Keeke hamunab,’ dootteb. Haen ag da aniɗna amu, ag ikkilag matuɗnana, ⌊‘Nug aakku mauhkku hette,’ atteb⌋.

Sam 69:26

O Kayak, da na dahilad kekeɗ dilagppa anam hekkutnu oɗ medattemnu diig am inam. Na laa bu madattem ele amu, dahilad kekeɗ ag ag eheɗ hattaegeg, guittak tuɗittak, okkai dootteb. Ao, na laa, na ag bu matte guittak dootteb ele amu, dahilad kekeɗ ag amu dilag guittaknu qattag metteb.

Sam 69:7

Da na dim lamidttem, diig amunu amu, laa ag dahilnu, “Keeke hamunab,” dootteb. Ao, diig amunu ag da uɗa nak nau meɗatteb.

Gayak Nai 1:12

Ag danab ah ag oinna, ag neegna, ig Juda anignana, ag guittak nau ig tonikkom daatte am keeke hamu doottebte? Ao, Yawe Nug ig Juda ig hipunin huanak hemut antta, Nug oo nauhak huanaknab doya he, kekeɗ ag heeg, ig guittak okkainab aomut oittem amu, laa guittak ig aomut bia laa awomte?

Gayak Nai 2:15

Ag Juda danab ah, ag bu aakku aoppig amunu, gemu aun aɗi ag Jerusalem guguittak oitteb ele ag aon aon aqan, ag ahilagnu, “Keeke hamunab,” doon, ag ikkilag matuɗtteb. Ag atteb. “Aab okkai imunute anukka danab ah laa ag inam anan oippigte? ‘Neekkakppa aab amuam wan atu ohppan aab laa eɗattak; wanppan danab ah oh ag Jerusalem appanu gamag ahak aotteb.’ Ag anam anan oippigte?”

Matyu 26:61

beya apiɗ. “Danab imu nug, ‘Da Kayaknu mettid lag heppi nauheb, deɗ ewam ooppa da eɗue hekkulnu elele,’ aum,” aoi apiɗ.

Mak 14:58

“Danab imu Nug inam a doomuɗ. ‘Da Kayaknu mettid lag imu, danab eppelagppa heppig ele amu, da heppi nauheb, da deɗ ewam ooppa, da bau hekkul, amge da eppelppa ii hepa.’ Nug anam aum,” aoya apiɗ.

Mak 15:28

((Ag Jesus danab aɗit ele atuladppig amunu, Kayak nai laa, nai amu meu oom. Nai am inam. “Ag nuhignu, ‘Nug am hipunin danab lailag,’ akkulag.”))

Mak 15:30

⌊na anam hekkutnu elele dayeb,⌋ na nakka na ehanidna, na beɗun uhuqna, na ad emaitakppanu nee!” aon appig.